Néémi 9:5 - Kazambale lé Sebe Sauunu 1979

⁵ Yé Lévi munu, Jozué koo, Kadimiɛl koo, Bani koo, Asabinia koo, Sérébia koo, Odija koo, Sébania koo, Pétaja koo, wo lé munu lɛ léé: ’Ka nwa, ’ka Gakelebale kalé Bale drɔɔ vo lɛɛfaama, té a glɛ é dɔ lo. Bii Bale, i tɔ gyéiin lé é mini drɔɔ vole faa valé tɔzinfele faa ta, ’wa drɔɔ vo ma.

Néémi 9:5 ပူးပေါင်းရင်းမြစ်များ

1 Minwiinzannu 8:14

Minwiinzan blɛn nɔla, yé é yara dɔ Izraɛl munu lé wo ke é zénle ékeva, wo ta, yé é wo drɔɔ vo, ’té wo faa a é dɔle loru.

1 Minwiinzannu 8:15

Yé é léé: Gakelebale, Izraɛl lé Bale lé é we fe an ti David lɛ ébo ’léé, yé we lé é a fe é a lɛ sɔɔ élé plɛplɛ nya, ’wa drɔɔ vo ma. É léma:

1 Minwiinzannu 8:22

Salomɔn dɔ Gakelebale banna ’lɛ, Izraɛl munu lé wo ke é zénle ékeva, wo yara, yé é bɛ soi la vazia,

1 Minwiinzannu 8:27

Ii! Bale é dan nyana lɛ tɛrɛ la webozen nyaa? Bé ye, i ’ka sɔa lanu valé la zi lanu gi lo ’naan, kɔn lé maa a dɔ i lɛ ’ko, i dan sɔ lɛ ’bɛ gii?

Minwiinzannu lé Wezuofe Sɛbɛ 16:36

Gakelebale, Izraɛl munu zé Bale, A drɔɔ ’é vo ma, lɛɛfaama a glɛ ’ka lo. Yé munu faa a fe léma: Amɛɛn. ’Ka Gakelebale tɔ zin fe.

Minwiinzannu lé Wezuofe Sɛbɛ 29:11

Gakelebale, fɛnu faa lé ke la gi valé fɛnu faa lé ke tɛrɛ la, wa izé nya, amalé kɛlɛle blɛn koo, plɛplɛ valé tɔ blɛn koo, vole é yuɛma lɛɛfaama valé fuasan koo, wo faa a bii ɛ zé nya; Gakelebale, bii a é nwale fɛnu faa ta loru i boan, amalé i plale mi nwiin yara lé.

Minwiinzannu lé Wezuofe Sɛbɛ 29:13

Oo kolé Bale, sin ko i tɔ zin fé, yé ko i tɔ ma gya.

Minwiinzannu lé Wezuofe Sɛbɛ 29:20

David lé, munu faa lé wo ke é zénle ékeva, wo lɛ léé: ’Ka Gakelebale kalé Bale drɔɔ vo. Yé zén‐ékevamunu faa Gakelebale, wo tranu lé Bale drɔɔ vo. Wo dia ’wo bli la Gakelebale valé minwiinzan blɛn ’lɛ.

2 Minwiinmunu lé Wezuofe Sɛbɛ 20:13

Judanu dɔ loru Gakelebale ’lɛ, wo valé wolé né kiénénu koo, wo nanu koo, wo benu koo, wo nya.

2 Minwiinmunu lé Wezuofe Sɛbɛ 20:19

Lévinu lé ke Kéat valé Koré kululazannu nya, wo nwa Gakelebale, Izraɛl lé Bale tɔ ma gyɛle nya dére plɛplɛ biéle nya.

Ezidras 3:11

Wo lɛrɛ vɔ yé wo Gakelebale tɔ kɛlɛ blɛn yé wa tɔ zin fe dére ’konu nya: Naa, é a é zin; naa, alé nyanai zénle Izraɛlnu ta éé voo ana yifaama. Yé munu faa Gakelebale tɔ kɛlɛ blɛn ginanale lé siaalenu nya léé, wa Gakelebale lé kɔn gane vɔna.

Néémi 9:4

Jozué koo, Bani koo, Kadimiɛl koo, Sébania koo, Buni koo, Sérébia koo, Bani koo, Kénani koo, wo vɔ Lévinu lé kpala ta, ’té woo siaan dére plɛplɛ nya Gakelebale wolé Bale lɛ.

Néémi 9:6

Bii Gakelebale, lanu koo, la zi lanu valé wolé sunyanu faa koo, tɛrɛ valé é tafɛnu faa koo, wɛyi valé é vafɛnu faa koo, bii do kpen ɛ wo kɛlɛ. Bii ɛ vole é yuɛma nɔ fɛnu ’ko faa lɛ, yé lagi sunyanu éé diaan bii ɛ ’lɛ.

JOB (Job) 1:21

yé é léé: An bɔra an bu bɔn gi é porole; yé maa dan go lɛ tɛrɛ gi é porole. Gakelebale ɛ wo nɔ yé Gakelebale ɛ wo si. ’Wo Gakelebale tɔ drɔɔ vo ma.

Lɛrɛvɔ Sɛbɛ 106:2

De ɛ bɔa Gakelebale kɛlɛwe blɛnblɛnnu zuo fele lɛɛ? De ɛ dan a tɔ zin fele faa sɔɔla lɛɛ?

Lɛrɛvɔ Sɛbɛ 134:1

Gɔ gié lɛrɛ do lé. Ka ye, ka faa lé, ka ke Gakelebale wuomunu nya, ’Té ka dɔa Gakelebale lé kɔn gi é béli, ’ka Gakelebale drɔɔ vo ma.

Lɛrɛvɔ Sɛbɛ 145:2

Maa dan i drɔɔ vo lɛ yi faa do do ma, Yé maa dan i tɔ ma gyɛ lɛ yifaama, a glɛ ’ka lo.

Lɛrɛvɔ Sɛbɛ 145:5

Maa dan ilé fuasan tɔbɔle blɛɛn zuo fe lɛ, Maa dan i kɛlɛwe blɛɛnu vɔ lɛ lɛrɛ nya.

Lɛrɛvɔ Sɛbɛ 146:2

An dan Gakelebale tɔ zin fe lɛ anlé tɛrɛla faa gi, An dan anzé Bale tɔ kɛlɛ lɛ blɛn an yuɛma bléyi faa va.

Lɛrɛvɔ Sɛbɛ 16:2

Maa lé Gakelebale lɛ léé: I an anzan nya, Bii a anlé mi zin nya, a bɛ ’ka lo.

Lɛrɛvɔ Sɛbɛ 66:2

’Ka alé fua tɔ vɔ lɛrɛ nya, ’Ka alé fuasan nwa a tɔ zin fele nya,

Lɛrɛvɔ Sɛbɛ 99:3

I tɔ lé é ke blɛn yé éé kana zén‐é mi gi, ’wa bié ma. A ’lɛ a.

Fwile 15:11

Oo, Gakelebale, de ɛ ke bii zo balenu mélénaa? De ɛ ’lɛra sauun bélé bii zo, ’Té a tɔ bɔ yara lé, ’Té éé we blɛnblɛnnu kɛlaa?

Fwile 15:6

Oo, Gakelebale, i bɛyibɛ ilé plɛplɛ nagɔɔn; Oo, Gakelebale, i bɛyibɛ ko nyanézan ’wii.

Daniɛl 2:20

Daniɛl léma: ’Wo Bale tɔ drɔɔ vo ma, lɛɛfaama, té a glɛ ’é dɔ lo. Wedɔɔle valé plɛplɛ a yee ɛ zé nya.

Matio 11:25

’Bɛ bléyi va, Jézu kun wefele ma yé é léé: An Ti, Lazan valé Tɛrɛzan, maa i tɔ zin fé léé, i we ’konu yɔɔ Wedɔɔzannu valé ’wuoatazannu ma, yé i wo nagɔɔn nénu lɛ.

2 Korɛnt Munu 4:6

Kazambale lé é a fe léé: San ’é bi gunutinu va ma, yee Bale duo lé, ’élé san bi ko bli gi yé é ko va kini, yé Bale lé fuasan lé ko yé Krist yara, é ko bɔn‐in dɔ ko ma yé mi bɛnu a gi dɔɔ ko ma.

Bélidɔwesɛbɛ Fiézan 28:58

Bélidɔwe ’konu faa lé maa wo gyɛ sɛbɛ ’ko gi, dé ka ’ka wo lɛdɔama yé ka wo ta tawo lo, dé ka ’ka kanaan Gakelebale, kalé Bale tɔ blɛn lé é ke kanamatɔ nya, a lee lo,

1 Piɛri 1:3

Kaazan Jézu Krist Ti lé ke é ziin alé Bale nya, a drɔɔ ’é vo ma. A nyanai zén kaa ta é baba amalé é kaa yaa é dɛrɛ Jézu Krist nwale gamunu va nya, léé, kaa bli vole we lɛ ’é kɛlɛ bli vole we lɛ bozen nya.

Weblezannu 13:18

Gakelebale lé lanje a zi pa léé: Mɛmalé i an tɔ ma laa? É a tɔ tɔbɔle nya.