Néémi 9:35 - Kazambale lé Sebe Sauunu 1979

³⁵ Bléyian va lé wa wobo ma, ’té i wezin kiɛre kɛla wo lɛ, tɛrɛ blɛn zima lé bé bɛ pa wo lee, a ta, wo ’ka i bɔ lɛ lo yé wo ’ka wo yara si lɛ wo kɛlɛwe naanénu ta lo.

Néémi 9:35 ပူးပေါင်းရင်းမြစ်များ

Néémi 9:25

Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Néémi 9:34

Ko nwiinzannu koo, kolé Balebanmunu koo, ko tranu koo, wo ’ka ilé bélidɔwe kɛlɛ lɛ monomono lo, yé ilé bélidɔwe sɔnnénu valé we lé bé fe wo lɛ, wo ’ka wo ta tawo lɛ lo.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi 5:19

Dé ka fe léé: Mɛmalé Gakelebale kolé Bale éé we ’ko faa kɛla ko lɛɛ? bé zi pa wo lɛ léé: Ka sɔn vɔa an ma fɛan zo yé ka bale bɛnu bɔ kalé tɛrɛ la, a zo duo lé ka dan pla lɛ bɛn bɛnu wuo, tɛrɛ lé é ’ka kazé nya lo, a ta.

Ézékiɛl 5:6

É anlé bélidɔwenu valé an déretawenu sɛrɛ, yé alé wenaané mini é zi bɛnnu valé é zi tɛrɛlamunu faa zé ta. Naa, é anlé bélidɔwenu ye boawenu nya, yé é ’ka an déretawenu zuo tawo lɛ lo.

Bélidɔwesɛbɛ Fiézan 28:47

Bléyian va lé fɛ kiɛre faa a ka lee, ka ’ka Gakelebale, kalé Bale bɔ lɛ ginanale valé bli zin nya lo,

Bélidɔwesɛbɛ Fiézan 28:48

amalé ka nyanézannu lé Gakelebale é dan wo nwa lɛ ka ma, ka dan nyanama pa lɛ wo lɛ, ’té lɔrɔ valé ’yiminilɔrɔ éé ka gya, ’té ka a é porole, ’té fɛ faa éé vuruan ka ma. Gakelebale é dan foliɛvɔlɛ bale vɔ lɛ ka bɔrɔ ma fɔɔ yé é ka kulu ga.

Bélidɔwesɛbɛ Fiézan 31:21

naa, dé wenaané valé kleblele kiɛre bɔ wo ma, lɛrɛ ’ko lé a sele ’ka dan saan lɛ wo gi monomono lo, ’té é a wo kulunu ’léé bɛ, é dan kɛlɛ lɛ anlé wenayezan nya munu ’konu ma. Wo bli a fɛan zo, maa dɔɔ, ana a é gɔɔnle kyɔ tɛkɛ, ’té maa ’ka boenwo tan wo wɔra lɛ tɛrɛ lé maa anbo ’nyɔɔn léé, maa dan a nɔ lɛ wo lɛ bɛ, a ta lo.