Néémi 9:29 - Kazambale lé Sebe Sauunu 1979

²⁹ I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Néémi 9:29 ပူးပေါင်းရင်းမြစ်များ

2 Minwiinzannu 17:13

Gakelebale we pla Izraɛl valé Juda lɛ élé balelayezannu faa valé fɛnayezannu faa lɔlu nya, yé é lé wo lɛ léé: ’Ka si kalé zi naané ta, ’ka tawo anlé bélidɔwe yɛrama, ’ka an déretawe kɛlɛ, yé bélidɔwe lé maa a fe ka tranu lɛ yé maa a pa ka lɛ zia an wuozannu balelayezannu nya, ’ka a faa kɛlɛ tegele.

2 Minwiinzannu 17:14

Naa, wo ’ka ’wo tɔné dɔ lɛ lo, yé wo kɛlɛ tɔnégiplɛplɛzannu nya bélé wo tranu lé wo ’ka bli vo lɛ Gakelebale, wolé Bale lɛ lo, wo zo.

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

2 Minwiinmunu lé Wezuofe Sɛbɛ 33:10

Gakelebale we fe Manasé valé élé munu lɛ, naa, wo ’ka ’bɛ ye lɛ wo yuɛi we nya lo.

2 Minwiinmunu lé Wezuofe Sɛbɛ 36:15

É sɔ Gakelebale wo tranu lé Bale lɛ léé, ’é élé munu valé ébozé nyanana tadɔ, amalé éé munu nwunvɔa wo va yifaama, léé, ’wo ’élé we pla wo lɛ.

Néémi 13:15

’Bɛ bléyi va, an munu ye Juda tɛrɛ la, ’té woo dɔrɔporo zɔn‐o wo gane nya flinyi nya, ’té woo ’sanwunnu sian, ’té dɔrɔ koo, dɔrɔporo koo, bɔrɔyiliporo koo, fɛ gɔnɔ faa koo, ’té woo wo vɔa sokofalenu punu yé wo da wo nya Jérusalɛm flinyi nya. Yé yian nya lé wo da wolé fɛ dan lɛ, an we pla wo lɛ ’bɛ yi la.

Néémi 9:10

I gyɛzorowenu valé we blɛnblɛnnu kɛlɛ Faraɔn koo, é wuozannu koo, élé tɛrɛlamunu faa koo, wo lɛ. Naa, nyanénu lé wa pa ko tranu ta, bé gi dɔɔ, yé ilé fuasan bɔra bélé fɛan zo lé bé bɔra kyɔ ko lɛ ’ko, a zo.

Néémi 9:16

Naa, ko tranu kɛlɛ boblɛnzannu valé bɔrɔvɔɔzannu nya i nwiin. Wo ’ka ’wo tɔné dɔ lɛ ilé bélidɔwe sɔnnénu lɛ lo.

Néémi 9:26

Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Fwile 10:3

Moizi valé Arɔn go Faraɔn va yé wo lé a lɛ léé: Gakelebale, Ébrunu lé Bale léma: I dan ibo kɛlɛ lɛ kiéné ’é ’lɛ mɛ yi laa? ’I daan ’élé munu ma, ’wo go ’é bɔ.

Jérémi 17:23

Wo ’ka ’wo tɔné dɔ lɛ an lɛ lo; wo ’ka an ban lɛ ’wo tɔné nya lo. Wo kɛlɛ yuɛma plɛplɛzannu nya, léé, wo ’ka ’wo tɔné dɔa lo, té wo we paa ’wo gi lo.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 42:19

’Kaa Juda munu lé ka vo ana, Gakelebale lé ka lɛ léé: Té ka go Éjipiti tɛrɛ la lo. Ka gi dɔɔ léé, maa a yi ga ka lee kyɔ.

Jérémi 43:2

Oozé be Azaria koo, Karéak be Jokanan koo, boblɛnmunu faa koo, wo lé Jérémi lɛ léé: I a vié wona. Gakelebale kolé Bale ’ka a fe lɛ i lɛ léé, té ko go nyana Éjipiti tɛrɛ la lo lo.

Jérémi 44:10

Fɔɔ yi ’ko nya wo ’ka wobo kɛlɛ lɛ kiéné lo, wo ’ka kana lɛ an lee lo, yé anlé bélidɔwe sɔnnénu lé maa wo fe ka valé ka tranu lɛ, ka ’ka wo pa lɛ lo.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 20:11

Anlé bélidɔwenu valé an dére lé é a lé blami a ta tawo, vole é yuɛma we gi bɛ, maa wo nɔ wo lɛ.

Daniɛl 5:20

Naa, bléyian va lé é bo kɛlɛ blɛn yé a yuɛ ma kɛlɛ plɛplɛ fɔɔ yé é blii boblɛn nya, wa zun gla nya élé webleblin ta, yé wo alé fua si a lee.

OZÉ (Osée) 6:5

Bɛwemalé maa dan wo bla lɛ balelayezannu dére nya; an dan wo gyɛ lɛ an ’léé dére nya; an dan bi lɛ wo ma weblele nya bélé yirisan zo.

Lévinu 18:5

’Ka anlé bélidɔwenu valé an déretawenu lɛdɔma; mi lé éé wo ta tawoo, é dan béli lɛ wo ma. Maa a Gakelebale nya.

Matio 19:17

Jézu lé a lɛ léé: Mɛmalé i we zima lé we ma laa an lee? Bale do kpen ɛ ke é zima. Dé é sɔ i lɛ léé, i vo é yuɛma, ’i bélidɔwenu kɛlɛ.

WENÉNÉ LÉ LUK A GYE (Évangile selon Luc) 10:28

Jézu lé a lɛ léé: Bé zi pa tegele; ’i ’bɛ kɛlɛ yé i dan vo lɛ é yuɛma.

Rom munu 10:5

Naa, kɛlɛlɛ tegele lé éé sié bélidɔwe va, Moizi a gi fe ’ko zo, léé: Mian éé we ’konu kɛla, wo kɛlɛlɛ nya lé é dan vo lɛ é yuɛma.

Galasi munu 3:12

Bélidɔwe ’ka sié blipale va lo, naa, é a é gyɛle léé: Mian éé we ’konu kɛla, é dan béli lɛ wo ma.

Bélidɔwesɛbɛ Fiézan 31:21

naa, dé wenaané valé kleblele kiɛre bɔ wo ma, lɛrɛ ’ko lé a sele ’ka dan saan lɛ wo gi monomono lo, ’té é a wo kulunu ’léé bɛ, é dan kɛlɛ lɛ anlé wenayezan nya munu ’konu ma. Wo bli a fɛan zo, maa dɔɔ, ana a é gɔɔnle kyɔ tɛkɛ, ’té maa ’ka boenwo tan wo wɔra lɛ tɛrɛ lé maa anbo ’nyɔɔn léé, maa dan a nɔ lɛ wo lɛ bɛ, a ta lo.

Bélidɔwesɛbɛ Fiézan 31:27

Naa, maa kalé nwamimabli valé ka tɔnégiyuyu dɔɔ. Dé ka nwa Gakelebale ma bléyian va lé maa a é yuɛma ka méléna, an gale zuo zé ’ka dan mini lɛ loo?

Bélidɔwesɛbɛ Fiézan 4:26

ka dan zamaga wo lɛ tɛrɛ lé ka go a si lɛ kazé nya Juudɛn yuu zi bɛ, a ta, ’té ka sele ’ka dɔa mi gi é dɛrɛ lo; kalé tɛrɛla é dan bɔi lɛ a ta, yé ka kulu é dan ga lɛ tata; maa la valé tɛrɛ kɛlɛ anlé wenayezannu nya kyɔ yé wo ka ma we fe.

Weblezannu 6:10

Maa lé ka lɛ léé, maa a Gakelebale, kazé Bale nya; Amorénu lé ka ke é nyanale wolé tɛrɛ la bɛ, té ka kana wolé balenu lee lo. Naa, ka ’ka an dére ’ma lɛ lo.