Néémi 9:32 - Kazambale lé Sebe Sauunu 1979

³² Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Néémi 9:32 ပူးပေါင်းရင်းမြစ်များ

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

2 Minwiinzannu 15:19

Asiri nwiinzan blɛn Pul da ana tɛrɛ la; yé Ménaɛm gɔɔlifu talan wuru soru nɔ Pul lɛ, ’bɛ bɔle a va we gi yé alé plale munu nwiin ’é dɔ gligli.

2 Minwiinzannu 15:29

Izraɛl nwiinzan blɛn Pékas bléyi va, Asiri nwiinzan blɛn Tiglat‐Pilézɛɛ da, yé Ijɔn koo, Abɛl‐Bɛt‐Maaka koo, Janoas koo, Kédɛs koo, Asɔɔ koo, Galaad koo, Galilé koo, Néfitali lé tɛrɛ faa koo, é wo si, yé é go ana munu nya luu gi Asiri tɛrɛ la.

2 Minwiinzannu 17:23

fɔɔ yé Gakelebale Izraɛl bin é yara baa, fɛan zo lé é a fe é wuozannu Balelayezannu faa lɔlu nya, a zo. Yé wo go Izraɛl munu nya luu gi wolé tɛrɛ ma baa, Asiri tɛrɛ la, ana lé wo vo fɔɔ kyɔ yi nya.

2 Minwiinzannu 17:3

Asiri nwiinzan Salmanazaa nwa a ma. Ozé pla a wuo, yé é gɔɔli banwo a lɛ.

2 Minwiinzannu 17:6

Ozé lɛɛ sɔraziɛnzan nya Asiri nwiinzan blɛn Samari si yé é go Izraɛl nya luu gi Asiri tɛrɛ la. É wo nyana Salaki valé Sabɔɔ yuu lé ke Gozan tɛrɛ la, a gɔ la, é valé Mɛdenu lé flanu ta.

2 Minwiinzannu 23:29

Jozias bléyi va Éjipiti nwiinzan Faraɔn Néko go Asiri nwiinzan ma, Yufrat yuu ma zia. Minwiinzan Jozias go zi dɔ lɛ a ’lɛ; Faraɔn a ye tɔɔn, é a gyɛ Mégido.

2 Minwiinzannu 25:7

Wo Sédésias benu bɔrɔ bo é yuɛ va; a zuo wo Sédésias yuɛnu so yé wo zénégɔgɔbale vɔ a ma, yé wo go a nya Babilɔn.

Ezidras 4:10

wo valé bɛngɔnɔ bɛnu lé tɔzan blɛn Ɔznapaa da wo nya yé é wo nyana Samari valé yuu ma yirivɔnazia, ana . . . . yé é go a fele nya.

Ezidras 4:2

wo da Zorobabɛl valé kɔnnwiinzannu va, yé wo lé wo lɛ léé: Kaa faa a dɔ, naa, ko a bélé ka zo; ko kalé Bale tɔ laan turu, yé é sia Asiri nwiinzan blɛn Ézaa‐Adɔn lé é da ko nya ’ko, a bléyi va, ko sarakanu boo yee Bale ɛ lɛ.

Ezidras 9:13

Wenu lé wo bɔ ko ma, ko kɛlɛwe naanénu valé ko saanle blɛnnu lé we ma, oo kolé Bale, i ’ka we lɛdɔ lɛ ko gi ko kɛlɛwe ple yɛrama lo, yé sin, i ko luugimunu ke vo é yuɛma.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Lɛrɛvɔ Sɛbɛ 66:5

’Ka da, ’ka ’wuogibɔrɔ Bale panyanamanu ma. Dé é we kɛlɛ blaminu lɛ, éé kana zén‐é munu gi.

Fwile 18:8

We faa lé Gakelebale a kɛlɛ Faraɔn valé Éjipiti munu lɛ Izraɛl pli zi koo, nyanénu lé wa ble zia koo, Gakelebale wo si we gi fɛan zo koo, Moizi a zuo faa fe é na ti lɛ.

Ézai 9:6

Alé plale mi nwiin tɛrɛ glɛ buru é dan so lɛ é zuo, David lé plale mi nwiin se valé plaleminwiin tɛrɛ, é ’ka dan ’bɛ vole drɔɔ glɛ dɔ lɛ lo, É dan a dɔ lɛ gligli wedrɔle valé we tegele kɛlɛle nya, A pélisia sin yé a glɛ ’ka lo; Lai sunyanu lé Gakelebale fuu a é ta we ’ko kɛlɛna.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

Daniɛl 9:8

Mizan, ko koo, ko nwiinzan blɛnnu koo, ko nwiinzannu koo, ko tranu koo, ko wenyané kɛlɛ i ma, amalé yara ko gyɛ.

Lévinu 26:18

Dé maa ’bɛ kɛlɛ yé ka ’ka ka tɔné dɔ lɛ an lɛ duowo lo, maa dan we lɛdɔ lɛ ka gi taawo gɔnɔ sɔrafié kalé wenyané ma.

Lévinu 26:21

Dé ka dɔ an ma yé ka ’ka ka tɔné dɔle an lɛ nyi si lɛ lo, maa dan ka bla lɛ gɔnɔ sɔrafié taawo kalé wenyanénu ma.

Lévinu 26:24

maa dan dɔ lɛ ka ma plɛplɛ é ziin yé maa dan ka bla lɛ gɔnɔ sɔrafié taawo kalé wenyanénu ma.

Lévinu 26:28

maa dan dɔ lɛ ka ma é ziin bliflile blɛn nya yé maa dan we lɛdɔ lɛ ka gi taawo gɔnɔ sɔrafié kalé wenyanénu ma.

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

Bélidɔwesɛbɛ Fiézan 7:13

É dan ka lɔrɔ pa lɛ; é dan ka drɔɔ vo lɛ yé é dan ka fan lɛ; nénu lé wo bɔn ke wo bunu ma, é dan wo drɔɔ vo lɛ yé é dan kalé féifɛ drɔɔ vo lɛ; kalé ’sa koo, kalé dɔrɔ dɛrɛ valé kalé nyɔnɔ koo, kalé dirinu valé kalé trubɛnu lé né yaale koo, é dan wo faa drɔɔ vo lɛ, tɛrɛ lé ébo ’nyɔɔn ka tranu lɛ léé, é dan a nɔ lɛ ka lɛ, a ta.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.