Mi Nɔnɔle 1:50 - Kazambale lé Sebe Sauunu 1979

⁵⁰ Sɔkɔn lé, wenayefɛ ke a gi, ’bé bɛ pa Lévinu lee, yee valé sɔkɔn gi nyanamapafɛnu koo, alé fɛnu faa koo, ’i wo bɛ pa wo lee. Wo ɛ go sɔkɔn valé a gi nyanamapafɛnu faa nya, yé wo ɛ a nyanama paan, yé ’wo ’wolé kɔn dɔ sɔkɔn zi do do.

Mi Nɔnɔle 1:50 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 24:6

Minwiinzan blɛn Balebanmunu ’lɛzan Jéojada laa yé é lé a lɛ léma: Ban lé Bale wuozan Moizi a dɔ Izraɛlnu faa nwiin léé, ’é kɛlɛ zén‐ékevasɔkɔn mafɛ nya ’naan, mɛmalé i ’ka Lévinu ma kyɛ dɔa léé, wa si Juda tɛrɛ la valé Jérusalɛm yé wo da a nya loo?

Néémi 12:22

Éliasib koo, Jojada koo, Jokanan koo, Jadua koo, wo bléyi va, Lévinu lé ke wolé guniwuonu nya, wo wo valé Balebanzannu tɔ gyɛ, Pɛɛs mi Darius plale mi nwiin bléyi va.

Néémi 12:47

Zorobabɛl valé Néémi bléyi va, Izraɛlnu faa éé fɛ no lɛrɛvɔmunu valé kɔntayuɛpazannu lɛ, yi faa do do ma; fɛnu lé é ke é pale é yɛrama, wa nɔ Lévinu lɛ, yé ’bɛnu éé fɛ pale é yɛra?-?manu no Arɔn benu lɛ.

Néémi 12:8

Lévinu lé ke ’ko: Jozué, Binui, Kadimiɛl, Sérébia, Juda, Matania lé wo valé é bwenu ke Bale tɔzinfe lɛrɛvɔzannu zilɛzannu nya,

Néémi 13:22

Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Lɛrɛvɔ Sɛbɛ 122:4

Ana lé bɛnnu ilé gɔ gié, Gakelebale lé bɛnnu lé, Izraɛl lé bélidɔwe yɛrama, Gakelebale tɔ zin fele we ma.

Fwile 31:18

Gakelebale nyaa aan wo wefele nya Moizi lɛ Sinai gɔ nwiin, é wenayefɛ fié nɔ a lɛ, gɔlɛfén nya, ’té Kazambale sɛbɛ gyɛ wo ta ’é bɛnwɔlɛ nya.

Fwile 38:21

Zén‐ékevasɔkɔn lé Lévinu a dɔ Moizi lé bélidɔwe yɛrama, ’té Balebanzan Arɔn be Itamaa ɛ ke nyanama nwiinzan nya bɛ, wo gɔɔli sɛrɛ fɛan zo a kɛlɛle ma, yee lé ke ’ko.

Mi Nɔnɔle 1:53

Naa, Lévinu ’wo nyana sɔkɔn lé, wenayefɛ ke a gi, a zi, léé, té anlé bliflile é nwa Izraɛl lé nénu lé ke é zénle ékeva, wo ma lo; yé Lévinu ’wo yuɛ pa sɔkɔn lé, wenayefɛ ke a gi, a ta.

Mi Nɔnɔle 10:21

Kéat munu fɛna sauun lé fɛnu si yé wo goan. Wo sɔkɔn dɔ, ’té woo ’wo bɔlunu lɛbɛn‐é.

Mi Nɔnɔle 17:7

Moizi tawomayilinu pla Gakelebale ’lɛ, wenayefɛ pagi sɔkɔn gi.

Mi Nɔnɔle 18:5

We lé é ke fɛna sauun valé balebanna zé nya, ’ka wo tawe kɛlɛ, léé, té Bale bli é fli é dɛrɛ Izraɛlnu ma lo.

Mi Nɔnɔle 2:17

’Bɛ zuo é a lé wo go zén‐ékevasɔkɔn nya, ’té Lévinu palu a wo bwenu palu méléna. Wolé tawole gi, ’wo go é ke zuo wo nyanana yɛrama, wo faa do do bale yɛrama, wolé draponu wuo.

Mi Nɔnɔle 20:11

’Bɛ zuo Moizi nwa, yé élé tawomayili duun gɔlɛ lɛ gɔnɔ fié. Yé ’yi kiɛre kun yorole ma. Yé munu ’yi mini, yé winu wozé mini é ziin.

Mi Nɔnɔle 4:15

Dé Arɔn valé é benu nyaa fɛna sauun valé é ma nyanamapafɛnu faa ta buale nya, dé wo zén ta va bléyian va, yé Kéat benu ’é da kɔné sile we ma. Naa, té wo mane fɛ ’lɛzan ’konu ma monomono lo, dé wo da ga. Kɔnésizannu panyanama lé wa bɛ pa wo lee, léé, wa kɛlɛ zén‐ékevasɔkɔn gi, yee lé ke bɛ.

Mi Nɔnɔle 4:3

’bé pélisia lɛɛ yɔ do wɔlɛ vu munu ta, yé é bɔ lɛɛ yɔ fié wɔlɛ vu munu va, munu faa lé woo bɔa zén‐ékevasɔkɔn gi nyanama do pale lɛ, woo lé.

Mi Nɔnɔle 8:19

Maa Lévinu nɔ Arɔn valé é benu lɛ é ta lé kɔn‐an Izraɛlnu méléna, wolé nyanama pale Izraɛlnu lɛ zén‐ékevasɔkɔn gi we ma, Izraɛlnu lé wenyané ’yibole we gi, yé wo Izraɛlnu tabin léé, dé Izraɛlnu bié fɛna sauun na, té gyɛ do ’é vɔ wo ma lo.

Mi Nɔnɔle 8:20

We faa lé Gakelebale a fe Moizi lɛ Lévinu lé we ma, Moizi koo, Arɔn koo, Izraɛlnu faa koo, wa kɛlɛ. Izraɛlnu a kɛlɛ a zo, Lévinu zé nya.

Mi Nɔnɔle 8:22

’Bɛ zuo Lévinu go zén‐ékevasɔkɔn gi wolé nyanama pale we ma, Arɔn valé é benu yuɛ va, Gakelebale dérean fe Moizi lɛ Lévinu lé we ma, a yɛrama. A zo lé wa kɛlɛ wolé we ma.

Wegɔɔnle 15:5

’Bɛ zuo, maa a naginina, ’té sɔkɔn lé wenayefɛ ke é pale a gi, alé fɛna sauun lɛ a é sole la gi.