Mi Nɔnɔle 10:29 - Kazambale lé Sebe Sauunu 1979

²⁹ Moizi lé é na ti Madian mi Réuɛl be Obab lɛ léé: Tɛrɛ lé Gakelebale a nɔle we fe ko lɛ, ana lé ko dan go lɛ bɛ. ’I da, kaa go, yé ko dan wezin kɛlɛ lɛ i lɛ, naa, Gakelebale a fe léé, é dan wezin kɛlɛ lɛ Izraɛl lɛ.

Mi Nɔnɔle 10:29 ပူးပေါင်းရင်းမြစ်များ

Wepélisiananu 12:7

Yé Gakelebale bɔra Abram va, yé é léé: Maa dan tɛrɛ ’ko nɔ lɛ i kulu é kulu lɛ. Yé Abram Gakelebale banna kɛlɛ, fɛana lé é bɔra a yuɛ va bɛ, ana.

Wepélisiananu 13:15

Yé tɛrɛ faa lé bé ye, maa dan a nɔ lɛ bii koo, ilé nénu koo, ka lɛ, lɛɛfaama zé nya.

Wepélisiananu 15:18

’Bɛ yi la Gakelebale gi pa do Abram va, yé é léé: An tɛrɛ ’ko nɔ i kulu lɛ; a péli é sia Éjipiti yuu blɛn ma, yé éé goo fɔɔ yé é bɔ yuu blɛn lé wa laama Yufrat, a ma.

Wepélisiananu 17:8

Tɛrɛ lé i ke é nyanale a ta bɛn nya ’ko, maa dan a nɔ lɛ bii valé ilé nénu lé wo dan kɛlɛ lɛ i zuo bɛ, wo lɛ. Maa dan Kanaan tɛrɛ faa nɔ lɛ wo lɛ wozé nya lɛɛfaama, a glɛ ’ka lo, yé maa dan kɛlɛ lɛ wolé Bale nya.

Wepélisiananu 32:12

Yé bii, i léé, ’é dan wezin kɛlɛ lɛ an lɛ, yé ’é dan an kulunu kɛlɛ lɛ di bélé wɛyi gɔɔn ma nyéné zo, ’té wo ’ka bɔa wo nɔnɔle lɛ lo.

Lɛrɛvɔ Sɛbɛ 100:1

Bale tɔ zin fe lɛrɛ lé. ’Kaa tɛrɛlamunu, ’Kaa faa ’é siaa ginanale nya Gakelebale lɛ;

Lɛrɛvɔ Sɛbɛ 34:8

Munu lé woo kanaan Gakelebale lee, alé lanje éé yiié wo zi, Yé dé gawe bɔ wo ma, éé wo sié a gi.

Lɛrɛvɔ Sɛbɛ 95:1

’Ka da, kaa lɛrɛ vɔ Gakelebale lɛ, ginanale blɛn nya. Kaa sia ginanale nya Gakelebale lé é ke kolé gɔlɛgɔ nya, ko siéwegizan nya, a lɛ.

Fwile 18:1

We faa lé Kazambale a kɛlɛ Moizi valé alé munu Izraɛl pli zi, Madian lé balebanzan, Jétro, Moizi na ti a ’ma; é a ’ma léé, Gakelebale Izraɛl munu si Éjipiti tɛrɛ la.

Fwile 18:12

Moizi na ti Jétro Bale ban, balebanwi lé wa kyɛ blé, a nya, yé é saraka bo Kazambale lɛ. Arɔn valé Izraɛl lé mi segelenu faa da a banwi ble lɛ Moizi na ti va, Kazambale yuɛ va.

Fwile 18:27

Moizi zi nɔ é na ti Jétro lɛ, yé é go élé tɛrɛ la.

Fwile 2:18

Wo nɔla ’wo ti Réuɛl va aan wo, é léé: Mɛmalé ka da é kele kyɔɔ?

Fwile 2:21

É dɔ Moizi gi léé, ’é nyanaan gɔné ’ko va, yé é nyana a va. Yé ’bɛ é lu Séfora nɔ a lɛ a na nya.

Fwile 3:1

Moizi é na ti, Madian balebanzan Jétro lé trubɛ tabin‐é; é go trubɛ nya nyéné lé fɛna zi yé é da Kazambale lé gɔ va, Orɛb gɔ va.

Fwile 3:8

Maa zun wo sile Éjipiti munu lee we ma, wo sile tɛrɛ ’ko la yé ’wo go tɛrɛ blɛn zima ta we gi, wo gole tɛrɛ nyɔnɔzan ta we gi. Kanaannu koo, Étinu koo, Amorénu koo, Férézinu koo, Éévinu koo, Jébusinu koo, wa é nyanale tɛrɛ ’ko la.

Fwile 6:4

Maa gi pa do wo va léé, Kanaan tɛrɛ, wolé dɔwotɛrɛ lé wo ke bɛn nya a ta bɛ, maa dan a nɔ lɛ wo lɛ.

Ézai 2:3

Munu é dan go lɛ ana é bu nya é bu nya, yé wo dan a fe lɛ léé: ’Ka da, kaa go Gakelebale lé gɔ nwiin Jakɔb lé Bale lé kɔn ’léé, Yé é ’élé we paa kaa gi, Yé kaa tawo alé zinu ta. Naa, bélidɔwe é dan si lɛ Siɔn, Yé Gakelebale dére é dan si lɛ Jérusalɛm.

Jérémi 50:5

Wo dan Siɔn lé zi ma laa lɛ, wo dan ’wo yara nɔla lɛ a vazia. ’Ka da, ’ka gi pa do Gakelebale va, gipawe lé a glɛ ’ka lo, ’té ka gi ’ka saan a ma monomono lo, a nya.

Mi Nɔnɔle 10:28

Izraɛlmunu tawo wolé sunyapalunu ma fɛan zo, yee lé ke bɛ; wo tawo ’bɛ zo.

Mi Nɔnɔle 23:19

Bale ’ka mi nya yé é vié wo lo. É ’ka blami be nya yé a bli éé nɔlaan lo. É wean fe ’naan, é ’ka dan a kɛlɛ lɛ loo? É wean lɛ kini ’naan, é ’ka dan a lɛ sɔɔ lɛ loo?

Kelewenu 7:5

Bale ’ka tɛrɛ kiéné nɔ lɛ a lɛ azé nya lo yé é ’ka é gane dɔrana boen ye lɛ lo, naa, Bale blivolɛdére fe a lɛ léé, é dan tɛrɛ nɔ lɛ a lɛ azé nya, ’bɛ valé a kulunu zé nya é voéla lii, dɔlé ’té alé né do kpen ’ka lo.

Bélidɔwesɛbɛ Fiézan 30:5

Gakelebale, kalé Bale é dan da lɛ ka nya tɛrɛ lé é ke ka tranu zé nya, a ta, yé é dan kɛlɛ lɛ kazé nya; é dan wezin kɛlɛ lɛ ka lɛ, yé é dan ka fan lɛ é mini ka tranu ta.

Bélidɔwesɛbɛ Fiézan 4:40

’Ka dɔ alé bélidɔwenu ta ma, yé ’ka a sɔnnénu pa ma; maa wo gɔɔn ka lɛ kyɔ; dé ka kɛlɛ, ka gi é dan nana lɛ, ka valé kalé nénu nya ka zuo, yé ka dan mɔn lɛ, tɛrɛ lé Gakelebale kalé Bale a nɔ ka lɛ, a ta.

Tite 1:2

We ’konu ma lé mi bli a vole é yuɛmale lé a glɛ ’ka lo, a yele lɛ. Bléyian va lé tɛrɛ ’ka tan bɔra lɛ lo, Kazambale lé é ’ka viéwoo monomono lo, é léé, é dan vole é yuɛma nɔ lɛ munu lɛ.

Ébrunu 6:18

Yé we fié ’ko lé wo ’ka nɔlaan monomono lo, ’té Kazambale ’ka bɔaléé, é viéwo wo gi lo, woo plɛplɛ no kaa lɛ. Kaa lé, kaa kaa yɔɔna ye, we fié ’ko, woo plɛplɛ no kaa lɛ, yé yee yɔɔna lé é ke blivolɛdére lé Bale a fe kaa lɛ, a nya.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

Weblezannu 1:16

Moizi na ti Kéni mi benu si yɔwuofla la, wo valé Juda benu nya, yé wo go Juda lé fɛna bwi la, Arad yirinwana bɛyilazia, yé wo nyana anamunu va.

Weblezannu 4:11

Kéni mi Éébɛɛ si Kéni munu va yé élé sɔkɔn dɔ Sanaim sɛnéyili wuo, Kédɛs sɔnɔ. Kéninu a Moizi na ti Obab kulunu nya.

1 Samuɛl 15:6

É lé Kéni munu lɛ léé: ’Ka si Amalɛknu méléna, ’ka go, té ka zamaga wo wo nya lo we gi; naa, ka wezin kɛlɛ Izraɛl lé nénu lɛ, wo sile Éjipiti bléyi va. Yé Kéni munu si Amalɛk méléna.