Néémi 9:6 - Kazambale lé Sebe Sauunu 1979

⁶ Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

Néémi 9:6 ပူးပေါင်းရင်းမြစ်များ

Wepélisiananu 1:1

Fɛkɛlɛle pélisia bléyi va, dé Kazambale la valé tɛrɛ kɛlɛ,

Wepélisiananu 1:9

Kazambale léé: ’Yinu lé wo ke la wuo, ’wo zén ékeva fɛdona, yé fɛna gale ’é bɔra. Yé ’bɛ kɛlɛ a zo.

Wepélisiananu 2:1

’Bɛ zo lé la valé é gifɛnu koo, tɛrɛ valé é tafɛnu koo, wo kɛlɛle lɛ sɔɔ.

Wepélisiananu 32:2

Jakɔb wo ye aan wo, é léé: Kazambale lé sunya palu do lé. Yé é fɛkona laa Maanaim.

1 Minwiinzannu 22:19

Yé Misé léé: ’I Gakelebale dére ’ma ma. Maa Gakelebale ye é nyanale élé fuablin ta, yé lai sunyanu faa a é dɔle a sɔnɔ, a bɛyila valé a bɛbola.

1 Minwiinzannu 8:27

Ii! Bale é dan nyana lɛ tɛrɛ la webozen nyaa? Bé ye, i ’ka sɔa lanu valé la zi lanu gi lo ’naan, kɔn lé maa a dɔ i lɛ ’ko, i dan sɔ lɛ ’bɛ gii?

2 Minwiinzannu 19:15

yé é bazoro Bale lɛ ’ko zo léé: Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

2 Minwiinzannu 19:19

Sin, Gakelebale, kolé Bale! ’I ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya, oo Gakelebale!

Néémi 9:5

Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Lɛrɛvɔ Sɛbɛ 102:25

Maa léé: Anzé Bale, bii lé i yi ’léé ’ka lo, Té i an yinu bɔi a ta lo.

Lɛrɛvɔ Sɛbɛ 103:21

Ka faa lé ka ke alé gulidanzannu nya, ’Té ka a a wuozannu nya, ’té ka alé blibɔmawe kɛla, ’ka Gakelebale drɔɔ vo.

Lɛrɛvɔ Sɛbɛ 115:15

Gakelebale lé, é la valé tɛrɛ kɛlɛ, ’É ka drɔɔ vo ma.

Lɛrɛvɔ Sɛbɛ 124:8

Gakelebale tɔ éé bɔa ko va, Gakelebale ɛ la valé tɛrɛ kɛlɛ.

Lɛrɛvɔ Sɛbɛ 146:6

Yee ɛ la valé tɛrɛ kɛlɛ, Wɛyi valé é vafɛnu faa koo, yee ɛ wo kɛlɛ. Éé yara paan we la yifaama.

Lɛrɛvɔ Sɛbɛ 24:10

De ɛ ke Minwiinzan tɔbɔle ’ko nyaa? Lai sunyanu lé Gakelebale lé; Minwiinzan tɔbɔle lé ke bɛ. Ka ye do.

Lɛrɛvɔ Sɛbɛ 33:6

Gakelebale dére lanu kɛlɛ, É lagi sunyanu faa kɛlɛ é ’léé fu nya.

Lɛrɛvɔ Sɛbɛ 36:6

Gakelebale, ilé zin bɔ fɔɔ la gi, I yarapale we la éé goo fɔɔ la ma.

Lɛrɛvɔ Sɛbɛ 86:10

Naa, i a blɛn, i we blɛnblɛn kɛla, Bii do kpen, bii ɛ ke Bale nya.

Ézai 37:16

Lai sunyanu lé Gakelebale, Izraɛl lé Bale lé é ke é nyanale sérubɛnnu méléna, bii ɛ ke tɛrɛ faa la bɛnnu faa lé Bale nya, bii do kpen; bii ɛ ke lanu valé tɛrɛ kɛlɛzan nya.

Ézai 37:20

Sin, Gakelebale kolé Bale, ’i ko si Sansérib lee ma, yé tɛrɛ la bɛnnu faa a gi dɔɔ léé, bii do kpen ɛ ke Bale nya.

Ézai 43:10

Gakelebale léé, ka a anlé wenayezannu nya, Ka valé an wuozan lé maa a si a va, wo nya, léé, Ka gi dɔɔ, Yé ka bli vo an lɛ, yé ka a gi ’ma léé, maa lé. Bale bɛ ’ka an ’lɛ é kyɛn lo, Yé a bɛ ’ka an zuo lo.

Ézai 44:6

Gakelebale lé ke Izraɛl munu nwiinzan valé wo tabozan nya, ’Té é ke lai sunyanu lé Gakelebale nya, é léma: Maa ɛ ke a vininzan nya, yé maa ɛ ke a voélazan nya, Dé é ’ka maa nya lo, Bale bɛ ’ka lo.

Ézai 44:8

Té ka kana lo, té ka ma é nyɔɔn lo; Maa ’ka a fe lɛ ka lɛ é li é kyɛn loo? Ka a anlé wenayezannu nya; Dé é ’ka maa nya lo, Bale bɛ aa? Gɔlɛgɔ bɛ ’ka lo, maa ’ka a do kpen dɔɔa lo.

Ézai 45:12

Maa ɛ tɛrɛ kɛlɛ, Yé maa ɛ mi bɔra a ta; Maa lé, an bɛnu ɛ lanu fwila, Maa ɛ wo gifɛnu dɔ ’wo dɔna.

Jérémi 32:17

Aa, Mizan Gakelebale, bé ye, i lanu valé tɛrɛ kɛlɛ ilé plɛplɛ blɛn valé i bɛ plɛplɛ nya; i givuruwe do kpen ’ka lo.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Jonas 1:9

É a zi pa wo lɛ léé: Maa a Ébru mi nya. An kanaan Gakelebale, lanu lé Bale lee. Yee ɛ wɛyi valé tɛrɛ kɛlɛ. Yé maa a gona yɔɔna a lee. Di kini munu ’konu gi é baba, yé wo lé a lɛ léé: Mɛmalé i we ’ko kɛlɛ a zoo?

WENÉNÉ LE JAN A GYE (Évangile selon Jean) 10:30

Maa valé an Ti, ko a do.

Kelewenu 4:24

’Bɛnu a ’ma aan wo, wo faa ’wo dére bié Kazambale lɛ ékeva yé wo léma: Kozan, la koo, tɛrɛ koo, wɛyi koo, fɛ faa lé ke wo gi koo, bii ɛ wo kɛlɛ.

Bélidɔwesɛbɛ Fiézan 10:14

Ka ye, la koo, é zi lanu koo, tɛrɛ koo, é tafɛnu koo, wo faa a Gakelebale, kalé Bale zé nya.

Bélidɔwesɛbɛ Fiézan 32:39

Amalé, ka gi dɔɔ léé, maa ɛ ke Bale nya, Yé bale bɛ ’ka lo; Maa ɛ mi voo é yuɛma, yé maa ɛ mi gya, Maa ɛ mi tuoan, yé maa ɛ mi bélié, Yé mi do kpen ’ka bɔa mi sile lɛ an lee lo.

Bélidɔwesɛbɛ Fiézan 6:4

Izraɛl munu, ’ka tɔné dɔ. Gakelebale, kolé Bale do kpen ɛ ke Gakelebale nya.

Ébrunu 1:3

Bale Be a Bale lé fuasan nya, yé é a Bale bozen nagɔɔnle nya yé a dére plɛplɛ éé fɛ faa kunwo ékema. Dé é nyaa kɛlɛle nya wenyané nyaafɛ nya faa, é nyana fuaneé Bale bɛyila la gi loru.

Ébrunu 1:6

Yé é ziin, bléyian va lé élé né vininzan pa zia tɛrɛ la, é léé: Kazambale lé lanjenu faa a bɔ ma.

Wegɔɔnle 14:7

É lé dére plɛplɛ nya léé: A bléyi bɔ! Kazambale é dan munu lé we ble lɛ, amalé ’ka kana Kazambale lee ma, yé ’ka a tɔ bɔ ma; la koo, tɛrɛ koo, wɛyi koo, ’yibɔnanu koo, ’ka dia ka bli la wo Kɛlɛzan ’lɛ ma.

Wegɔɔnle 4:11

Kozan, kozé Bale, i fɛnu faa kɛlɛ; ilé blibɔmale nya lé wo ke, yé wa é kɛlɛle, amalé kɛlɛle blɛn koo, tɔbɔle koo, plɛplɛ koo, ilé wo ye yara lé.