Néémi 8:10 - Kazambale lé Sebe Sauunu 1979

¹⁰ Yé wo lé wo lɛ léé: ’Ka go, ’ka wi nyɔnɔzannu ble yé ’ka dɔrɔ néné mini; yé munu lé wo ’ka fɛ do kpen kɛlɛ lɛ ’wozé nya lo, ’ka wozé pa zia, naa, yi ’ko a Kozan lé yi nyané nya; té ka kle pa kabo ta lo, naa, Gakelebale lé ginanale ɛ ke kalé plɛplɛ nya.

Néémi 8:10 ပူးပေါင်းရင်းမြစ်များ

1 Minwiinzannu 8:66

A yi sɔraazan nya Salomɔn munu pa zia. Wo minwiinzan blɛn drɔɔ vo yé wo faa go ’wolé kɔn ’léé ’wo gi nanale valé ’wo bli drɔɔ nya, wezin faa lé Gakelebale a kɛlɛ é wuozan David valé élé munu Izraɛl lɛ, a we ma.

Minwiinzannu lé Wezuofe Sɛbɛ 16:27

Zevɔfɛ blɛnblɛnnu a kolé Bale blɛɛn ’lɛ, Plɛplɛ valé ginanale a a nyanana.

Néémi 8:11

Lévinu munu tɔrɔ paa a fele nya léé: ’Ka tadɔ, naa, yi ’ko a yi nyané nya, té ka kle pa kabo ta lo.

Néémi 8:12

Yé munu faa go fɛblele valé fɛminile we ma, ’té woo fɛ paan zia é baba, yé wo gi nana. Naa, dérenu lé wo wo gi fe wo lɛ, wo wo ’ma, azama.

Esitɛɛ 9:19

Bɛwemalé Juifinu lé wo ke féi béi la, ’té gɔrɔ ’ka wolé flanu zi bɛ lo, woo fɛti kɛla, ’té woo fɛ blé, ’té wo gi éé nanaan, ’té woo fɛ no ’wo ke lɛ Adaa moné yi vu ta ziɛnzan nya.

Esitɛɛ 9:22

Yi ’konu nya lé wo vo wobo ma wobozen sile nya ’wo nyanézannu lee. Yé yee moné lé wolé bli kyɛdɔle nɔla ginanale nya yé di kinile wo gi nɔla wolé fɛti kɛlɛle nya bɛ, a sele ’é dɔ wo gi, yé wo yee yi ’konu kɛlɛ fɛti valé ginanayinu nya, ’té woo blɛ kɛla ’wo ke lɛ, yé munu lé we do ’ka wo lee lo, ’té woo fɛ no ’bɛnu lɛ ’bɛ yi nya.

Lɛrɛvɔ Sɛbɛ 149:2

Izraɛl munu gi ’é nana ’wo kɛlɛzan lé we ma ma. Siɔn munu gi ’é nana ’wo nwiinzan lé we ma fɔɔ té a glɛ é dɔ lo.

Lɛrɛvɔ Sɛbɛ 89:17

Wo gi éé nanaan bléyi faa ma i tɔ lé we ma, Yé wobo tɔ bɔa ilé we tegele gi,

Wegɔnévɔlenu 17:22

Ginanabli a lia zima nya, naa, nyanéblébli éé mi wɔlɛ gaan é gi.

Bale Lé We Gifezan 11:2

’bé ke nɔ mi sɔrafié lɛ, mi sɔraa boen‐oo, ’bé nɔ wo lɛ, naa, dé wenaané kyɛn ɛ dan bɔ lɛ tɛrɛ laa? i ’ka a gi dɔɔa lo.

Bale Lé We Gifezan 2:24

We lé ke é zin blami zé nya, yee lé ke léé, ’é fɛ ble, ’é fɛ mini, a gi ’é nana fɛ zinnu ma alé nyanamapa bléyi va; maa ye léé, ’bɛ é ziin, ’bɛ éé sié Kazambale va.

Bale Lé We Gifezan 3:13

naa, dé mi do éé fɛ blé, ’té éé fɛ minia, ’té a gi éé nanaan élé nyanama pa bléyi va, zin lé éé a yé wo ma, ’bɛ a Bale lé blɛ nya.

Bale Lé We Gifezan 5:18

Naa, dé Kazambale fuafɛnu valé fɛ zinnu nɔ mi do lɛ, dé é a se kɛlɛ a lɛ léé, ’é a ble, ’ézé si a va, yé a gi ’é nana élé nyanama mafɛ ma, ’té Bale blɛ kɛlɛ a lɛ é wo.

Bale Lé We Gifezan 9:7

’I go, ’ilé fɛ ble ginanale nya, ’ilé nwɛ mini ginanale nya; naa, Kazambale i kɛlɛwe nyi si é kyɛn.

Wegɔné Ma Lɛrɛ 5:1

An buru, an bwɛ, an wɔra anlé féi, An mirélia valé bla ginzannu so, Maa anlé zɔrɔnyɔnɔ valé a yoduo ble, Maa anlé dɔrɔ valé nɔnɔ mini. — An béénu, ’ka ble, ’ka mini, sɔlɛle ’é ka gyɛ bélé nwɛ zo.

Ézai 49:5

Sin, Gakelebale a wefena, Yee lé é an ma’lɛrɛ an yaabléyi va an kɛlɛle ’é wuozan nya we ma Léé, maa da Jakɔb nya ’é va é pa gi, Izraɛlnu lé wo ke é kinile ékema, an da wo nya ’é va é pa gi; Naa, an tɔ a é bɔle Gakelebale yuɛ gi, Yé anlé Bale a anlé plɛplɛ nya.

Ézai 61:10

An gi é dan nana lɛ Gakelebale gi, An boen ginanale anlé Bale gi é dan an gi san lɛ an ma; Naa, é sile we gi zén an ta varɔ nya, É vole éboma zén an ta sɔ nya Bélé lesizan éé kyan zén‐é ’é ta fɛan zo, a zo, Bélé bosizan éé ’lɛrɛfɛ zén‐é ’é ta fɛan zo, a zo.

Joɛl 2:23

Yé ’kaa Siɔn munu, yéri ’é pa ka lɔ ma, yé ka gi ’é nana Gakelebale, kalé Bale lé we ma ma, Naa, é dan lɛɛ da lɛ ka lɛ lɛɛ dabléyi va, Yé é dan lɛɛ vininzan valé lɛɛ voélazan da lɛ lɛɛ dabléyi va, Éé a kɛla é vinin fɛan zo, a zo.

Zakari 14:21

Jérusalɛm valé Juda tɛrɛ faa la, lɛedaa faa é dan kɛlɛ lɛ lai sunyanu lé Gakelebale zé nya. Munu faa lé wo da Bale ban lɛ, wa sié yé wo winu dɔne wo gi. Yé yaawomunu ’ka dan kɛlɛ lɛ lai sunyanu lé Gakelebale lé kɔn gi é dɛrɛ lo. A zo lé é dan kɛlɛ lɛ ’bɛ yi la.

WENÉNÉ LÉ LUK A GYE (Évangile selon Luc) 11:41

Fɛ lé é ke kana gi, ’ka blɛ kɛlɛ nyanégyɛmunu lɛ a nya yé fɛnu faa gi é dan bɔ lɛ ka lɛ.

2 Korɛnt Munu 8:2

Nyanénu lé wa ble, é wo gi dan é baba; naa, duowo, wo gi nana yé é gié é glɛ la, ’té woo blɛ kɛla mi kiɛre lɛ dɔlé ’té nyané wobozen gyɛ.

Filip munu 3:4

Naa, maa é ziin, é a kɔɔn léé, an bli vo mikɛlɛwe lɛ duowo. Dé mi bɛ bli a mikɛlɛwe lɛoo, anzé mini ’bɛzan zé ta;

Wegɔɔnle 11:10

Wolé we ma lé tɛrɛlamunu é dan zana gyɛ lɛ yé wo gi é dan nana lɛ; yé wo dan blannu pa lɛ ’wo ke lɛ zia; balelayezan fié ’ko, wo nyané pa tɛrɛlamunu ta, azama.

1 Samuɛl 25:8

Bé laa i wuozannu lee yé wo dan a fe lɛ i lɛ. Ko da ginanayi nya amalé pɛniɛnu ’ko, ’wo i yuɛi bɔ ma. Amalé, ilé zanté, fɛ lé ke i lee, bé nɔ i wuozannu valé i be David lɛ ma.