Néémi 4:14 - Kazambale lé Sebe Sauunu 1979

¹⁴ Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 4:14 ပူးပေါင်းရင်းမြစ်များ

2 Samuɛl 10:12

’I dɔ gligli yé kaa bli ta plɛplɛ nagɔɔn kolé munu valé kolé Bale lé flanu lé we ma, yé dé wean dɔ Gakelebale gi wezin nya, ’é a kɛlɛ ma.

2 Minwiinmunu lé Wezuofe Sɛbɛ 32:7

Ka fuu ’é kɛlɛ ka ta, yé ka bli ta dɔ plɛplɛ. Té ka kana monomono lo. Té di é kini ka gi Asiri nwiinzan blɛn valé sunya kiɛre lé ke a va, wolé we ma lo. Naa, munu lé ke ko va, wa kiɛre é mini munu lé wo ke a va, wo ta.

Néémi 1:5

yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

JOB (Job) 37:22

Fɛnafu éé sié yirinwana bɛbolazia yé é a bi bélé kyan zo. Yiba! Kazambale blɛɛn éé di kinié mi gi.

Lɛrɛvɔ Sɛbɛ 143:5

We kyɛnnu lé bé kɛlɛ, wo sele a an gi, An bɔn‐in bɔrɔan i panyanamanu faa ma, An ’wuo gi bɔrɔan i bɛ panyanamanu ma.

Lɛrɛvɔ Sɛbɛ 20:7

Maa a gi dɔɔ é kwakwa léé, Gakelebale éé nyɔnɔzénnwiinzan sié we gi; É dan alé bazorodére nyi si lɛ é nyanana sauunna la gi, É dan bɔ lɛ a va é bɛyi plɛplɛ nya.

Lɛrɛvɔ Sɛbɛ 27:1

David zé lé. Gakelebale a an vakinizan nya, é a an Siéwegizan nya. Maa kanaan de ɛ lee? Anlé tɛrɛla a Gakelebale lee; ’Té de lee lé an kanaan?

Lɛrɛvɔ Sɛbɛ 46:11

’Ka da, yé ’ka we ’ko dɔɔ ma: maa a Bale nya, Maa ɛ ke bɛnnu nwiin, maa ɛ ke tɛrɛ nwiin.

Lɛrɛvɔ Sɛbɛ 65:5

Mian bé si a va yé bé dale i va nyi sié, Léé, é nyana ilé gɔrɔ gi, azé a néné. Ilé kɔn gi fɛ zinnu é dan ko kan lɛ, Ilé kɔn sauun é dan kozé bɔ lɛ.

Lɛrɛvɔ Sɛbɛ 66:3

’Ka fe Bale lɛ léé, i panyanamanu woo kana zén‐é mi gi. Ilé plɛplɛ blɛn zama i nyanézannu éé blaané dére fé i lɛ.

Lɛrɛvɔ Sɛbɛ 66:5

’Ka da, ’ka ’wuogibɔrɔ Bale panyanamanu ma. Dé é we kɛlɛ blaminu lɛ, éé kana zén‐é munu gi.

Fwile 14:14

Gakelebale é dan ka ta guli dan lɛ; yé ’kaa, ’ka vo é tadɔle.

Fwile 14:25

É wolé goronu gane so, yé wolé tawole kɛlɛ tɔntɔn. Yé Éjipiti munu léé: Kaa vlan buru Izraɛl lee, naa, Gakelebale a Izraɛl ta guli danna Éjipiti munu va.

Bale Lé We Gifezan 12:1

Pɛniɛzan, i gi ’é nana ilé pɛniɛ gyɛle gi, ’ibo nɔ ginanale lɛ ilé pɛniɛ la bléyi va, ’i tawo ilé blibɔmazi ta, fɛnu lé i yuɛ bɔ wo ma, ’i go wo zuo; naa, é a lé bé gi dɔɔ léé, Kazambale é dan i laa lɛ weblele i va we gi, we ’konu lé we ma.

Daniɛl 11:32

É dan gipawe sɛrɛzannu saan lɛ blaané dére nya. Naa, munuan wo wolé Bale dɔɔ, wo dan dɔ lɛ gligli wekɛlɛle gi.

Zakari 14:3

Gakelebale é dan da lɛ yé é dan guli dan lɛ bɛn ’konu va, fɛan zo lé é guli dan guli blɛn danyi nya, a zo.

Mi Nɔnɔle 14:9

Naa, té ka nwa Gakelebale ma lo, yé té ka kana tɛrɛ ’ko la munu lee pelo; naa, wa ko blefɛ nya. Wo tayɔɔfɛ ’ka é dɛrɛ lo; Gakelebale a ko va; té ka kana wo lee pelo.

Matio 10:28

Wo lé woo mi kɔlɛ gya, yé wo ’ka bɔa miboen gyɛle lɛ lo, té ka kana wonu lee lo. Mi lé éé bɔa miboen valé mi kɔlɛ gyɛle lɛ jéɛna kyɛ plɛplɛ va, a fila vɔ léé, ka kana ’bɛzan lee.

Bélidɔwesɛbɛ Fiézan 1:21

Ka yua, sin, Gakelebale, kalé Bale tɛrɛ nɔ ka lɛ; ’ka go, ’ka a si kazé nya, Gakelebale, ka tranu lé Bale a fe ka lɛ fɛan zo, a zo; té ka kana lo; té di ’é kini ka gi lo.

Bélidɔwesɛbɛ Fiézan 10:17

Naa, Gakelebale, kalé Bale a balenu lé Bale nya, é a mizannu Zan nya, é a Bale blɛn nya, é a Bale plɛplɛ valé mitadanmawe kɛlɛ Bale nya, yé é ’ka glɛ dɔa mi gi lo, yé é ’ka dɔa mi zuo mi leefɛ ma lo;

Ébrunu 13:6

Bɛwemalé, kaa bɔa a fele lɛ webozen nya léé: Mizambale éé bɔa an va, an ’ka dan kana lɛ fɛ do kpen lee lo; Mɛ lé blami é bɔa a kɛlɛle lɛ an lɛɛ?

Jozué 1:9

Maa ’ka a fe lɛ i lɛ léé, ’ibo dɔ gligli yé i bli ta dɔ plɛplɛ, loo? Té i kana lo; té i gi nyɛ ’é kini lo, naa, Gakelebale, ilé Bale a i va, we faa lé i dan a kɛlɛle pélisia lɛ, a gi.

Weblezannu 3:27

É bɔ ’bɛna tɔɔn, é béli fɛn Éfraim gɔ ma. Yee valé Izraɛl lé nénu gɔ zun, ’té é a wo ’lɛ.