Néémi 7:2 - Kazambale lé Sebe Sauunu 1979

² Maa we fe an bwe Aanani valé Aanania lɛ. Aanania ’ko a Jérusalɛm lé kɔn plɛplɛ nwiinzan nya; é a yarapawelazan valé kanaan Bale leezan nya é mini mi kiɛre zé ta.

Néémi 7:2 ပူးပေါင်းရင်းမြစ်များ

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

2 Samuɛl 23:3

Izraɛl lé Bale we fe, Izraɛl lé gɔlɛ lé an lɛ léé: Mi lé éé plaan munu nwiin we tegele kɛlɛle nya na, Mi lé éé plaan munu nwiin kanale Bale lee nya na,

1 Minwiinzannu 18:12

A zuo, dé an si i va, Gakelebale léli é dan go lɛ i nya, dé fɛ kyɛnna léé? maa ’ka ’bɛna dɔɔa lo; yé dé an go a zuo fe lɛ Akab lɛ, yé é ’ka i ye lɛ lo, é dan an gyɛ lɛ. Dɔlé ’té i wuozan kanale Gakelebale lee pélisia é kénéné la bléyi va.

1 Minwiinzannu 18:3

Yé Akab élé kɔn nwiinzan Abudias laa. (Naa, Abudias éé kanaan Gakelebale lee é baba;

Néémi 1:2

yé an bwe do lé wa laama Aanani, é valé mi kenu si Juda yé wo bɔ an va. An we laa wo lee Juifinu lé wo si luu gi, ’té wo ke é yuɛma tan, ’wo valé Jérusalɛm lé we ma.

Néémi 10:23

Ozé, Aanania, Asub,

Néémi 13:13

An fɛtéékɔnnu tabinle bɛ pa Balebanzan Sélémia koo, sɛbɛgifezan Sadɔk koo, Lévi mi do Pédaja koo, wo lee; yé an Matania be Zakuu be Aanan pa wo va. Naa, wo wo ma we fe léé, wa yarapawelazannu nya, azama. Yé maa fɛnu gulile wo bwenu ma bɛ pa wo lee.

Néémi 2:8

Yé é ziin, ’é lɛtrɛ do nɔ an lɛ Azafa lé ke minwiinzan blɛn lé pɔrɔtabinzan nya bɛ, azé nya, léé, ’é yili tegelenu nɔ an lɛ kɔn plɛplɛ lé ke Bale lé kɔn sɔnɔ bɛ, alé duolinu kɛlɛle we ma, yee valé fla zi gɔrɔ koo, kɔn lé maa dan yii lɛ a gi koo, wozé nya. Anlé Bale bɛ zin a é pale an ta, amalé minwiinzan blɛn lɛtrɛnu ’ko nɔ an lɛ.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Néémi 7:3

Maa lé wo lɛ léé: É a lé yiri é si a ta plɛplɛ faa yé ka Jérusalɛm zi gɔrɔ lɛnu so, yé é a lé wa lɛ tan ka yuɛ va. Jérusalɛm munu é fla tabin ma, wo faa do do ’é dɔ ’wolé kɔn ’léé ma.

JOB (Job) 1:1

Mi do ana Usi tɛrɛ la, wa laama Job. Mi ’ko a tegele yé alé tawobɛ a é drɔle; éé kanaan Kazambale lee, yé éé nwun zi dɔa wenaané ta.

Lɛrɛvɔ Sɛbɛ 101:6

Maa dan an yuɛ pa lɛ yarapawelazannu ta, Wo nyanale an sɔnɔ we ma, Mian éé tawoo zi drɔle ta, yee ɛ dan kɛlɛ lɛ an wuozan nya.

Fwile 18:21

’I munu vabo, yé munu lé woo we kɛla ’wo zua, ’té woo kanaan Kazambale lee, ’té wa mi wéiinnu nya, ’té wo bli bɔle fɛ ma za paan, ’i wo si munu va; ’i wo dɔ munu wuru soru soru koo, mi yɔ soru soru koo, mi yɔ fié wɔlɛ vu vu koo, mi vu vu koo, wo nwiinzannu nya.

Daniɛl 6:4

Yé minwiinzannu valé minisinu a zi ginina léé, ’wo we dɔ Daniɛl nwiin, plale mi nwiin lé we ma. Naa, wo ’ka a kunmawe do kpen ye lɛ lo; wo ’ka gun do kpen ye lɛ a ma lo, naa, Daniɛl a yarapawelazan nya, azama. Dé é a saanwe nyaoo, dé é a wenaané nyaoo, wo ’ka a do kpen ye lɛ a ma lo.

Mi Nɔnɔle 12:7

An wuozan Moizi zé ’ka ’bɛ zo lo. É a yarapawelazan nya anlé we faa gi.

Matio 24:45

Mi leezan yarapawelazan gikinizan lé azan a pla élé kɔngimunu nwiin léé, ’é wolé fɛblele nɔ wo lɛ a nɔbléyi nya, de léé?

Matio 25:21

Azan lé a lɛ léé: An wuozan zima, yarapawelazan, ’bɛ a é zima. I kɛlɛ yarapawelazan nya we kiéné ’ko gi, amalé maa dan fɛ kiɛre bɛ pa lɛ i lee; ’i da, ’i nyana an va, yé ko gi ’é nana ékeva.

1 Korent munu 4:2

We lé é sɔ mi lɛ léé, é bɛgizan a kɛlɛ, yee lé ke léé, ’é yara pa we la.

2 Timoté 2:2

Yé we lé bé ’ma an ta wenayemunu kiɛre yuɛ va bɛ, ’bé bɛ pa yarapawelazannu lee, munu lé woo bɔa a paale lɛ mi bɛnu gi, wo lee.