Mi Nɔnɔle 10:10 - Kazambale lé Sebe Sauunu 1979

¹⁰ ’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.

Mi Nɔnɔle 10:10 ပူးပေါင်းရင်းမြစ်များ

2 Minwiinzannu 4:23

Yé é léé: Mɛmalé i a a va léé, i go a va kyɔɔ? Moné dɛrɛ ’ka tan bɔra lɛ lo, yé flinyi kaan lo. É lé é zana lɛ léé: Té i ’bɛ gi bɔrɔ pa lo.

Minwiinzannu lé Wezuofe Sɛbɛ 15:24

Balebanzannu Sébania, Jozafat, Nétanéɛl, Amasai, Zakari, Bénaja, Éliézɛɛ, woo ɛ béli fɛɛn Kazambale lé kɛsu ’lɛ. Obɛd‐Édom valé Jékija a kɛsu kɔné sizannu nya é ziin.

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 16:42

Éman valé Jédutun a wo va, bélinu koo, kɔanu koo, fɛ bɛnu lé woo lɛrɛ vɔa wo va yé wo Kazambale tɔ bɔ koo, wo ’bɛnu bɛ pa ’bɛnu ɛ lee. Jédutun benu a kɔntayuɛpazannu nya.

2 Minwiinmunu lé Wezuofe Sɛbɛ 29:26

Lévinu dɔ ’wo dɔna, ’té David lé lɛrɛvɔafɛnu a wo lee, yé Balebanzannu dɔ ’wo dɔna, bélinu nya wo lee.

2 Minwiinmunu lé Wezuofe Sɛbɛ 29:28

Zén‐ékevamunu faa dia ’wo bli la, yé wo lɛrɛ vɔ, yé wo bélinu fɛn; wo vo a kɛlɛna fɔɔ yé balebanwi lé wa kyɛ blé, a kyɛblele nyaa.

2 Minwiinmunu lé Wezuofe Sɛbɛ 7:6

Balebanzannu dɔ ’wo dɔna; Lévinu é ziin, wo dɔ ana, ’té lɛrɛvɔafɛnu lé David a kɛlɛ Gakelebale tɔ bɔle we ma, a tɔ zin fele we gi bɛ, ’té wa Lévinu lee. Naa, David a fe wo lɛ léé, ’wo Gakelebale tɔ nwa a fele nya léé: Naa, a nyanai éé zén‐é yifaama. Balebanzannu dɔ ’bɛnu yara, ’té woo bélinu fɛɛn. ’Té Izraɛlnu faa ana.

Ezidras 3:10

Nyanamapazannu a Gakelebale lé kɔn gane vɔna bléyian va, ’té Balebanmunu ana, wolé balebansɔ nya wo ta, wo koo, bélifɛnzannu koo, Lévinu koo, Azafa benu lé kɔanu ke wo lee, ’bɛnu koo, wo faa ana Gakelebale tɔ kɛlɛle blɛn we gi, Izraɛl nwiinzan blɛn David déretawenu yɛrama.

Néémi 12:35

Balebanzannu benu lé, bélinu ke wo lee, ’bɛ gi léé, Azafa be Zakuu be Misé be Matania be Sémaéja be Jonatan be Zakari,

Lɛrɛvɔ Sɛbɛ 150:3

’Ka a tɔ zin fe béli fɛnle nya ma. ’Ka a tɔ zin fe kpélé gyɛle valé kɔnɔ gyɛle nya.

Lɛrɛvɔ Sɛbɛ 81:3

’Ka lɛrɛ vɔ, ’ka poo gyɛ yé a dére ’é we, Kɔnɔ lé a dére ke néné, é valé gitaa, ’wo wo gyɛ ma.

Lɛrɛvɔ Sɛbɛ 81:4

’Ka béli fɛn moné dɛrɛ bɔra bléyi va, ’Ka moné bɔle pɔrɔ la lé fɛti kɛlɛ, yé ’ka béli fɛn é ziin.

Lɛrɛvɔ Sɛbɛ 89:15

We tegele valé we drɔle a ilé plale mi nwiin pun nya; Zin valé yara pale we ta a i yara.

Fwile 28:29

Dé Arɔn wɔra fɛna sauun na, ’té éé goo Izraɛl benu tɔnu nya é bli ta, ’té wo guru a é vɔle a golɛgiweblefɛ ta, yé wo kɛlɛ wo sele?-?dɔfɛ nya lɛɛfaama Gakelebale gi.

Fwile 30:16

I dan Izraɛl lé nénu lé tabo gɔɔli si lɛ wo lee, yé wo tabo gɔɔli nya lé i dan zén‐ékevasɔkɔn ma nyanama pa lɛ; yé ’bɛ é dan a sele dɔ lɛ Gakelebale gi léé, Izraɛl lé nénu ’wobo tabo.

Ézai 27:13

A yi la, wo dan béli blɛn fɛn lɛ, yé munu lé wo vo lu la Asiri tɛrɛ la, ’bɛ valé munu lé wo yɔɔ Éjipiti tɛrɛ la, wo dan da lɛ yé wo dan dia lɛ ’wo bli la Gakelebale ’lɛ, gɔ sauun nwiin, Jérusalɛm.

Lévinu 23:24

Bé fe Izraɛl lé nénu lɛ léma: Moné sɔrafiézan lé yi vininzan nya, ka dan flinyi zana dɔɔ lɛ bélinu fɛnli nya, yé ka dan zénle ékeva plɛplɛ kɛlɛ lɛ.

Mi Nɔnɔle 10:9

Tɛrɛ lé ka ke a ta, dé ka a gona guli dan lɛ ana, ka nyanézannu lé wo dan ka ma, wo va, ’ka bélinu fɛn plɛplɛ ma, yé ka sele é dan dɔ lɛ maa, Gakelebale kalé Bale gi, yé an dan ka si lɛ ka nyanézannu lee.

Mi Nɔnɔle 28:11

Kalé moné do do faa bɔrale nya, dirigɔné boroné fié koo, ’blagɔné do koo, lɛɛ do ’blané sɔrafié lé we do ’ka wo ma lo koo, ’ka wo nɔ maa, Gakelebale lɛ, balebanwi lé wa kyɛ blé, a nya;

Mi Nɔnɔle 29:1

Moné sɔrafié lé yi vininzan nya, ’ka zén‐ékeva plɛplɛ do kɛlɛ. Té ka nyanama pa lo, ’té dé é ’ka ka ma’lɛrɛle nya lo. ’Ka fɛti ’ko zana dɔɔ béli fɛnle nya.

Matio 11:28

Ka faa lé, ka wɔlɛ gi ke é nyaale ka ma, yé kɔné blɛn ke ka nwiin bɛ, ’ka da an va, yé maa flinle nɔ ka lɛ.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

1 Korent munu 15:52

bléyi do nya, bélé mi yuɛlakɔnɛ gyɛle zo, béli nyaanla fɛnle nya. Dé é we, mi galenu é dan nwa lɛ kɔlɛ lé é ’ka vɔn‐o é dɛrɛ lo, a nya wo ta, yé kaa é ziin, wo dan kaa kɔlɛ tavɔɔ lɛ.

1 Tɛsalɔnik munu 4:16

Naa, dé tɔmase do bɔ, dé lanjenuzan siaa, dé Kazambale lé béli we, ’bɛ bléyi nya tɔɔn, ’té Mizan bozen é dan si lɛ la gi yé é zun, yé munu lé wo ga Krist gi, wo dan nwa lɛ é vinin.

1 Tɛsalɔnik munu 4:18

Bɛwemalé, ’ka ka ke tɔrɔ paa dére ’konu nya ma.

Jozué 4:7

Ka dan a fe lɛ wo lɛ léé: Juudɛn yoro bɔi Gakelebale lé gipawe pagikɛsu ’lɛ; dé é a Juudɛn kinina, ’té ’yi a é dɔle, yé gɔlɛ ’konu é dan kɛlɛ lɛ a sele dɔ Izraɛlnu gi fɛ nya lɛɛfaama.

Jozué 6:4

Balebanmunu sɔrafié, wo dan go lɛ Bale lé kɛsu ’lɛ, béli sɔrafié lé wo zuoi éé goo wele nya, wo nya wo lee; a yi sɔrafiézan nya, ka dan gié lɛ flagɔrɔ zi gɔnɔ sɔrafié, yé Balebanmunu wo dan béli fɛn lɛ.

Wegɔɔnle 22:17

Yé Kazambale Léli valé bosizan léé: ’I da. Yé dé mianzan a ’ma, ’bɛzan ’é ’i da vɔ ma. Mian ’yiminilɔrɔ ke a gyɛna, ’é da ma; yé mian é sɔ a lɛ léé, ’é mivoéyuɛma ’yi si, ’bɛzan a si é pla ma.

1 Samuɛl 20:5

David a zi pa léé: Bé ye, moné dɛrɛ é bɔraan tɛlɛ, yé é a lé maa nyana minwiinzan va fɛblele we gi; ’i zi nɔ an lɛ ’an go, yé maa dan yɔɔ lɛ féi fɔɔ zuoma yiri vɔle nya.