Néémi 4:2 - Kazambale lé Sebe Sauunu 1979

² É Juifinu ma we nana, yé é we fe é bwenu valé Samari lé sunyanu lɛ léé: Juifi tɔɔtɔɔnu ’ko, mɛ nyanama lé wa pana bɛɛ? Ka dan wo vo lɛ ’bɛ kɛlɛnaa? Wo dan saraka bo lɛɛ? Wo dan a lɛ sɔɔ lɛɛ? Gɔlɛnu lé kyɛ wo ble, ’té wo tɛrɛ zén wo ta, wo dan nyanama pa lɛ ’bɛnu nya é ziin?

Néémi 4:2 ပူးပေါင်းရင်းမြစ်များ

Ezidras 4:4

Yé ’bɛna tɛrɛlamunu Juda munu fuu si ’wo ta; wo kana vɔ wo gi léé, té ’wo kɔn dɔ lo.

Néémi 12:27

Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Néémi 4:10

Naa, duowo, Juda munu léé: Plɛplɛ nyaa gɔrɔbo kɔnésimunu lee, yé fɛ sɛrɛlenu ana tan di; ko ’ka bɔa gɔrɔ bole lɛ lo.

Néémi 6:15

Moné suiɛdozan lé wa laama Élul, a yi yɔ do wɔlɛ soruzan nya wo gɔrɔ bɔlɔ vɔle nyaa; é nyaa yi yɔ fié wɔlɛ vu ta fié nya.

Lɛrɛvɔ Sɛbɛ 83:4

Woo wɔraan do ilé munu ma, wo tablele saa lé we ma, Yé munu lé i wo takuun‐an, woo gi paan do wo ma.

Jérémi 26:18

Juda nwiinzan Ézékia bléyi va, Morésɛt zan Misé balelawe fe Juda munu faa lɛ léé: Lai sunyanu lé Gakelebale léma: Wo dan Siɔn fun‐an lɛ bélé bwi zo, Jérusalɛm é dan kɛlɛ lɛ é ’bin nya, Yé gɔ blɛn lé wo Bale lé kɔn dɔ a nwiin bɛ, pɔrɔ é dan kɛlɛ lɛ ana.

Jérémi 33:24

We lé munu ’ko ke a fena, i ’ka a gi dɔɔa loo? Wo léé: Migɔnɔ fié lé Gakelebale wo si a va, é sɔn vɔ wo ma. ’Bɛ zo lé wo ke serele bona anlé munu ma, fɔɔ ’té wo ’ka wo yé é dɛrɛ bɛngɔnɔ do nya lo.

Daniɛl 9:25

Bɛwemalé, ’i we ’ko ’ma, yé bé gi ’ma ma. Dére lé é a fe léé, wo dan Jérusalɛm pa lɛ é ziin, a febléyi va fɔɔ yé é bɔ Nyɔnɔzénnwiinzan, Zigɔɔnzan bléyi ma, é a flɛyi sɔrafié nya. Flɛyi yɔ yaa wɔlɛ fié gi, wo dan vuunlanu kɛlɛ lɛ yé wo dan gurunu bo lɛ, naa bléyi tɔntɔnnu lé.

Abaku 3:2

Gakelebale, we lé bé fe, maa ’ma, yé kana blɛn zén an gi. Gakelebaleoo, Gakelebale, ’i kɛlɛwenu lɛ sɔɔ lɛɛnu faa gi, ’Bé nagɔɔn lɛɛnu faa gi; Naa, dé i bli a flina, i nyanai zénle sele ’é dɔ i gi ma.

Zakari 12:8

’Bɛ yi la Gakelebale é dan Jérusalɛm munu takuun lɛ, yé wo va mi tɔɔtɔɔ é dan kɛlɛ lɛ bélé David zo ’bɛ yi la, yé David lé munu é dan kɛlɛ lɛ Bale zo, bélé Gakelebale lé lanje lé éé tawoo wo ’lɛ, a zo.

Zakari 4:10

Munu lé woo nyé yélié we pélisiale dɛrɛ kiéné ma, dé wo kɔndɔma nivoo ye Zorobabɛl lee, wo gi é dan nana lɛ. Fɛ sɔrafié ’ko, wa Gakelebale yuɛ sɔrafié lé woo dɔwoo tɛrɛ faa la, wo nya.

1 Korent munu 1:27

Naa, Kazambale wenu vabo yé wenu lé wo ke ’tugyɛwe nya tɛrɛlamunu yuɛ gi, é wo si a va wedɔɔmunu lɔlu gale we ma, yé é fɛ tɔɔtɔɔnu si a va fɛ plɛplɛnu kelele we ma.