Néémi 9:22 - Kazambale lé Sebe Sauunu 1979

²² I bɛn tɛrɛnu valé migɔnɔnu nɔ wo lɛ, yé tɛrɛnu lé wa si wo nyanézannu lee, bé guli wo ma. Wo Esibɔn nwiinzan blɛn Sioni valé Bazan nwiinzan blɛn Ɔg lé tɛrɛnu si wozé nya.

Néémi 9:22 ပူးပေါင်းရင်းမြစ်များ

Lɛrɛvɔ Sɛbɛ 105:44

É bɛn bɛnu lé tɛrɛ nɔ wo lɛ, Yé nyanama lé bɛn bɛnu a pa, wo a tɔnɔ ble,

Lɛrɛvɔ Sɛbɛ 78:65

Mizan nwa bélé yigyɛzan vuole zo, É nwa bélé nyanazan lé nwɛ a gyɛ, a zo.

Jérémi 27:5

Maa ɛ tɛrɛ kɛlɛ. Tɛrɛlamunu koo, tɛrɛlawinu koo, an wo kɛlɛ anlé plɛplɛ blɛn valé an bɛ plɛplɛ nya, yé dé mian é sɔ an lɛ léé, maa tɛrɛ nɔ a lɛ, a lɛ lé maa a no.

Jérémi 32:23

Wo da, yé wo tɛrɛ ’ko si wozé nya, naa, wo ’ka i dére lɛdɔ lɛ a ma lo, yé wo ’ka ilé bélidɔwe tawe kɛlɛ lɛ monomono lo; we faa lé i wo béli dɔ a nya léé, ’wa kɛlɛ, wo ’ka a kɛlɛ lɛ lo. Amalé i we tɔntɔnnu faa ’ko bɔ wo ma.

Ézékiɛl 20:28

Tɛrɛ lé maa anbo ’nyɔɔn léé, maa a nɔ wo lɛ, maa go wo nya ana. Yé wo ’wo yuɛ vo gɔpané nwalenu faa lɛ, ’é valé yili kwɛɛvɔlenu faa lɛ; ’bɛna lé wo ’wolé sarakanu bo, yé blɛfɛnu lé woo an bli flian wo nya, wa nɔ ’bɛna. Wo ’wolé lasikɔrɔ gin nénézan kyɛ ble ’bɛna, yé woo ’yinu zana yo lɛ ’bɛna.

Bélidɔwesɛbɛ Fiézan 1:4

Amorénu nwiinzan Sioni lé éé nyanaan Esibɔn, ’bɛ valé Bazan munu nwiinzan Ɔg lé éé nyanaan Asitarɔt valé Édréi, Izraɛlnu guli dan wo va yé Izraɛlnu wo kele faa yé we ’ko kɛlɛ.

Bélidɔwesɛbɛ Fiézan 32:26

Maa nɔ dan a fe lɛ léé, an wo sié ana, fu fɛɛle do kpen nya, Maa dan wo sele saan lɛ munu gi;

Bélidɔwesɛbɛ Fiézan 4:46

We ’ko kɛlɛ, ’té wa Juudɛn yuu zi ’ko, gɔnu worona, Bɛt‐Péɔɔ yara; Amorénu nwiinzan Sioni lé é nyana é vinin Esibɔn, ’té Moizi valé Izraɛl lé nénu a gyɛ guli nya wo fwile Éjipiti tɛrɛ la zuo, Bɛt‐Péɔɔ a yee Sioni lé tɛrɛ la.

Bélidɔwesɛbɛ Fiézan 4:47

Izraɛl lé nénu Sioni valé Bazan mununwiinzan Ɔg lé tɛrɛnu si. Amorénu nwiinzan fiénu ’ko, wa Juudɛn yuu zi ’ko, yirinwanazia.

Jozué 10:11

Bléyian va lé wo kini ékema Izraɛlnu ’lɛ yé wo zun zi lé é si Bɛt‐Orɔn, a ta, Gakelebale gɔlɛ blɛnnu dia wo ta fɔɔ Azéka yé wo ga; wo lé wo ga goowɔlɛlɛɛ nya wo kɛlɛ kiɛre é mini wo lé Izraɛlnu wo gyɛ gwɔun nya, wo ta.

Jozué 11:23

Jozué ana tɛrɛ faa si, fɛan zo lé Gakelebale a fe Moizi lɛ, a zo. Yé Jozué yeé tɛrɛ nɔ Izraɛlnu lɛ wozé nya, tɛrɛ buru do do mi do do, wo bɛn ma bɛn ma. ’Bɛ zuo, tɛrɛ vo éboma, ’té guli ’ka lo.