Néémi 9:11 - Kazambale lé Sebe Sauunu 1979

¹¹ I wɛyi fee gyɛ wo ’lɛ, yé wo gié fɛna galena wɛyi méléna; naa, munu lé ’bɛnu wo zuo bin, i ’bɛnu vuli a guru blɛn gi, bélé gɔlɛ lé éé goo ’yiwɔlɛ ma, a zo.

Néémi 9:11 ပူးပေါင်းရင်းမြစ်များ

Lɛrɛvɔ Sɛbɛ 66:6

É wɛyi nɔla tɛrɛ gale nya, Wo yuu kini wo gane la, Yé ko gi nana a gi.

Lɛrɛvɔ Sɛbɛ 78:13

É wɛyi fee bo, yé é zi pla wo giéna nya, Yé é ’yinu dɔ bélé kɔnguru zo,

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Fwile 14:25

É wolé goronu gane so, yé wolé tawole kɛlɛ tɔntɔn. Yé Éjipiti munu léé: Kaa vlan buru Izraɛl lee, naa, Gakelebale a Izraɛl ta guli danna Éjipiti munu va.

Fwile 14:29

Naa, Izraɛl lé nénu tawo tɛrɛ gale ta wɛyi méléna, yé ’yinu kɛlɛ bélé kɔnguru zo wo bɛyila valé wo bɛbola.

Jérémi 32:20

I gyɛzorowenu valé we blɛnnu kɛlɛ Éjipiti tɛrɛ la fɔɔ kyɔ, yé bé kɛlɛ Izraɛl tɛrɛla valé munu méléna. I tɔ kɛlɛ blɛn bélé fɛan zo lé é ke kyɔ, a zo.

1 Korent munu 10:1

Bwenu, maa ’ka a va léé, ka vo ka tanyila we ’konu ma lo; ko tranu faa vo lati wuo; wo faa gié wɛyi méléna.

Ébrunu 11:29

Blipale nya lé wo gié Wɛyi Sɔɔn méléna bélé tɛrɛ gale la zo, naa, Éjipitinu a a va léé, ’wo ’é a kinié, yé é wo mini.

Wegɔɔnle 18:21

Gɔlɛ blɛn lé é ke bélé fɛzɔngɔlɛ zo, lanje plɛplɛ do a si yé é a vuli wɛyi va yé é léé: ’Ko zo lé wo dan fla blɛn Babilɔn vuli lɛ plɛplɛ yé wo ’ka dan a ye lɛ é dɛrɛ lo.