Néémi 9:27 - Kazambale lé Sebe Sauunu 1979

²⁷ Yé i wo vo wo nyanézannu lee, ’té ’bɛnu éé yaan wo ta. Naa, wolé kle ble bléyi va, wo siaa i lɛ, yé bii, i wolé siaalenu ’ma i nyanana la gi loru. Yé ilé nyanai zénle blɛn gi i wo tawe kɛlɛzannu nɔ wo lɛ yé ’bɛnu wo si wo nyanézannu lee.

Néémi 9:27 ပူးပေါင်းရင်းမြစ်များ

2 Minwiinzannu 13:5

yé Gakelebale wo siéwegizan nɔ Izraɛlnu lɛ. Izraɛl munu so Siri munu lee, yé wo nyana ’wolé sɔkɔn wuo bélé é vinin zo.

2 Minwiinzannu 14:27

Naa, é ’ka Gakelebale gi léé, é Izraɛl tɔ nyaa tɛrɛ la lo, amalé é wo si we gi Joas be Jéroboam nya.

2 Minwiinzannu 17:20

Gakelebale sɔn vɔ Izraɛl bɛn faa ma; é wo gyɛ yara nya yé é wo pa ’wiiéwotamunu lee, yé é a ’wuo pla wo binle nya é yara baa.

2 Minwiinzannu 17:39

Naa, ’ka kana Gakelebale, kalé Bale ɛ lee; yé é dan ka si lɛ ka nyanézannu faa lee.

2 Minwiinmunu lé Wezuofe Sɛbɛ 36:17

Yé Gakelebale Kaldé nwiinzan blɛn nwa wo ma yé ’bɛ wolé pɛniɛnu gyɛ gwɔun nya wolé Bale kɔn sauun gi. É ’ka mi do vo lɛ lo, dé é a gɔné boroné nyaoo, dé é a blɛn nyaoo, dé é a gɔné segele nyaoo, dé é a nwanabɔzan nyaoo, é wo faa pa a lee.

Néémi 9:19

Ilé nyanai zénle blɛn gi, i ’ka sɔn vɔ lɛ wo ma bwi gi lo, yé lati pɔrɔlɔ ’ka daan lɛ zi gɔɔnle ma wo lɛ é yiéyi lo. Yé kyɛsan pɔrɔlɔ lé, éé wolé tawo zi ta kinié é béli, é ’ka si lɛ wo ’lɛ lo.

Lɛrɛvɔ Sɛbɛ 136:24

Yé é ko si munu lé woo yaan ko ta, wo lee, Naa, a nyanai éé zén‐é yifaama.

Lévinu 26:17

Maa dan dɔ lɛ ka ma yé ka nyanézannu é dan ka kele lɛ; ka zapamunu é dan pla lɛ ka nwiin, yé ka dan boavlan buru lɛ, ’té mi do kpen ’ka ka zuo lo.

Abudias 1:21

Mi siéwegizannu é dan vɔ lɛ Siɔn gɔ nwiin, Ézau lé gɔ la munu lé weblele we ma; Yé Gakelebale é dan pla lɛ munu nwiin.

Weblezannu 2:18

Dé Gakelebale weblezannu nwa, ’té Gakelebale a ’bɛ weblezan va yé é wo si wo nyanézannu lee weblezan yuɛma bléyi faa va; naa, Gakelebale nyanai é zén wo ta wolé dunnu lé wa wo klepawotazannu valé nyanépawotazannu lee, alé we ma.