Néémi 8:3 - Kazambale lé Sebe Sauunu 1979

³ Ezidras sɛbɛ tafele péli sia bladi, yé é vo a tafena fɔɔ yé yiéyi pa. ’Té gɔnénu koo, lomu koo, munu faa lé wa gi maan koo, wa é zénle ékeva flagɔrɔ ’léé lé wa laama ’yinu, ana. Munu faa vo ’wo tɔné dɔna flee bélidɔwe sɛbɛ ta fe dére lɛ.

Néémi 8:3 ပူးပေါင်းရင်းမြစ်များ

Néémi 10:29

wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

Néémi 13:1

’Bɛ bléyi ’ko va, wo Moizi lé sɛbɛ ta fe munu faa yuɛ va, yé wa ye a gi léé, té Amɔnnu valé Moabnu ’é zén ékeva Bale lé munu nya monomono lo.

Néémi 8:1

Yé munu faa zén ékeva do flagɔrɔ ’léé lé wa laama ’yinu, ana. Wo lé sɛbɛgifezan Ezidras lɛ léé: ’I da Moizi lé bélidɔsɛbɛ lé Gakelebale a nɔ Izraɛlnu lɛ, a nya.

Néémi 8:18

Woo Bale lé bélidɔwe sɛbɛ ta fé yi faa do do ma, é sia a yi vininzan ma fɔɔ yé é bɔ a yi nyaala nya. Wo yee fɛti kɛlɛ yi sɔrafié; a yi sɔraazan nya wo zénle ékeva plɛplɛ kɛlɛ. Bale wo béli dɔ fɛan zo, a zo.

Néémi 8:4

Sɛbɛgifezan Ezidras dɔ kpala lé wa ma’lɛrɛ bléyi ’ko zé nya, a ta loru. Yé Matitia koo, Séma koo, Anaja koo, Uri koo, Ilkija koo, Maaséja koo, wa é dɔle a bɛyilazia. Yé Pédaja koo, Misaɛl koo, Malkija koo, Aasum koo, Asabadana koo, Zakari koo, Mésulam koo, wa é dɔle a bɛbolazia.

Néémi 8:5

Ezidras sɛbɛ lɛ so munu faa yuɛ va, ’té é a é dɔle loru bɛ, ’té munu faa a é dɔle.

Maak 12:37

David bozen Krist laa ’ézan, ’naan, é kɛlɛ kaa yé Krist kɛlɛ David be nyaa? Yé mi kiɛre ’wo tɔné dɔ a lɛ gi nanale nya.

WENÉNÉ LÉ LUK A GYE (Évangile selon Luc) 19:48

naa, a dére do kpen ’ka gié lɛ munu tɔné la lo, amalé wo ’ka zi ye lɛ, wa kun lo.

WENÉNÉ LÉ LUK A GYE (Évangile selon Luc) 8:18

Bɛwemalé ’ka yuɛ pa kalé wemabɛ va; wo dan fɛ nɔ lɛ mi lé fɛ ke a lee, a lɛ, naa, mi lé azé ’ka lo, fɛ lé é dɔ a gi léé, é a ézé nya, wo dan ’bɛ si lɛ a lee é ziin.

Kelewenu 13:15

Bélidɔwe valé balelayemunu lé sɛbɛ tafele zuo, bazorokɔnzannu mi nwunvɔ wo lɛ a fele wo lɛ we gi léé: Ko bwenu, dé é sɔ ka lɛ léé, ka we pla munu lɛ, ’ka fe ma.

Kelewenu 13:27

Naa, Jérusalɛm munu valé wo nwiinmunu wo ’ka Jézu dɔɔ lɛ lo. Balelayemunu dére lé, wa ta fé flinyi faa nya, wo ’ka ’bɛ gi ’ma lɛ lo yé wo yee sɛbɛgiwe lɛ sɔɔ we dɔle Jézu nwiin nya.

Kelewenu 15:21

É sia ka tranu bléyi va, fla do do faa la mi kenu éé Moizi lé we fé munu lɛ, yé woo alé sɛbɛ ta fé yifaama flinyi nya bazorokɔnnu gi.

Kelewenu 16:14

Le do ana bɛ, wa laama Lidi, é a tɔmunu lé sɔdanzan nya yé é si Tiatii. Le ’ko éé kanaan Kazambale lee, yé é tɔné dɔ ko lɛ. Mizambale a bli lɛ so, we lé Pɔl a fe, a ’male we gi.

Kelewenu 17:11

Juifinu ’ko, ’bɛnu bli a é zima é mini Tɛsalɔnik munu zé ta. ’Bɛnu dére ’ko nyi si é kele yé ’bɛnu vo Bale lé sɛbɛ gi ginina yi do do ma, we lé wa fena ’wo lɛ, dé weboen léé? yé wa ye.

Kelewenu 20:11

Yé é go taasi nwiin é pa gi yé é Taboyi lé buru bɔi yé é a ble, yé é mɔn we fena é ziin, fɔɔ yé tu kini. ’Bɛ zuo yé é go.

Kelewenu 20:7

Flɛyi yi vinin nya, ko zén ékeva Taboyi lé buru blele we ma. Pɔl léé, dé tu kini é dan go lɛ yé é vo we fena zuomunu lɛ, yé é mɔn élé we fena fɔɔ yé tu la pa.

Kelewenu 28:23

Wo yi do dɔ yé mi kiɛre da a va a nyanakɔn gi. Pɔl Kazambale plale mi nwiin lé we fe wo lɛ. Yé é Jézu lé we gɔɔn wo lɛ Moizi lé bélidɔwe valé balelayemunu lé sɛbɛ gi, kwa kulile nya wo ma. Wa wefele pélisia bladi fɔɔ yé nyanadi pa.

Bélidɔwesɛbɛ Fiézan 31:9

Moizi bélidɔwe ’ko gyɛ, yé é a nɔ Balebanmunu, Lévi benu lé woo Gakelebale lé gipawe pagikɛsu kɔné sié, wo lɛ, wo valé Izraɛl mi segelenu faa lɛ.

1 Tɛsalɔnik munu 2:13

Kazambale dére lé ko a fe ka lɛ bɛ, ka ’ka a ye lɛ munu dére nya lo; ka a ye Kazambale dére ɛ nya. Yee ɛ ke a nya webozen nya. Yé éé nyanama paan ka lé ka bli vo a lɛ, ka gi. Amalé ko a Kazambale bɔ vɔna yifaama.

Jozué 8:35

Dére faa lé Moizi a gyɛ bélidɔwe nya, Jozué a faa ta fe Izraɛlnu faa zénle ékeva lɛ, lomu valé nénu koo, bɛnnu lé wo ke tawona wo va koo, wo lɛ; é ’ka dére do kpen vo lɛ lo.

Wegɔɔnle 2:29

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.

Wegɔɔnle 3:22

Mian we ’ma tɔné ke a ’wuo ma, we lé Kazambale Léli ke a fena léglizinu lɛ, ’é a ’ma ma.