Néémi 9:26 - Kazambale lé Sebe Sauunu 1979

²⁶ Naa, duowo, wo péli vɔ i ma yé wo nwa i ma. Wo ilé bélidɔwe vo ’wo bɛ zuo; ilé balelayezannu lé woo we plaan munu lɛ léé, ’wo da i va é ziin, wo wo gyɛ, yé wo i gɔɔn é naané.

Néémi 9:26 ပူးပေါင်းရင်းမြစ်များ

1 Minwiinzannu 14:9

I wenyané kɛlɛ é mini mi faa lé wo ke i ’lɛ é vinin, wo ta; i go izé bale bɛnu valé miyili serelenu kɛlɛ lɛ, an bli flile we gi, yé i nwun zi dɔ an ta.

1 Minwiinzannu 18:13

Dé Jézabɛl a Gakelebale lé balelayezannu gyɛna, we lé maa a kɛlɛ, wo ’ka a fe lɛ anzan lɛ loo? Maa balelayezannu yɔ soru yɔɔ mi yɔ fié wɔlɛ vu vu gɔmagurunu gi yé maa buru valé ’yi nɔ wo lɛ.

1 Minwiinzannu 18:4

bléyian va lé Jézabɛl Gakelebale lé balelayezannu kulu ga, Abudias balelayezannu si yɔ soru yé é wo yɔɔ mi yɔ fié wɔlɛ vu vu gɔmagurunu gi, yé é buru valé ’yi nɔ wo lɛ.)

1 Minwiinzannu 19:10

É a zi pa léé: Maa Gakelebale, lai sunyanu lé Bale lé we kɛlɛ an sɔbɛla nya; naa, Izraɛl lé nénu ilé gipawe vo yé wo i bannanu zana a gi yé wo ilé balelayezannu gyɛ gwɔun nya; maa ɛ vo, an do kpen, yé wa kwa kulina léé, wo anlé tɛrɛla nyaa.

2 Minwiinzannu 21:10

Yé Gakelebale we fe é wuozannu balelayezannu lɔlu nya léé:

2 Minwiinzannu 21:11

Juda nwiinzan blɛn Manasé naanaawe ’konu kɛlɛ, yé wenyané lé Amorénu a kɛlɛ azé bléyi ’lɛ, azé mini wo lɛ, yé é ziin, miyilinu nya lé é Juda kɛlɛ wenyanékɛlɛzannu nya,

2 Minwiinmunu lé Wezuofe Sɛbɛ 36:16

Naa, wo Bale lé nwunvɔzannu ma we nana; wo lɔlu plɛn ’bɛnu dérenu ma, yé wo yéri si alé balelayezannu ma, fɔɔ, yé Gakelebale lé bliflile élé munu ma gié é glɛ la.

Néémi 9:18

Dé wo diriné do sele boenwo yé wo léé, ’wolé Bale lé é ’wo si Éjipiti tɛrɛ la, yee looo lo, dé wo i sɔnɔ blɛn wooo, i ’ka sɔn vɔ lɛ wo ma duowo lo.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Lɛrɛvɔ Sɛbɛ 50:17

Biian anlé wepaale za ke i gi loo? Yé biian i an dére vuli i zuo loo?

Jérémi 16:11

Yé bé zi pa wo lɛ léma: Gakelebale léma: Ka tranu sɔn vɔ an ma, ’té woo goo bale bɛnu zuo, yé wo wo bɔ yé wo dia wo bli la wo ’lɛ; wo sɔn vɔ an ma yé wo ’ka tawo lɛ anlé bélidɔwe ta lo.

Jérémi 2:30

Maa ilé nénu bla, naa, ’bɛ tɔnɔ ’ka lo. Anlé we lɛdɔle wo gi ’ka wo yuɛ gi bɔ lɛ lo. Ka balelayezannu gyɛ gwɔun nya bélé fɛan zo lé golizra éé mi gya, a zo.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Jérémi 42:19

’Kaa Juda munu lé ka vo ana, Gakelebale lé ka lɛ léé: Té ka go Éjipiti tɛrɛ la lo. Ka gi dɔɔ léé, maa a yi ga ka lee kyɔ.

Jérémi Lé Wuvɔ Sɛbɛ 3:42

Ko wenyané kɛlɛ, ko nwa Bale ma, I ’ka ko ma we vo lɛ lo.

Ézékiɛl 20:21

Yé wo benu nwa an ma. Wo ’ka tawo lɛ anlé wepladérenu yɛrama lo; an déretawenu lé é a lé blami a ta tawo a vole é yuɛma we gi bɛ, wo ’ka wo ta tawo lɛ lo. Yé wo anlé flinyinu sɛrɛ. É dɔ an gi léé, an wɛwɛ dɔ wo ma, yé an bli flile lɛ é sɔɔ wo ma bwi gi.

Matio 21:35

Yé féinwiinzannu a wuomunu kun yé wa do bla yé wa do gyɛ, yé wa yaazan gyɛ gɔlɛ nya.

Kelewenu 7:52

Balelayezannu va mi kyɛn ta lé ka tranu ’ka nyané pa lɛ loo? Munu lé, wo Mi Tegele dale fe é kyɛn, ka tranu wo gyɛ. Lao ka ’bɛzan liwo yé ka kɛlɛ ’bɛ gyɛzannu nya,

Bélidɔwesɛbɛ Fiézan 32:14

Dirinyɔyi valé ’bla nyɔyi koo, ’Blané nyɔnɔ koo, Bazan lé ’blagɔnénu valé boligɔnénénu koo, Burupun zin koo, Bale a faa nɔ Izraɛl lɛ; Yé nwɛ lé é ke dɔrɔporo’yi nya, bé mini.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,

Weblezannu 10:6

Izraɛl lé nénu wo Gakelebale ’namawe kɛlɛ é ziin; Baalnu koo, Asataténu koo, Siri lé balenu koo, Sidɔn lé balenu koo, Moab lé balenu koo, Amɔn benu lé balenu koo, Filisitinu lé balenu koo, wo wo bɔ, yé wo Gakelebale vo, ’té wo ’ka a bɔa é dɛrɛ lo.