Néémi 8:1 - Kazambale lé Sebe Sauunu 1979

¹ Yé munu faa zén ékeva do flagɔrɔ ’léé lé wa laama ’yinu, ana. Wo lé sɛbɛgifezan Ezidras lɛ léé: ’I da Moizi lé bélidɔsɛbɛ lé Gakelebale a nɔ Izraɛlnu lɛ, a nya.

Néémi 8:1 ပူးပေါင်းရင်းမြစ်များ

2 Minwiinzannu 23:2

’Bɛ zuo, yee koo, Juda munu faa koo, Jérusalɛm munu faa koo, Balebanzannu koo, balelayezannu koo, munu faa lé, é sia wo faa kiénézan ma yé é bɔ wo faa segelezan ma, wo koo, wo faa go Gakelebale lé kɔn ’léé. Gipawe lé sɛbɛ lé wa ye Gakelebale lé kɔn gi, é a dére faa ta fe wo tɔné gi.

2 Minwiinmunu lé Wezuofe Sɛbɛ 34:15

Yé Ilkija lé sɛbɛgyɛzan Safan lɛ léé: Maa bélidɔwe sɛbɛ ye Gakelebale lé kɔn gi. Yé Ilkija sɛbɛ ’ko nɔ Safan lɛ.

2 Minwiinmunu lé Wezuofe Sɛbɛ 34:30

’Bɛ zuo yee koo, Judamunu faa koo, Jérusalɛm munu koo, Balebanzannu valé Lévinu koo, munu faa, é sia wo segelezannu ma yé é bɔ wo kiénézannu ma, wo koo, wo faa go Gakelebale lé kɔn ’léé. Gipawe lé wa ye Gakelebale lé kɔn gi, é alé sɛbɛ gi dérenu faa ta fe wo lɛ.

Ezidras 7:1

We ’konu zuo, Pɛɛs nwiinzan blɛn Aatazɛɛsɛ plale mi nwiin bléyi va, Ezidras da. Balebanmunu ’lɛzan Arɔn be Éléazaa be Finé be Abisua be Buki be Uzi be Zéraja be Mérajɔt be Azaria be Amaria be Akitub be Sadɔk be Salum be Ilkija be Azaria be Séraja be lé Ezidras nya.

Ezidras 7:10

Naa, Ezidras Gakelebale lé bélidɔwe draan yé é a ta tawo é bli faa nya, yé é bélidɔwenu valé Bale déretawenu paa Izraɛlnu gi.

Ezidras 7:11

Minwiinzan blɛn Aatazɛɛsɛ sɛbɛ nɔ Ezidras lɛ; é a Balebanzan valé sɛbɛgifezan nya, ’té éé Gakelebale lé bélidɔwe valé a sɔnnénu paan Izraɛlnu gi. A sɛbɛ gi lé ke ’ko:

Ezidras 7:6

Ezidras ’ko si Babilɔn; é a sɛbɛgifezan do nya, yé bélidɔwe lé Izraɛl lé Bale, Gakelebale a nɔ Moizi lɛ, é a dɔɔ é zima. Gakelebale alé Bale bɛ a a ta, amalé fɛ faa lé é a ma laa, minwiinzan blɛn a nɔ a lɛ.

Néémi 12:26

Wana Josadak be Jozué bé Jojakim bléyi va, yee valé gbɔrɔnama Néémi valé Balebanzan Ezidras lé é ke é ziin sɛbɛ gifezan nya, wo bléyi va.

Néémi 12:37

Flagɔrɔ ’léé lé wa laama ’yibɔna, wo bɔ ’bɛna aan wo, fɛana lé gɔrɔ éé nwaan David lé fla nwiin, wo yara dɔ wo ’lɛ tegele, yé wo David lé fla lé sikalié gié fɔɔ yé wo bɔ flagɔrɔ ’léé lé wa laama ’yinu, ’té é ke yirinwanazia bɛ, ana.

Néémi 3:26

Sɔkɔn gi nyanamapamunu lé woo nyanaan gɔ nwiin, wozé bo fɔɔ yé wo bɔ flagɔrɔ ’léé lé wa laama ’yinu, a yara, yirinwanazia, é valé dɔtafɛ lé ke é nwale bɛ, a yara.

Néémi 8:16

Yé munu go yilibɛnu kini lɛ yé wo nyanawuofaanu kɛlɛ wo nya, wolé kɔnnu ta loru koo, wolé kɔn ’léénu koo, Bale lé kɔn gɔrɔ gi koo, flagɔrɔ ’léé lé wa laama ’yinu koo, flagɔrɔ ’léé lé wa laama Éfraim, ’bɛna koo, wona.

Néémi 8:3

Ezidras sɛbɛ tafele péli sia bladi, yé é vo a tafena fɔɔ yé yiéyi pa. ’Té gɔnénu koo, lomu koo, munu faa lé wa gi maan koo, wa é zénle ékeva flagɔrɔ ’léé lé wa laama ’yinu, ana. Munu faa vo ’wo tɔné dɔna flee bélidɔwe sɛbɛ ta fe dére lɛ.

Ézai 8:20

’Ka go bélidɔwe valé wenayedére va, dé ’bɛ ’ka a fe lɛ a zo lo, ’té munu ’ko va ’ka é kinile lo.

Lévinu 9:5

Fɛnu lé Moizi a fe, wo da wo nya zén‐ékevasɔkɔn ’lɛ; yé munu faa bié yé wo dɔ Gakelebale ’lɛ.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Matio 13:52

É lé wo lɛ léma: Bɛwemalé, sɛbɛ?-?gifezannu faa lé wo Kazambale plale mi nwiin lé we dɔɔ, wa bélé kɔnzan lé éé fɛ dɛrɛnu valé fɛ kwanu sié élé fɛwezannu va, a zo.

Matio 23:13

Sɛbɛgifemunu valé Farizimunu, bodrɔzannu, ka gale nyɔ. Ka Kazambale lé fla zi lɛ tan munu lee; kabozen, ka ’ka wɔrana lo, yé munu lé é sɔ ’bɛnu lɛ léé, ’wo wɔra, ka ’ka ’bɛnu wɔrale ana nyi sié lo.

Matio 23:2

Sɛbɛgifemunu valé Farizimunu a Moizi paizannu nya.

Matio 23:34

Bɛwemalé, balelayezannu koo, wedɔɔzannu koo, sɛbɛgifemunu koo, maa wo paan ka lɛ zia. Ka dan wo va mi kenu gyɛ lɛ, ka dan wo va mi kenu gyɛ lɛ yili la, ka dan a kenu bla lɛ plén nya kalé bazorokɔnnu gi, yé ka dan nyané pa lɛ wo ta yé wo ’ka dan flinna ye lɛ ka lee fla do kpen ta lo,

Bélidɔwesɛbɛ Fiézan 31:11

bléyian va lé Izraɛl faa éé dan Gakelebale, kalé Bale ’lɛ, fɛna do lé é a si a va, ana, ’bɛ bléyi va lé ka dan bélidɔwe ’ko ta fe lɛ Izraɛl faa lɛ, ’té wa maan.

Weblezannu 20:1

Izraɛl lé nénu faa bɔra, é sia Dan fɔɔ Bɛɛ‐Sééba, é valé Galaad tɛrɛ la, yé wo zén ékeva bélé mi do kpen zo Gakelebale ’lɛ, Misipa.

Weblezannu 20:8

Munu faa nwa bélé mi do zo, yé wo léé: Ko va mi do kpen ’ka dan go lɛ élé sɔkɔn ’léé lo, yé mi do kpen ’ka dan nɔla lɛ élé kɔn gi lo.