Néémi 9:30 - Kazambale lé Sebe Sauunu 1979

³⁰ I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Néémi 9:30 ပူးပေါင်းရင်းမြစ်များ

2 Minwiinzannu 18:11

Asiri nwiinzan blɛn go Izraɛl nya luu gi Asiri tɛrɛ la, yé é wo nyana Salaki koo, Sabɔɔ yuu lé ke Gozan tɛrɛ la, a gɔ la koo, Mɛdenu lé flanu koo, wona;

2 Minwiinzannu 21:10

Yé Gakelebale we fe é wuozannu balelayezannu lɔlu nya léé:

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

Ezidras 9:10

Sin, oo kolé Bale, ko dan fe lɛ ’bɛ zuo nɔɔ? Naa, ko sɔn vɔ ilé bélidɔwenu ma,

Néémi 9:20

I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 95:10

Lɛɛ yɔ fié gi bɛn ’ko sɛrɛ an gi, Yé maa léé, migɔnɔ ’ko, bli lé éé wo saan, é a wo gi; Wo ’ka anlé zinu dɔɔa lo.

Ézai 28:10

Ézai lé ko lɛ léé, té bé kɛlɛ lo, té bé kɛlɛ lo, ’té éé a fé léé, bé kɛlɛ, bé kɛlɛ, gba gba, ma ma, ta ta.

Ézai 42:24

De ɛ Jakɔb nɔ léé, wo ’wii alé fɛ taa? De ɛ Izraɛl pa ’wiiéfɛtazannu lee? Gakelebale kaan loo? Ko wenyané kɛlɛ a ma. É ’ka sɔ lɛ ko lɛ léé, ko alé zi ta tawo lo, Ko ’ka tɔné dɔ lɛ alé bélidɔwe lɛ lo.

Ézai 48:9

An tɔ lé we ma, an daan anlé bliflile ma, Anlé fuasan we ma, anbo kun ka vazia, Dé maa da ka kulu ga.

Ézai 63:10

Naa, wo nwa a ma, yé wo a Léli Sauun bli kyɛ dɔ; yé é nɔla wo nyanézan nya, yé é guli dan wo va.

Jérémi 25:4

Gakelebale é wuozannu balelayezannu faa nwunvɔ ka va yifaama, yé ka ’ka ka tɔné dɔ lɛ wo lɛ lo; ka ’ka wo ban lɛ ka tɔné nya lo.

Jérémi 44:22

Gakelebale ’ka bɔa dɔle lɛ ka kɛlɛwe naanénu valé kalé bozowenu kɛlɛle nyi wuo é dɛrɛ lo, amalé kalé flanu vo é ’bin nya, bwi zo, balepamafɛ nya, ka a yé kyɔ fɛan zo, a zo.

Jérémi 44:4

Maa an wuozannu balelayezannu faa pa ka lɛ zia, yé an ’ka daan lɛ wo pale ma ka lɛ zia lo, a fele ka lɛ we ma léé, bozowe ’konu lé wo za ke an gi, té ka wo kɛlɛ lo.

Jérémi 44:5

Naa, wo ’ka wo tɔné dɔ lɛ an lɛ lo, wo ’ka an ban lɛ wo tɔné nya lo, wo ’ka daan lɛ wolé we lɛrɛlɛrɛ kɛlɛle ma lo, yé wo ’ka daan lɛ lasikɔrɔpo kyɛ blele ma bale bɛnu lɛ lo.

Jérémi 7:25

Yian nya lé ka tranu si Éjipiti tɛrɛ la, é sia ’bɛ bléyi ma fɔɔ kyɔ, maa an wuozannu, balelayemunu pa ka lɛ zia; maa wo paan zia yifaama, yé an ’ka daan lɛ a ma lo.

Jérémi Lé Wuvɔ Sɛbɛ 2:17

Gakelebale é bligiwe lɛ sɔɔ, Dére lé é a fe é kyɛn, é a lɛ sɔɔ; Yee fla lé é a sɛrɛ, ’té a nyanai ’ka zén‐é a ta lo; É i kɛlɛ i nyanézannu ginanamafɛ nya, yé munu lé wo yaa i ta, é wolé plɛplɛ taa pa.

Daniɛl 9:6

Balelayezannu lé wo we fe i tɔ gi, ko nwiinzan blɛnnu koo, ko nwiinzannu koo, ko tranu koo, kolé tɛrɛlamunu faa koo, wo lɛ, ko ’ka ko tɔné dɔ lɛ woo, i wuozannu lɛ lo.

Zakari 7:12

Wo ’wo bli la dɔ plɛplɛ bélé gɔlɛ zo, léé, bélidɔwe koo, dére lé lai sunyanu lé Gakelebale a fe é Léli nya balelayemunu vininnu lɔlu nya, ’bɛ koo, té wa ’ma lo. Ana lé lai sunyanu lé Gakelebale bi wo ma bliflile blɛn nya.

Zakari 7:13

Lai sunyanu lé Gakelebale léma: Dé an wo laa, wo ’ka ’wo tɔné dɔa lo, amalé dé wo an laa, maa ’ka an tɔné dɔ lɛ wo lɛ lo.

Mi Nɔnɔle 11:26

Mi fié ana, wa do laama Eldad, yé wa koɛzan laama Médad. Wo vo sɔkɔn dɔna, yé léli zén wo ta ’bɛna. Wo tɔ a é gyɛle sɛbɛ ta, naa, wo ’ka go lɛ Bale lé sɔkɔn ’léé lo; wo balelawe fe sɔkɔn dɔna.

Kelewenu 13:18

É wo pa bwi la, ’bɛ bɔ lɛɛ yɔ fié sɔnɔ.

Kelewenu 28:25

Wo kini aan wo ékema ’té woo za vɔa, Pɔl we sɛné fe é ziin yé é lé wo lɛ léé: Wezen lé Léli Sauun a fe ka tranu lɛ balelayezan Ézai lɔlu nya; é léé:

Kelewenu 7:51

’Kaa wemaplɛplɛzannu, ka lé ka bli ’ka sié ka kɛlɛwe kyɛn lɛ lo yé ka tɔnénu ’ka voo we lɛ lo, ka a é dɔle Léli Sauun ma plɛplɛ yifaama. Ka tranu a fɛan zo, a bɛ duo gi lé ka ke é ziin.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

1 Piɛri 1:11

Krist lé nyanéblelenu valé fua lé é dan a ble lɛ ’bɛ zuo, Krist Léli lé ke balelayemunu gi, é a ’bɛ gɔɔnna aan wo wo lɛ a bléyi ’lɛ, amalé wo kwa kuli léé, wa kɛlɛbléyi valé a ma we kénékénénénu faa dɔɔ.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.

2 Piɛri 3:9

Blivolɛdére lé Mizambale a fe léé, é dan a kɛlɛ lɛ, é ’ka mɔn‐o a kɛlɛle lɛsɔɔle nya bélé fɛan zo lé é dɔ mi kenu gi, a zo lo, naa, a bli a tiéé ka ma yé é ’ka sɔ lɛ a lɛ léé, mi do kpen é zamaga wo lo, naa, é sɔ a lɛ léé, munu faa ’wo bli nɔla.