Néémi 9:25 - Kazambale lé Sebe Sauunu 1979

²⁵ Wo kɛlɛ fla plɛplɛnu valé fɛdɔtɛrɛ zin nwiinzannu nya; kɔnnu lé ke é fanle fɛ zin gɔnɔ faa nya, wa ye é pla; ’yigurunu koo, dɔrɔféinu koo, ɔliviféinu koo, porobaayili kiɛre koo, wa ye é pla. Wo fɛ ble yé wo kan yé wo bua, yé ilé zin blɛn gi wolé tɛrɛla kɛlɛ néné.

Néémi 9:25 ပူးပေါင်းရင်းမြစ်များ

1 Minwiinzannu 14:9

I wenyané kɛlɛ é mini mi faa lé wo ke i ’lɛ é vinin, wo ta; i go izé bale bɛnu valé miyili serelenu kɛlɛ lɛ, an bli flile we gi, yé i nwun zi dɔ an ta.

1 Minwiinzannu 8:66

A yi sɔraazan nya Salomɔn munu pa zia. Wo minwiinzan blɛn drɔɔ vo yé wo faa go ’wolé kɔn ’léé ’wo gi nanale valé ’wo bli drɔɔ nya, wezin faa lé Gakelebale a kɛlɛ é wuozan David valé élé munu Izraɛl lɛ, a we ma.

Néémi 9:35

Bléyian va lé wa wobo ma, ’té i wezin kiɛre kɛla wo lɛ, tɛrɛ blɛn zima lé bé bɛ pa wo lee, a ta, wo ’ka i bɔ lɛ lo yé wo ’ka wo yara si lɛ wo kɛlɛwe naanénu ta lo.

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Lɛrɛvɔ Sɛbɛ 65:11

I lɛɛ dan vun dannu gi, yé ana tɛrɛ éé tuaan, I tɛrɛ kaan ’yi nya, i ’sa vɔnɔnu drɔɔ voo.

Wegɔnévɔlenu 30:9

dé an da fɛ kiɛre ye, yé maa sɔn vɔ i ma yé maa léé, de ɛ ke Gakelebale nyaa? Taa, dé nyané é da an gyɛ yé maa kyeen wo yé maa anlé Bale tɔ sɛrɛ.

Ézai 6:10

’I wo bli lɛ tan; ’i wo tɔné la vo, yé ’i blala pa wo yuɛ la, léé, té wo yuɛ é fɛna ye lo, té wo tɔné é we ’ma lo, té we ginin é dɔ wo gi lo, té ’wo bli nɔla yé ’wo béli lo.

Ézai 63:7

Maa dan Gakelebale lé zinnu zana dɔɔ lɛ yé maa dan Gakelebale tɔ zin fe lɛ, We faa lé Gakelebale a kɛlɛ ko lɛ, a yɛrama. Zin blɛn lé é a kɛlɛ Izraɛlmunu lɛ, Élé nyanaizénle valé sɔlɛle blɛn yɛrama bɛ, maa dan a zuo fe lɛ.

Jérémi 2:7

Tɛrɛ lé éé fɛ dɔa, an da ka nya ana, Léé, ka ana fɛporonu valé ana fɛ zimanu ble; Naa, ka bɔ ana tɔɔn, ka anlé tɛrɛ tiri dɔ, Yé ka anlé fɛna kɛlɛ bo zo.

Jérémi 31:14

Maa dan Balebanzannu kan lɛ balebanfɛ nyɔnɔ nya, Yé anlé munu é dan kan lɛ anlé fɛ zinnu nya. Maa Gakelebale ɛ ke a fena.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Ézékiɛl 20:6

’Bɛ yi la, maa anbo ’nyɔɔn an bɛ nwale nya léé, maa dan wo si lɛ Éjipiti tɛrɛ la yé ’an go wo nya tɛrɛ do lé maa a si a va wozé nya, a ta; tɛrɛ nyɔnɔzan lé ke é zima é mini tɛrɛnu faa ta, yee lé.

Daniɛl 11:24

Vole drɔɔ bléyi va, é dan nyana lɛ tɛrɛnu ’ko va tɛrɛ zimanu ta; yé wenu lé a tranu koo, a tranu é tranu koo, wo ’ka tan a vinin kɛlɛ lɛ lo, é dan wo kɛlɛ lɛ. Gulizarafɛnu koo, mi pagifɛnu koo, fuafɛnu koo, é dan wo guli lɛ. Bléyi kenu wuo, é dan we kenu ma’lɛrɛ lɛ léé, é kɔn plɛplɛnu sié ézé nya.

OZÉ (Osée) 13:6

Wo kan wo blefɛ nya; wo kan yé wo blii boblɛn nya, bɛwemalé an sele saan wo gi.

OZÉ (Osée) 3:5

’Bɛ zuo, Izraɛlnu é dan da lɛ wo pai; wo dan maa Gakelebale ’wolé Bale nagini lɛ, ’bɛ valé ’wo nwiinzan blɛn David nya; yé dé wo Gakelebale valé alé zin ye, é dan vɔ lɛ wo ma gi drɔɔ nya; ’bɛ é dan kɛlɛ lɛ zi zuowe nya.

Rom munu 2:4

Taa, Kazambale lé fua lé é ke alé wezin koo, alé bli tiéé koo, alé ’wuo dɔle we wuo koo, wo nya, i wo yé fɛ boanu nya lɛɛ? I ’ka a gi dɔɔa léé, Kazambale lé wezin éé i bli nɔlaan Kazambale va loo?

Bélidɔwesɛbɛ Fiézan 3:5

Fla ’konu faa a plɛplɛ; gɔrɔ torole a é bole wo zi, ’té wo duolinu valé wo lɛtan foliɛwɔlɛnu a; yé é ziin, flanu lé gɔrɔ ’ka é bole wo zi lo, wa kiɛre.

Bélidɔwesɛbɛ Fiézan 32:13

É go wo nya loru, Yé Izraɛl bwiifɛnu ble; Zɔrɔnyɔnɔ lé éé sié gɔlɛ gi koo, Nyɔnɔ lé éé sié gɔlɛ plɛplɛ baba gi koo,

Bélidɔwesɛbɛ Fiézan 32:14

Dirinyɔyi valé ’bla nyɔyi koo, ’Blané nyɔnɔ koo, Bazan lé ’blagɔnénu valé boligɔnénénu koo, Burupun zin koo, Bale a faa nɔ Izraɛl lɛ; Yé nwɛ lé é ke dɔrɔporo’yi nya, bé mini.

Bélidɔwesɛbɛ Fiézan 32:15

Izraɛl bua, yé é nwa Bale ma; I bua, yé i zén‐i, yé i laala gyɛ; Yé é sɔn vɔ ’é Kɛlɛzan Bale ma, É é siéwegi Gɔlɛ vo ’é yuɛ zuo,