Néémi 9:1 - Kazambale lé Sebe Sauunu 1979

¹ ’Bɛ moné duo nya, a yi yɔ do wɔlɛ ziɛnzan nya, Izraɛlnu zén ékeva, ’té bɔlɔ a é zénle wo ta sɔ nya, ’té vun a é zénle wo ta, wolé lɔrɔ sɔnle we ma.

Néémi 9:1 ပူးပေါင်းရင်းမြစ်များ

2 Samuɛl 1:2

A yi yaazan nya gɔné do si Saul lé sɔkɔn dɔna, ’té sɔ fiale a a ta, ’té tɛrɛ a a nwiin. É bɔ David va tɔɔn é dia tɛrɛ va yé é ’wuo wɔra a gane wuo.

2 Minwiinmunu lé Wezuofe Sɛbɛ 20:3

Jozafat kana, yé é ’é ma’lɛrɛ Gakelebale naginile we ma, yé é zana dɔɔ léé, Juda munu faa ’é lɔrɔ sɔn.

2 Minwiinmunu lé Wezuofe Sɛbɛ 7:10

A moné sɔrafié lé yi yɔ do wɔlɛ yaazan nya, Salomɔn munu pa zia léé, ’wo go ’wolé kɔn ’léé. Wo go gi nanale valé bli drɔɔ nya, wezin lé Gakelebale a kɛlɛ David koo, Salomɔn koo, alé munu Izraɛl koo, wo lɛ, alé we ma.

Ezidras 8:21

Aava yuu sɔnɔ bɛ, an mibo kɛlɛ kiéné lɔrɔsɔnle zana dɔɔ kolé Bale ’lɛ, léé, ko zanté vɔ a lɛ léé, ’é bɛ zin pa ko ta kolé tawole gi, ko koo, kolé nénu koo, fɛnu faa lé wo ke ko lee koo, ko ta.

Ezidras 8:23

Bɛwemalé ko lɔrɔ sɔn yé ko kolé Bale tɔ laa. Yé é ko dére ’ma.

Néémi 8:2

Yé Balebanzan Ezidras da bélidɔwe sɛbɛ nya zén‐ékeva munu ’lɛ, gɔnénu koo, lomu koo, munu faa lé wa gi maan koo, wo ’lɛ. É a moné sɔrafiézan lé yi vininzan nya.

Esitɛɛ 4:16

’I go, Juifinu faa lé wo ke Suz, ’i wo zén ékema, yé ’ka lɔrɔ sɔn wo nya anlé we ma. Té ka fɛ ble lo, té ka fɛ mini lo, é béli valé é yiéyi fɔɔ yi yaa. Maa é ziin, maa valé an wuolomu é dan lɔrɔ sɔn lɛ a zo. ’Bɛ zuo, dé bélidɔwe aoo, dé é ’ka looo, an dan wɔra lɛ minwiinzan blɛn va. Dé an gaan‐oo, ’té an gaan é wo.

Esitɛɛ 4:3

Bɛntɛrɛ faa lé minwiinzan blɛn déretawe valé alé bélidɔwe bɔ ana, ana Juifinu faa vo bli kyɛdɔle blɛn gi. Woo lɔrɔ sɔn‐o, woo wuvɔa, ’té woo dunnuan, yé wo va mi kiɛre éé yiaan bɔlɔ la, é valé kyɛyee gi.

JOB (Job) 2:12

Dé wa baa yé wa ye yé wo ’ka a dɔɔ lɛ yee nya lo, yé wo siaa wuvɔle nya. Wo ’wolé sɔnu fia, yé wo vun zén ’wo nwiin.

Ézai 22:12

Mizan, lai sunyanu lé Gakelebale é dan ka laa lɛ ’bɛ yi la, léé, ’ka wuvɔ, ’ka gɔlɛ gyɛ, ’ka nwin bo, ’ka bɔlɔ zén ka ta.

Joɛl 2:12

Gakelebale léma: Sin, ’Ka da an va ka bli faa nya é ziin, Lɔrɔsɔnlenu koo, wuvɔlenu koo, siaalenu koo, wo nya.

Lévinu 23:34

Bé fe Izraɛl lé nénu lɛ léma: Moné sɔrafiézan ’ko lé yi vu ta soruzan nya, é dan kɛlɛ lɛ fɛti lé wa kɛla faa wuo, a nya, Gakelebale tɔ bɔle we gi, yi sɔrafié.

Lévinu 23:39

Moné sɔrafiézan lé yi vu ta soruzan nya, dé ka kalé féifɛnu gyɛ, ka dan fɛti kɛlɛ lɛ Gakelebale lɛ yi sɔrafié; a yi vininzan a flinyi nya, yé a yi sɔraazan a flinyi nya.

Jozué 7:6

Jozué élé sɔ fia, yé é dia é bli la Gakelebale lé gipakɛsu ’lɛ, yé é yiri vɔ ana, yee valé Izraɛl mi segelenu nya, yé wo vun zén ’wo nwiin.

Wegɔɔnle 11:3

Maa dan balelawe fele se kɛlɛ lɛ anlé wenayezannu fié lɛ ’yi wuru suiɛdo yi yɔ yaa, ’té bɔlɔ a wo ta sɔ nya.

Weblezannu 20:26

Izraɛl munu faa nwa yé wo go Bétɛl; wo wuvɔ yé wo vo mi Gakelebale ’lɛ; wo yiri vɔ lɔrɔsɔnle nya, yé wo Gakelebale ban, wi lé wa kyɛ blé, a nya, yé wo bɔvɔ sarakanu bo a lɛ.

1 Samuɛl 4:12

A yi duo nya, Bɛnjamɛn mi do si guli bwi la vlan nya yé é da Silo, ’té alé sɔ a é fiale, ’té tɛrɛ a é zénle a nwiin.

1 Samuɛl 7:6

Wo ’yi tɔ yé wa zana Gakelebale ’lɛ yé wo lɔrɔ sɔn yi ’ko nya a fele nya léé: Ko wenyané kɛlɛ Gakelebale ma. Samuɛl Izraɛl lé nénu lé wenu ble Misipa.