Néémi 9:17 - Kazambale lé Sebe Sauunu 1979

¹⁷ Wo sɔn vɔ i lɛdɔmale ma, yé givuruwenu lé bé kɛlɛ wo lɛ, wo gi san wo ma. Wo ’wo bɔrɔ vɔɔ i nwiin, yé wolé nwale i ma gi, wo mi do dɔ wo nwiinzan nya, léé, ’wo go ’wolé luu gi é ziin. Naa, bii a Bale lé a ma ke é ’lɛrɛle mi ma we vole we ma, a nya; bii a mimawedɔɔzan valé nyanaizénzan nya. I bli ’ka flian é kele lo, ilé zin glɛ ’ka lo, yé i ’ka sɔn vɔ lɛ wo ma lo.

Néémi 9:17 ပူးပေါင်းရင်းမြစ်များ

1 Minwiinzannu 6:13

maa dan nyana lɛ Izraɛl lé nénu méléna yé an ’ka dan daan lɛ anlé munu Izraɛl ma monomono lo.

1 Minwiinzannu 8:57

Gakelebale, kolé Bale a ko tinu va fɛan zo, ’é kɛlɛ ko va a zo ma; té é daan ko ma lo ma, té é ko vo lo ma,

2 Minwiinmunu lé Wezuofe Sɛbɛ 36:13

Minwiinzan blɛn Nébukanɛsaa lé, é lé Sédésias lɛ léé, ’i bale ’nyɔɔn, Sédésias nwa ’bɛ ma é ziin. É tɔné gi dɔ plɛplɛ yé é bli ta dɔ plɛplɛ léé, ’é ’ka nɔlana ’é pa gi Gakelebale, Izraɛl lé Bale va lo.

Ezidras 9:9

Ko a luunu nya, naa, duowo Bale ’ka daan lɛ ko ma kolé luubale gi lo. É ko kɛlɛ mi zinnu nya Pɛɛs minwiinzan blɛnnu yuɛ gi, ko vole é yuɛma we ma, léé, ko kolé Bale lé kɔn dɔ é ’bin ta, yé ko yɔɔna ’é kɛlɛ Juda valé Jérusalɛm nya.

Néémi 9:31

Naa, ilé nyanai zénle blɛn gi, i ’ka wo kulu ga lɛ lo, yé i ’ka daan lɛ wo ma lo, naa, i a Bale lé, é mi mawe dɔɔ yé a nyanai éé zén‐é, a nya.

Lɛrɛvɔ Sɛbɛ 106:13

Naa, alé nyanama sele saan wo gi é kele, Wenu lé é dan wo kɛlɛ lɛ, wo ’ka a lɛsɔɔle lɛbɛn lɛ lo.

Lɛrɛvɔ Sɛbɛ 106:7

Bléyian va lé ko tranu ke Éjipiti tɛrɛ la, wo ’ka ilé gyɛzorowenu gi ’ma lɛ lo, Ilé zin kiɛre sele ’ka dɔ lɛ wo gi lo, Naa, wo nwa i ma Wɛyi sɔnɔ, Wɛyi Sɔɔn sɔnɔ.

Lɛrɛvɔ Sɛbɛ 130:4

Naa, i mi ma we vo, léé, Mi ’é kana i lee.

Lɛrɛvɔ Sɛbɛ 78:10

Wo ’ka Bale lé gipawe tawe kɛlɛ lɛ lo, Yé wo sɔn vɔ alé bélidɔwe ta tawole ma.

Lɛrɛvɔ Sɛbɛ 78:11

Wo gi san a panyanamanu ma, Alé we blɛnnu lé é a kɛlɛ wo yuɛ va, wo gi san ’bɛnu ma.

Lɛrɛvɔ Sɛbɛ 78:38

Naa, duowo, alé nyanaizénle zi, é wo ma we vo wolé weple kɛlɛle ma, yé é ’ka wo gyɛ lɛ lo; Yi kiɛre nya é ’é bli kun yé é ’ka é bli faa fli lɛ lo.

Lɛrɛvɔ Sɛbɛ 86:15

Naa, bii, Mizan, i a nyanai zén Bale valé mi mawe dɔɔ Bale nya, I bli ’ka flian é kele lo; ilé zin valé ilé yarapale we ta, wa i gi blɛn;

Lɛrɛvɔ Sɛbɛ 86:5

Naa, Mizan, bii a é zin, i mi ma we voo, Munu faa lé wo i tɔ laan, wo va sɔlɛle a i gi blɛn.

Fwile 32:9

Gakelebale lé Moizi lɛ léé: Maa ye léé, munu ’ko, wa wemaplɛplɛzannu nya.

Wegɔnévɔlenu 1:24

Maa ka laan, yé ka sɔn vɔa an dére ma, maa bɛ soian ka lɛ, yé mi do kpen ’ka a naginian lo,

Jérémi 18:15

Naa, alé munu gi éé saan an ma, woo lasikɔrɔpo kyɛ blé miyilinu lɛ, ’Té woo tawoo zi saanlenu ta, ’té woo sié zi kwanu ta, Yé woo goo zi bɛnu ta, zinu lé wo ’ka tegele lo, wo ta.

Jérémi 19:15

Lai sunyanu lé Gakelebale, Izraɛl lé Bale léma: Ka ye, we tɔntɔnnu faa lé maa wo lɛ kini, maa dan wo bɔ lɛ fla ’ko valé a zi flanu ma. Naa, wo yuɛma dɔ an va plɛplɛ, yé wo ’ka tɔné dɔ lɛ an dérenu lɛ lo, azama.

Jérémi 7:26

Naa, wo ’ka ’wo tɔné dɔ lɛ an dére lɛ pelo, wo ’ka an ban lɛ ’wo tɔné nya lo. Wo kɛlɛ bli plɛplɛzannu nya; wo wenaané kɛlɛ di, ’bɛ mini wo tranu zé ta.

Ézékiɛl 5:6

É anlé bélidɔwenu valé an déretawenu sɛrɛ, yé alé wenaané mini é zi bɛnnu valé é zi tɛrɛlamunu faa zé ta. Naa, é anlé bélidɔwenu ye boawenu nya, yé é ’ka an déretawenu zuo tawo lɛ lo.

Daniɛl 9:9

Mizan, kozé Bale, ko nwa i ma, naa, bii a nyanaizénzan valé mimawe?-?vozan nya.

Joɛl 2:13

Té ka sɔnu fia lo, Naa, nyɛ ’é ’wii ka zuru va, Yé ka da Gakelebale, kalé Bale va é ziin, Naa, é a mi mawe dɔɔzan valé nyanaizénzan nya; A bli ’ka flian é kele lo, yé alé zin a blɛɛn, Yé we tɔntɔnnu lé éé a paan munu lɛ zia, éé bli nɔlaan wo kɛlɛle ma.

Lévinu 26:44

Naa, duowo, dé wa wo nyanézannu lé tɛrɛ la, maa ’ka dan sɔn vɔ lɛ wo ma lo, yé maa ’ka dan serele bo lɛ wo ma fɔɔ yé maa wo nyaa lo, fɔɔ yé maa anlé gipawe sɛrɛ wo va lo; maa a Gakelebale, wolé Bale nya, azama.

Naum 1:3

Gakelebale bli ’ka flian é kele lo, yé alé plɛplɛ a blɛn; Éé we lɛdɔa mi gi kpɔ. Gakelebale éé tawoo fu plɛplɛ gi, éé tawoo barikoko gi, Latinu ɛ ke a gane ma vungoi nya.

Mi Nɔnɔle 14:11

Yé Gakelebale lé Moizi lɛ léé: Munu ’ko, wo dan daan lɛ wo yuɛ vɔle ma an zi mɛ bléyi vaa? Naa, maa we blɛnblɛn faa kɛlɛ wo méléna, mɛ bléyi va lé wo dan wo bli vo lɛ an lɛɛ?

Mi Nɔnɔle 14:41

Moizi léé: Mɛmalé ka Gakelebale lɛgaanmaa? A nyi do kpen ’ka dan si lɛ lo.

Mi Nɔnɔle 16:14

I ’ka go lɛ ko nya tɛrɛ nyɔnɔzan ta lo; i ’ka féinu valé dɔrɔféinu nɔ lɛ ko lɛ lo. É a i gi léé, i munu ’ko yuɛ ’wii é woo? Ko ’ka gona lo.

Kelewenu 7:39

Naa, é ’ka sɔ lɛ kaa tranu lɛ léé, wa lɛdɔma lo. Wo nwun zi dɔ a ta, yé wo bli nɔla Éjipiti tɛrɛ la zia é ziin,

Rom munu 9:15

Naa, é lé Moizi lɛ léé: Mian an nyanai éé zén‐é a ta, a ta lé an nyanai é dan zén lɛ. Yé mian an bli ke a ma é zin, a ma lé an bli é dan kɛlɛ lɛ é zin.

Ébrunu 12:25

’Ka yuɛ pa kabozen va, mi lé ke we fena ka lɛ, té ka sɔn vɔ a dére ma lo. Munu lé wo sɔn vɔ Moizi lé é we fe wo lɛ tɛrɛ la ’ko, a dére ma, dé Bale we lɛdɔ wo gi ’naan, ’té kaa nii? Dé kaa sɔn vɔ mi lé é ke we fena lagi loru bɛ, ’bɛzan dére ma, Bale ’ka dan we lɛdɔ lɛ kaa gi loo?

1 Samuɛl 12:22

É a Gakelebale gi léé, é ka kɛlɛ élé munu nya, amalé é ’ka dan élé munu vo lɛ wo saa lo, a tɔ blɛn lé we ma.