Néémi 9:20 - Kazambale lé Sebe Sauunu 1979

²⁰ I léli zin nɔ wo lɛ wo kɛlɛle wedɔɔzannu nya we gi. I ’ka sɔn vɔ lɛ mana nɔle ma wo lɛ lo, yé i ’yi nɔ wo lɛ ’yiminilɔrɔ lé we ma.

Néémi 9:20 ပူးပေါင်းရင်းမြစ်များ

Néémi 9:30

I ’wuo dɔ wo kɛlɛwenu wuo lɛɛ kiɛre nya, yé i we lɛ kini wo lɛ i léli valé ilé balelayezannu nya. Yé wo ’ka wo tɔné dɔ lɛ ’bɛnu lɛ monomono lo. Yé i wo pa bɛn bɛnu lee.

Lɛrɛvɔ Sɛbɛ 105:41

É gɔlɛ blɛn lɛ so yé ’yi bɔra, Yé é yoro fɛna galenu na bélé yuu zo.

Lɛrɛvɔ Sɛbɛ 143:10

’I ilé blibɔmawe kɛlɛle paa an gi, Naa, bii a anzé Bale nya. I léli zima ’é go an nya zi tegele ta ma,

Fwile 16:15

Izraɛl lé nénu a nagini yé wo lé ’wo ke lɛ léé: Mɛ fɛ léé? naa, wo ’ka a dɔɔ lɛ lo. Moizi lé wo lɛ léé: Buru lé Gakelebale a nɔ ka lɛ kalé fɛblele nya, yee lé.

Fwile 16:35

Izraɛl lé nénu mana ble lɛɛ yɔ fié, fɔɔ yé wo bɔ tɛrɛ lé munu nyanaan a ta, ana; wo mana ble fɔɔ yé wo bɔ Kanaan tɛrɛ glɛ la.

Fwile 16:4

Gakelebale lé Moizi lɛ léé: Bé ye, maa dan kalé buru si lɛ la gi, ’té éé dan bélé lɛɛ zo. Munu é dan bɔra lɛ yé wo dan a sia lɛ yi do do ma, wo mawe a a gi fɛan zo, a zo, anlé wo gi danle we ma, yé dé wo dan tawo lɛ an dére taa? dé wo ’ka dan tawo lɛ a ta loo? yé maa ’bɛ gi dɔɔ.

Fwile 17:3

Munu ana bɛ, ’té ’yiminilɔrɔ ’na wo ma yé wo gun gyɛ Moizi ma. Wo léé: Mɛmalé i ko si Éjipiti tɛrɛ la, ko koo, kolé nénu koo, kolé trubɛnu koo, ko gyɛle ’yiminilɔrɔ nya we gii?

Fwile 17:6

Naa, maa dan dɔ lɛ i ’lɛ Orɛb gɔlɛ ta; i dan fɛ duun lɛ gɔlɛ lɛ, yé ’yi é dan bɔra lɛ a gi yé munu é dan ’yi mini lɛ. Yé Moizi a kɛlɛ ’bɛ zo, Izraɛl mi segelenu yuɛ va.

Ézai 48:21

Fɛana lé éé goo wo nya bwi gi, ’yiminilɔrɔ ’ka dan wo gyɛ lɛ ’bɛna lo; É dan ’yi si lɛ wo lɛ gɔlɛ gi, ’té éé duun‐an, É dan gɔlɛ fee gyɛ lɛ Yé ’yi é dan yoro lɛ.

Ézai 49:10

Lɔrɔ ’ka dan wo gyɛ lɛ lo, yé ’yiminilɔrɔ ’ka dan wo gyɛ lɛ lo; Wo ’ka dan nyané ble lɛ tɛrɛ kyɛ dɔle valé yiri lee lo; Naa, mi lé a nyanai é zén wo ta, é dan kɛlɛ lɛ wolé zigɔɔnzan nya, Yé é dan go lɛ wo nya ’yibɔnanu na.

Agajé 2:5

Gipawe lé maa kɛlɛ ka va ka sile Éjipiti tɛrɛ la bléyi va, maa a é dɔle ’bɛ ta; an Léli a ka va, té ka kana lo.

Mi Nɔnɔle 11:17

Maa dan zun lɛ ’bɛna yé maa dan we fe lɛ i lɛ, yé bli lé é ke i gi, maa dan ’bɛ zoɛ bli vɔ lɛ wo gi, léé, wo bɔ i va munu ’ko kɔné sile nya, té i kɔné ’ko si i do lo we ma.

WENÉNÉ LE JAN A GYE (Évangile selon Jean) 4:10

Jézu lé a lɛ léé: Dé é vo léé i Kazambale lé blɛ dɔɔ, yé maa lé maa a fe i lɛ léé: ’I ’yi nɔ an lɛ maa a mini, dé é vo léé, i an dɔɔ kɔɔn, ’té biibozen é dan mini’yi laa lɛ an lee, yé an dan mibéli’yi nɔ lɛ i lɛ.

WENÉNÉ LE JAN A GYE (Évangile selon Jean) 4:14

Naa, ’yi lé maa dan a nɔ lɛ munu lɛ, dé mian é ’bɛ ’yi mini, ’yiminilɔrɔ ’ka dan ’bɛzan gyɛ lɛ é dɛrɛ lo. Yé ’yi lé maa dan a nɔ lɛ ’bɛzan lɛ, é dan kinin lɛ ’yi’wuo nya a bɔn gi, yé é dan vo lɛ duunna fɔɔ yé é kɛlɛ munubélifɛ nya, yé wo vo é yuɛma ’té ’bɛ glɛ ’ka dɔa lo.

Rom munu 15:30

An bwenu, maa we plaan ka lɛ Kaazan Jézu Krist tɔ nya, é valé Kazambale Léli lé sɔlɛle nya léé, ’ka bɔ an va bazorole nya anlé we ma Kazambale lɛ.

1 Korent munu 10:3

Balenɔfɛ lé wo faa a ble,

Éfez munu 5:9

Naa, mi va kinile tɔnɔ lé ke wezin gɔnɔ faa koo, we tegele gɔnɔ faa koo, webozen gɔnɔ faa koo, wo nya.

Jozué 5:12

Taboyi lé tu kini, dé wo tɛrɛ ’ko la goo ble, mana dale nyaa, mana ’ka Izraɛlnu lee é dɛrɛ lo, yé wo Kanaan tɛrɛlafɛnu ble lɛɛ ’ko wuo.

2 Piɛri 1:21

Munu lé blibɔmawe ’ka da lɛ balelawefele do kpen nya monomono lo, naa, Léli Sauun ɛ Kazambale lé munu nyunu yé wa fe Kazambale tɔ gi.