Mi Nɔnɔle 1:3 - Kazambale lé Sebe Sauunu 1979

³ wo lé wo lɛɛ yɔ do bɔ, ’té woo bɔa gulidanfɛnu kɔné sile lɛ, woo lé. Bii valé Arɔn, ’ka wo nɔnɔ wo palu ma.

Mi Nɔnɔle 1:3 ပူးပေါင်းရင်းမြစ်များ

2 Samuɛl 24:9

Joab munu nɔnɔsɛbɛ nɔ minwiinzan lɛ. Gulidanmunu lé woo gwɔun soo é kɔlɛ gi, wa Izraɛl tɛrɛ la mi baa wuru fié, yé Juda zé a mi baa wuru do yɔ fié wɔlɛ vu.

Minwiinzannu lé Wezuofe Sɛbɛ 5:18

Rubɛnnu koo, Gadnu koo, Manasénu lɛgɔnɔ do koo, nyanazannu a wo va; botakuunfɛ valé gwɔun a wo lee, yé wo sa ganale dɔɔ, yé wo bla bo gulidanle gi. Wo va munu lé wo ma ke é ’lɛrɛle gulidanle we ma, wa mi baa yɔ do wɔlɛ fié, é ta lé mi wuru yaa yɔ sɔraa.

2 Minwiinmunu lé Wezuofe Sɛbɛ 25:5

Amasia Juda munu zén ékeva yé é wo dɔ wo tranu gɔnɔla ma gɔnɔla ma; é mi wuru soru soru nwiinzannu dɔ yé é mi yɔ soru soru nwiinzannu dɔ Juda munu faa valé Bɛnjamɛn faa zé nya. É sia lɛɛ yɔ do munu ma yé é gié ’bɛ ta, é wo nɔnɔ. Yé mi kprakpranu kɛlɛ mi baa yɔ sɔrafié wɔlɛ vu. Wo ma a é ’lɛrɛle gulidanfɛ sile we ma. Woo din vulian ’wo zua, yé woo mibotakuunfɛ kɔné sié ’wo zua.

Fwile 12:17

Buru lé lévɛn ’ka a va lo, ka dan ’bɛlé fɛti kɛlɛ lɛ, naa, yi ’ko nya lé maa dan ka si lɛ Éjipiti tɛrɛ la bélé sunyanu palunu zo; ka kulu é kulunu é dan fɛti kɛlɛ lɛ yi ’ko la bélidɔwe lé a glɛ ’ka lo, a nya.

Fwile 30:14

Mi faa lé i wo nɔnɔ, ’té wo lɛɛ gié yɔ do ta, wo dan a banwo lɛ Gakelebale lɛ.

Fwile 38:26

Munu lé wo wo nɔnɔ, ’té wo lɛɛ gié yɔ do ta, wo faa do do sikla lɛ do nɔ, fɛna sauun lé sikla yɛrama; wa mi baa wuru do é ta lé mi baa yɔ soru wɔlɛ do, é ta lé mi wuru sɔrafié yɔ sɔrafié wɔlɛ vu.

Mi Nɔnɔle 14:29

Ka galenu é dan dia lɛ bwi gi ’ko; ka faa lé, wo ka nɔnɔ, ’té a péli sia munu lé wo lɛɛ yɔ do bɔ, wo ma, yé ka we ble ’é va bɛ,

Mi Nɔnɔle 26:2

’I Izraɛlnu faa nɔnɔ wo gɔnɔla ma gɔnɔla ma, ’é valé wo tranu gɔnɔ ma gɔnɔ ma, ’té wo lɛɛ yɔ do bɔ, Izraɛlnu lé munu faa lé woo bɔa gulidanfɛnu kɔné sile lɛ, woo lé.

Mi Nɔnɔle 3:15

’I Lévinu nɔnɔ wo tranu gɔnɔ ma gɔnɔ ma, wo gɔnɔla gɔnɔla ma; ’i gɔnénu faa nɔnɔ, ’bé péli sia gɔnénu lé wo moné kɛlɛ do, wo ta.

Mi Nɔnɔle 32:11

Munu lé wo si Éjipiti tɛrɛ la, ’té wo lɛɛ gié lɛɛ yɔ do ta, tɛrɛ lé maa anbo ’nyɔɔn léé, maa dan a nɔ lɛ Abraam koo, Izak koo, Jakɔb koo, wo lɛ, wo va mi do kpen ’ka dan a ye lɛ lo. Wo ’ka tawo lɛ an zuo yarapalale nya lo,

Mi Nɔnɔle 33:1

Izraɛlnu lé wo si Éjipiti tɛrɛ la wolé sunyanu ’léé yɛrama, ’té Moizi valé Arɔn a wo ’lɛzannu nya, wo nyanananu lé ke ’ko.

Mi Nɔnɔle 4:3

’bé pélisia lɛɛ yɔ do wɔlɛ vu munu ta, yé é bɔ lɛɛ yɔ fié wɔlɛ vu munu va, munu faa lé woo bɔa zén‐ékevasɔkɔn gi nyanama do pale lɛ, woo lé.

Bélidɔwesɛbɛ Fiézan 24:5

Dé gɔné do le si é dɛrɛ, té wa laa sunya kɛlɛle we gi lo, té ’wo kɔné bɛ dɔ a nwiin lo; é dan vo lɛ élé kɔn ’léé lɛɛ do, ’té a na lé é a si bɛ, ’té éé a lɔrɔ paan.

Bélidɔwesɛbɛ Fiézan 3:18

Maa ka béli dɔ yi la léé, Gakelebale, kalé Bale, é tɛrɛ ’ko nɔ ka lɛ léé, ’ka a kɛlɛ kazé nya. ’Kaa sunyanu faa, ’ka tawo Izraɛl lé nénu ’lɛ, ’té gulidanfɛnu a ka lee.