Néémi 5:9 - Kazambale lé Sebe Sauunu 1979

⁹ Yé maa léé: We lé ka ke a kɛlɛna ’ko, é ’ka é zima lo. É ’ka lé ka tawo kanale nya kolé Bale lee loo? Dé ka kɛlɛ ’bɛ zo, bɛnnu lé ke ko nyanézannu nya, wo ’ka dan ko sɔnɔ lɛ loo?

Néémi 5:9 ပူးပေါင်းရင်းမြစ်များ

Wepélisiananu 20:11

Abraam a zi pa léé: Maa lé an bli gi léé, webozen lé, tɛrɛ ’ko la munu ’ka kanaan Bale lee lo, yé wo dan an gyɛ lɛ an na lé we ma.

Wepélisiananu 42:18

A yi yaazan nya, Jozɛfu lé wo lɛ léé: An kanaan Bale lee. ’Ka kɛlɛ ’ko zo yé ka vo é yuɛma.

2 Samuɛl 12:14

Naa, we ’ko kɛlɛle nya lé i zi nɔ Gakelebale nyanézannu lɛ léé, wo Gakelebale sɔnɔ, amalé négɔné lé wa yaa i lɛ, é dan ga lɛ.

Néémi 4:4

Kozé Bale, wa lɔlu plɛnna ko ma fɛan zo, ’i tɔné dɔ do. ’I wolé ko sɔnɔle dɔ wo nwiin ma, yé ’wo kɛlɛ luu nya tɛrɛ bɛ ta ma, yé ’bɛna munu ’é ’wii wo ta ma.

Néémi 5:10

Maa koo, an bwenu valé an wuozannu koo, ko é ziin, ko vɛɛn pa wo ma gɔɔli valé buru wɔlɛnu nya. Vɛɛn lé wa si ko va, kaa ’bɛ vo wo ma é pla ma.

Néémi 5:15

Munu lé wo wo dɔ gbɔrɔnamanu nya an ’lɛ é vinin, wo pla munu nwiin plɛplɛ; woo buru valé dɔrɔ sié wo lee; ’bɛ ta loru, woo gɔɔlifu sikla yɔ fié sié wo lee; wo wuozannu é ziin, wo yaa munu ta. An kanaan Bale lee, amalé an ’ka anzé kɛlɛ lɛ ’bɛ zo lo.

Lɛrɛvɔ Sɛbɛ 90:11

De ɛ ilé bliflile lé plɛplɛ dɔɔ? Yé de ɛ i bli tɔntɔn yé kanamawe nyaa?

Wegɔnévɔlenu 16:29

’Wiiéwelazan éé bɔluzan saan, yé éé goo a nya zi lé é ’ka é zima lo, a ta.

Wegɔnévɔlenu 17:26

Mi tegele gyɛle we nya ’ka é zima lo, yé lɛamamunu blale wo kɛlɛwe drɔle ma ’ka é zima lo é ziin.

Wegɔnévɔlenu 18:5

Dɔle mi naané zuo é leefɛ ma weblena, mi tegele gyɛle we nya we ma, é ’ka é zima lo.

Wegɔnévɔlenu 19:2

Wedɔɔle vurule mi ma ’ka é zima lo, yé mi lé éé zén‐é we va é kele éé saan.

Wegɔnévɔlenu 24:23

We lé wedɔɔmunu a fé é ziin, yee lo: dé i a weblena, é ’ka é zima léé, i we ble mi dɔbɛ ma lo.

Ézékiɛl 36:20

Bɛntɛrɛnu lé wo go wona, wo an tɔ sauun sɛrɛ ’bɛna, ’té ana munu a fé wo ma léé: Gakelebale lé munu lé; alé tɛrɛ la lé wo si.

Lévinu 25:36

Té i fɛpamale valé fɛ taa si a lee lo; ’i kana ilé Bale lee yé i bwe é dan vo lɛ é yuɛma i va.

Kelewenu 9:31

Léglizigimunu a drɔɔ Judé tɛrɛ faa koo, Galilé tɛrɛ koo, Samari tɛrɛ koo, wona. Wa é dɔle plɛplɛ yé wo tawo Mizambale lee kana nya wo gi, yé wo ’léé gi gyɛ Léli Sauun bɔle wo va nya.

Rom munu 2:24

Naa, woo Kazambale tɔ sɔnɔan bɛn bɛnu méléna kalé we ma, fɛan zo lé é a é gyɛle sɛbɛ gi, a zo.

1 Timoté 5:14

Bɛwemalé é sɔ an lɛ léé, gyɛzaralomu lé wo yara ’ka tan kini lɛ lo, ’wo bo si, ’wo né yaa, ’wo ’wolé kɔngiwenu yuɛ gi bo, té wo dɔna nɔ mi nyanézan yo lɛ yé é mi tɔ sɛrɛ lo.

Tite 2:5

’wo kɛlɛ ’wuotazannu nya, ’wo yuɛ pa ’wobo va é zima, ’wo ’wolé kɔn gi nyanama pa, ’wo kɛlɛ le zinnu nya, ’wo pla ’wo zananu wuo. Lomu segelenu a paa wo gi léé, ’wo ’bɛ faa kɛlɛ, té munu é Kazambale dére sɔnɔ lo we gi.

1 Piɛri 2:12

Ka giébɛ ’é kɛlɛ é zima yolémunu worona. Wa ka tɔ sɛrɛna bélé fɛan zo lé ka a wenaanékɛlɛzannu nya, a zo, naa, dé Kazambale da wo va yian nya wo dan Kazambale tɔ zin bɔ lɛ ka kɛlɛwe zinnu yele ma.

1 Samuɛl 2:24

Anlé nénu, gba. We lé maa a ’ma é ’ka zima lo; ka a Gakelebale lé munu kɛlɛna wenyanékɛlɛzannu nya.