Néémi 8:9 - Kazambale lé Sebe Sauunu 1979

⁹ Gbɔrɔnama Néémi koo, Ezidras lé ke Balebanzan valé sɛbɛgifezan nya, yee koo, Lévinu lé wo we paa munu gi koo, wo lé munu faa lɛ léé: Yi ’ko a Gakelebale, kalé Bale lé yi nyané nya; té ka kle pa kabo ta lo, té ka wuvɔ lo. Naa, munu faa lé wo bélidɔwe dérenu ’ko ’ma, wo wuvɔ.

Néémi 8:9 ပူးပေါင်းရင်းမြစ်များ

2 Minwiinzannu 22:11

Minwiinzan bélidɔwe sɛbɛ gi dérenu ’ma aan wo, élé sɔnu fia.

2 Minwiinzannu 22:19

Guru zana a gi dére valé bale pa mi ma dére lé maa fe tɛrɛ ’ko valé a tamunu ma, bé ’ma aan wo, i bli kyɛ dɔ yé ibo kɛlɛ kiéné Gakelebale ’lɛ, ilé sɔnu fia yé i wuvɔ an ’lɛ, bɛwemalé maa é ziin, maa ’ma; yee lé Gakelebale a fe.

2 Minwiinmunu lé Wezuofe Sɛbɛ 15:3

Lɛɛ kiɛre wuo, Bale boen ’ka ’kaa Izraɛlnu lee lo, ’té Balebanzan lé éé we paan munu gi, é ’ka ana lo, ’té bélidɔwe ’ka ka lee lo.

2 Minwiinmunu lé Wezuofe Sɛbɛ 30:22

Ézékia fuu dɔ Lévinu faa ta é dérenu nya. Wo ’wuo a wo ta Gakelebale va nyanama pale we ma. Wo sarakabowinu ble yi sɔrafié wuo, ’té woo bɔvɔ sarakanu boo, ’té woo Gakelebale wo tranu lé Bale tɔ bɔa.

2 Minwiinmunu lé Wezuofe Sɛbɛ 34:19

Minwiinzan blɛn bélidɔwe sɛbɛ gi dérenu ’ma aan wo, é ’élé sɔnu fia.

2 Minwiinmunu lé Wezuofe Sɛbɛ 34:21

’Ka go, sɛbɛ lé wa ye, ’ka a gi dére ta we laa Gakelebale lee, maa valé munu lé wo vo Izraɛl valé Juda tɛrɛ la, kolé we ma. Naa, ko tranu ’ka Gakelebale dérenu lɛdɔ lɛ a ma monomono lo, yé we faa lé wa gyɛ sɛbɛ ’ko gi, wo ’ka a ta tawo lɛ monomono lo, amalé Gakelebale bli a flina ko ma é baba.

2 Minwiinmunu lé Wezuofe Sɛbɛ 35:3

Lévinu lé woo we paan Izraɛl munu gi, ’té wa é pale é yɛrama Gakelebale zé nya bɛ, é lé wo lɛ léé: Kɔn lé Izraɛl nwiinzan blɛn David be Salomɔn a dɔ bɛ, ’ka gipawe kɛsu sauun dɔra a gi. É ’ka lé ka a sia ka bɛapa la é dɛrɛ lo. Sin, ’ka Gakelebale kalé Bale mawe kɛlɛ, yee valé alé munu Izraɛl nya.

Ezidras 2:63

yé wo nwiinzan segele lé wo lɛ léé, té ’wo Bale ’lɛfɛ plɛplɛ ble lo fɔɔ yé Balebanzan do é we laa urim valé tumim lee.

Ezidras 7:11

Minwiinzan blɛn Aatazɛɛsɛ sɛbɛ nɔ Ezidras lɛ; é a Balebanzan valé sɛbɛgifezan nya, ’té éé Gakelebale lé bélidɔwe valé a sɔnnénu paan Izraɛlnu gi. A sɛbɛ gi lé ke ’ko:

Néémi 10:1

Munu lé wo ’wolé tɔmase kɛlɛ zɔrɔkaanyɔɔ ta, wo tɔ lé ke ’ko: Gbɔrɔnama Akalia be Néémi.

Néémi 12:26

Wana Josadak be Jozué bé Jojakim bléyi va, yee valé gbɔrɔnama Néémi valé Balebanzan Ezidras lé é ke é ziin sɛbɛ gifezan nya, wo bléyi va.

Néémi 7:65

yé gbɔrɔnama lé wo lɛ léé, té ’wo Bale ’lɛfɛ plɛplɛ ble lo fɔɔ yé Balebanzan do é we laa urim valé tumim lee.

Néémi 7:70

Guniwuonu va mi kiɛre blɛ kɛlɛ nyanama lé we ma. Gbɔrɔnama ézé zén gɔɔlipaikɛsu gi kyan dariki wuru soru koo, ’yiminikana yɔ fié wɔlɛ vu koo, balebanvarɔ wuru fié yɔ suiɛdo wɔlɛ vu koo, woo lé.

Néémi 8:2

Yé Balebanzan Ezidras da bélidɔwe sɛbɛ nya zén‐ékeva munu ’lɛ, gɔnénu koo, lomu koo, munu faa lé wa gi maan koo, wo ’lɛ. É a moné sɔrafiézan lé yi vininzan nya.

Bale Lé We Gifezan 3:4

wuvɔbléyi a, yé yérisibléyi a; gyɛ wuvɔbléyi a, yé nɛnɛbobléyi a;

Ézai 61:3

Yé an kyankoro nɔ Siɔn lé nyanéblemunu lɛ kyɛyee pa gi, Yé maa ginanale nɔ gyɛbole pa gi, Yé maa Bale tɔzinfele nɔ wo lɛ bélé varɔ zo, fuu sile wo ta pa gi, Amalé wo dan wo laa lɛ wetegele lé térébɛnt yili lé Gakelebale a féi pa, é tɔ bɔle we ma.

OZÉ (Osée) 4:6

Anlé munu ’ka we dɔɔa lo, amalé wo sɛrɛ; ka sɔn vɔ wedɔɔle ma, amalé maa dan sɔn vɔ lɛ ka ma, yé maa dan balebannyanama si lɛ ka lee; i gi san ilé Bale lé bélidɔwepun ma, amalé an gi é dan san lɛ kalé nénu ma.

Lévinu 23:24

Bé fe Izraɛl lé nénu lɛ léma: Moné sɔrafiézan lé yi vininzan nya, ka dan flinyi zana dɔɔ lɛ bélinu fɛnli nya, yé ka dan zénle ékeva plɛplɛ kɛlɛ lɛ.

Malasi 2:13

We do lé ka kɛla é ziin, yee lé ke ’ko: ka yuɛyi éé zén‐é balebanna ta, ’té ka wuvɔa, ’té ka dunnuan; Gakelebale ’ka é ban‐ɛn blé lo, yé fɛ lé ka nɔ a lɛ é ’ka a si lɛ lo, amalé ka wuvɔa.

Rom munu 3:20

Naa, mi do kpen ’ka dan kɛlɛ lɛ tegele a yuɛ gi bélidɔwe kɛlɛwenu nya lo, naa, bélidɔwe éé mi bɔn‐in kinié léé, ’é a wenyanékɛlɛzan nya.

Rom munu 7:9

É vinin, dé maa ’ka bélidɔwe la lo, ’té maa a é yuɛma; naa, bélidɔwe da aan wo, é a bélé fɛan zo lé wenyané vuo, yé an ga, a zo.

Bélidɔwesɛbɛ Fiézan 12:12

’Bɛna lé ka koo, ka benu valé ka lunu koo, ka wuogɔnénu valé ka wuolomu koo, ka gi é dan nana lɛ Gakelebale, kalé Bale ’lɛ; dé Lévimi a ka va, yee koo é ziin, naa, azé fɛ do ’ka ka va lo, yé ka valé wonu lé tɔnɔ ’ka ékeva lo, ’bɛzama.

Bélidɔwesɛbɛ Fiézan 12:7

Ka koo, kalé munu koo, ka dan fɛ ble lɛ Gakelebale ’lɛ yee ɛ na, yé ka gi é dan nana lɛ fɛ zinnu faa lé Gakelebale, kalé Bale ka drɔɔ vo wo nya, wo ma.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 26:14

Bléyian va lé maa a gyɛ bona, maa ’ka fɛ ’ko do kpen ble lɛ lo; bléyian va lé maa ’ka tegele lo maa ’ka an bɛ mane lɛ wo ma lo; maa ’ka a do kpen kɛlɛ lɛ gyɛbofɛ nya lo; maa Gakelebale, anlé Bale dére ’ma, yé we faa lé bé fe an lɛ, maa we kɛlɛ ’bɛ yɛrama.

SEBE LÉ JAK A GYE (Épitre de Jacques) 4:9

É a lé ka gi dɔɔ léé, ka a nyanaizénlazannu nya. ’Ka wuvɔ yé ka yuɛyi ’é so. ’Ka kalé yérisile tavɔɔ gyɛbole nya, yé ka ginanale ’é kɛlɛ gi kyɛ nya ma.