Néémi 8:12 - Kazambale lé Sebe Sauunu 1979

¹² Yé munu faa go fɛblele valé fɛminile we ma, ’té woo fɛ paan zia é baba, yé wo gi nana. Naa, dérenu lé wo wo gi fe wo lɛ, wo wo ’ma, azama.

Néémi 8:12 ပူးပေါင်းရင်းမြစ်များ

Minwiinzannu lé Wezuofe Sɛbɛ 29:22

’Bɛ yi la wo fɛ ble yé wo fɛ mini Gakelebale ’lɛ gi nanale blɛn nya; wo David be Salomɔn dɔ ’wo nwiinzan blɛn nya a gɔnɔ fiézan nya, yé wo nyɔnɔ zén a nwiin Gakelebale ’lɛ a kɛlɛle minwiinzan nya we ma, yé wo nyɔnɔ zén Sadɔk nwiin léé, ’é kɛlɛ Balebanzan nya.

Néémi 8:10

Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Néémi 8:11

Lévinu munu tɔrɔ paa a fele nya léé: ’Ka tadɔ, naa, yi ’ko a yi nyané nya, té ka kle pa kabo ta lo.

Néémi 8:13

A yi fiézan nya, guniwuonu faa koo, Balebanzannu valé Lévinu koo, wo zén ékeva sɛbɛgifezan Ezidras va, bélidɔwe gi fele yé wa ’ma we ma.

Esitɛɛ 9:22

Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

JOB (Job) 23:12

We lé é an béli dɔ a nya, an ’ka sɔn vɔ lɛ a kɛlɛle ma lo; Dé wean si a ’léé, maa ’bɛ kɛla anlé blibɔmawe nya.

Lɛrɛvɔ Sɛbɛ 119:111

Ilé weplalenu a yifaama anlé tɔnɔ nya, Naa, wa an bli gi ginanawe nya.

Lɛrɛvɔ Sɛbɛ 119:127

Bɛwemalé ilé bélidɔwenu sɔ an lɛ, É mini kyan lɛ; é mini kyan tegele lɛ.

Lɛrɛvɔ Sɛbɛ 119:130

I dére gi ’male éé mi va kinié. Munuan wo gi ’ka é kinile tegele lo, éé wo gi kinié.

Lɛrɛvɔ Sɛbɛ 119:14

An gi éé nanaan tawole ilé weplale yɛrama we gi, Bélé fɛan zo lé fɛwezannu faa ke an lee, a zo.

Lɛrɛvɔ Sɛbɛ 119:16

I déretawenu an gi nanaan é baba, An gi ’ka saan i dére ma lilo.

Lɛrɛvɔ Sɛbɛ 119:171

’Maa i tɔ zin fele sɔɔla an lɔlu nya ma, Naa, i i déretawenu paan an gi.

Lɛrɛvɔ Sɛbɛ 119:174

Oo Gakelebale, an bli éé bɔa ilé mi sile we gi ma, Yé ilé bélidɔwe a an ginanawe nya.

Lɛrɛvɔ Sɛbɛ 119:72

I ’léé bélidɔwenu a é zima anzé nya, É gié kyanfɛnu valé gɔɔlifufɛnu wuru soru ta.

Lɛrɛvɔ Sɛbɛ 119:97

Ilé bélidɔwe sɔ an lɛ é baba. An bɔn‐in bɔrɔan ’bɛ ma bladi nyanadi.

Jérémi 15:16

Maa i dérenu ye yé maa wo ble; i dérenu a an bli gi néné yé woo an gi nanaan; naa, Gakelebale, lai sunyanu lé Bale, wo i tɔ laan an ta.

WENÉNÉ LÉ LUK A GYE (Évangile selon Luc) 24:32

Wo lé ’wo ke lɛ léé: Bléyian va lé é ke wefena ko lɛ zia, ’té éé sɛbɛnu giwenu fé, gi nanale ’ka da lɛ ko bli gi loo?

Rom munu 7:18

Maa a gi dɔɔ léé, wezin do kpen ’ka an gi lo, ’bɛ gi léé, an dɔbɛ kyɛn gi lo; an bli bɔ wezin kɛlɛle ma, naa, a kɛlɛ plɛplɛ ’ka an lee lo.

Wegɔɔnle 11:10

Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.