Néémi 9:2 - Kazambale lé Sebe Sauunu 1979

² Munu lé wo ke Izraɛl bɛnnu nya, yé wo kan kini bɛn bɛnu faa ma, wo bɔra a gi, yé wo ’wolé wenyané fe yé wo ’wo tranu kɛlɛwe plenu fe.

Néémi 9:2 ပူးပေါင်းရင်းမြစ်များ

1 Minwiinzannu 8:47

dé wo ’wuo dɔ ’wo ta é ziin wolé luu tɛrɛ la, dé wo da i va é ziin yé wo zanté vɔ i lɛ wo kunmunu lé tɛrɛ la, yé wo léé: Ko wenyané kɛlɛ, ko weple kɛlɛ, ko wenaané kɛlɛ,

Ezidras 10:11

Sin, ’ka ka saanna fe Gakelebale, ka tranu lé Bale lɛ, yé ’ka alé blibɔmawe kɛlɛ. ’Ka kan kini tɛrɛ ’ko la munu valé bɛnlomu ma.

Ezidras 6:21

Izraɛlnu lé wo si luu gi, wo Tabofɛ ble, wo valé munu faa lé wo sɔn vɔ tɛrɛ ’ko la bɛnnu lé weple kɛlɛle ma, yé wo péli vɔ wo va Gakelebale, Izraɛl lé Bale naginile we ma, wo nya.

Ezidras 9:1

We ’ko nyaale zuo, minwiinzannu da an va yé wo léé: Izraɛlnu koo, Balebanzannu koo, Lévinu koo, wo ’ka wo kan kini lɛ tɛrɛ ’ko la munu ma lo, yé wa wolé bozowe zuo sonana. Kanaannu koo, Étinu koo, Férézinu koo, Jébusinu koo, Amɔnnu koo, Moabnu koo, Éjipitinu koo, Amorénu koo, wa wolé bozowenu zuo sonana.

Ezidras 9:15

Gakelebale, Izraɛl lé Bale, i a tegele; ko a kyɔ luugimunu pɔnénu nya. Ko a i ’lɛ ’ko wegyɛmunu nya; ko dan vo lɛ é yuɛma i ’lɛ kaa?

Ezidras 9:2

Naa, wo koo, wo benu koo, wo wolé lomu si ’wo nanu nya, yé wo bɛn sauunnu vɔɔ tɛrɛ ’ko la munu nya, yé minwiinzannu valé we ’wuo?-?dɔzannu, wo kɛlɛ wenyané ’ko kɛlɛzan vininnu nya.

Néémi 1:6

’i an ban i tɔné nya, yé i yuɛ é vo é fuole an lɛ. Ba lé i wuozan ke a zorona bléyi ’ko va, i wuozannu Izraɛl lé we ma bladi nyanadi, ’i tɔné dɔ a lɛ. An Izraɛlnu lé wenyané fé, wenyanénu lé ko kɛlɛ i ma, maa a wo fena. Naa, maa valé an ti lé kɔn gi munu, ko wenyané kɛlɛ.

Néémi 10:28

Mi pɔnénu, Balebanmunu koo, Lévinu koo, kɔntayuɛpazannu koo, lɛrɛvɔzannu koo, Bale lé kɔn gi nyanamapazannu koo, munu faa lé wo kan kini bɛn bɛnu ma tawole Bale lé bélidɔwe ta we gi, wo koo, wo nanu koo, wo benu valé wo lunu koo, munu faa lé wo yara ke é kinile yé wo gi kini koo,

Néémi 10:29

wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

Néémi 13:3

Wo bélidɔwe ’ma aan wo, wo bɛnnu faa si Izraɛl va.

Néémi 13:30

An bɛnnu faa si wo va, yé we lé é a lé Balebanzannu valé Lévinu a kɛlɛ, an dɔ a ta é ziin, yé maa wolé nyanama gɔɔn wo lɛ do do.

Lɛrɛvɔ Sɛbɛ 144:11

’I an si we gi, yé ’i an si bɛn lee, Bɛn lé, éé viéwoo, ’Té éé dabli kɛla, ’i an si a lee.

Lɛrɛvɔ Sɛbɛ 144:7

Bii lé i ke la gi, ’i bɛ soi; ’I an si ’yi blɛnnu lee yé ’i an si we gi, ’I an si bɛnnu lee,

Wegɔnévɔlenu 28:13

Mi lé élé wenyané yɔɔan, alé we do kpen ’ka vɔa a ma lo, naa, mi lé éé wo fé yé éé daan wo ma, yee ɛ nyanai zénle é ta yé.

Ézai 2:6

Naa, Gakelebale sɔn vɔ élé munu, Jakɔb lé munu ma. Wo yirinwanazia munu lé yonu ble yé wo ’wobo nɔ yo kɛlɛle lɛ bélé Filisitinu zo, yé wo gi pa do bɛn bɛnu va, amalé Gakelebale sɔn vɔ wo ma.

Jérémi 14:20

Gakelebale, kolé wenaanénu valé ko tranu lé weplenu ginin dɔ ko gi; Naa, ko wenyané kɛlɛ i ma.

Jérémi 3:13

I kɛlɛwe ple sele ’é dɔ i gi ma. A sele ’é dɔ i gi léé, i ’ka pla lɛ Gakelebale, ilé Bale wuo lo, yé i goo ’ko, yé i goo ’ko, bale bɛnu va yili drɔɔdrɔɔnu faa wuo, yé i ’ka i tɔné dɔ lɛ an dére lɛ lo. Maa Gakelebale ɛ ke a fena.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

OZÉ (Osée) 5:7

Wo kɛlɛ gɔné bɛ ginizan nya Gakelebale wuo yé wo nénu yaa gɔrɔ la. Sin, maa dan wolé fɛ zin faa si lɛ wo lee moné do gi.