Néémi 3:26 - Kazambale lé Sebe Sauunu 1979

²⁶ Sɔkɔn gi nyanamapamunu lé woo nyanaan gɔ nwiin, wozé bo fɔɔ yé wo bɔ flagɔrɔ ’léé lé wa laama ’yinu, a yara, yirinwanazia, é valé dɔtafɛ lé ke é nwale bɛ, a yara.

Néémi 3:26 ပူးပေါင်းရင်းမြစ်များ

Minwiinzannu lé Wezuofe Sɛbɛ 9:2

Wo sile luu gi zuo, mi vininnu lé wo nyana wolé fɛna, wolé flanu ta, wa Izraɛl munu nya; Balebanzannu koo, Lévinu koo, Bale lé kɔn gi nyanamapamunu koo, woo lé.

2 Minwiinmunu lé Wezuofe Sɛbɛ 27:3

Jotam Gakelebale lé kɔn ’léé loruzan kɛlɛ. Flagɔrɔ lé é gié gɔ ma, é fɛ dɔ a bɔrɔ la.

2 Minwiinmunu lé Wezuofe Sɛbɛ 33:14

’Bɛ zuo é gɔrɔ bo David lé fla zi, yirivɔnazia, Giɔn lé ke pɛnguru gi, a vazia. Gɔrɔ ’ko bɔ flagɔrɔ ’léé lé wa laama pɔnu, ana, yé é gié gɔpané zi. É a é torole é baba. Yé é sunyanu nwiinzannu dɔ Juda lé fla plɛplɛnu faa ta.

Néémi 10:28

Mi pɔnénu, Balebanmunu koo, Lévinu koo, kɔntayuɛpazannu koo, lɛrɛvɔzannu koo, Bale lé kɔn gi nyanamapazannu koo, munu faa lé wo kan kini bɛn bɛnu ma tawole Bale lé bélidɔwe ta we gi, wo koo, wo nanu koo, wo benu valé wo lunu koo, munu faa lé wo yara ke é kinile yé wo gi kini koo,

Néémi 11:21

Bale lé kɔn gi nyanamapazannu éé nyanaan gɔ nwiin, yé wo nwiinzannu lé ke Sisa valé Gisipa nya.

Néémi 12:37

Flagɔrɔ ’léé lé wa laama ’yibɔna, wo bɔ ’bɛna aan wo, fɛana lé gɔrɔ éé nwaan David lé fla nwiin, wo yara dɔ wo ’lɛ tegele, yé wo David lé fla lé sikalié gié fɔɔ yé wo bɔ flagɔrɔ ’léé lé wa laama ’yinu, ’té é ke yirinwanazia bɛ, ana.

Néémi 3:27

Wozé zuo Tékoa munu gɔrɔ lɛ do ma’lɛrɛ, dɔtafɛ blɛn lé ke é nwale, a yara, fɔɔ yé é bɔ gɔrɔ lé ke gɔ ma, a ma.

Néémi 8:1

Yé munu faa zén ékeva do flagɔrɔ ’léé lé wa laama ’yinu, ana. Wo lé sɛbɛgifezan Ezidras lɛ léé: ’I da Moizi lé bélidɔsɛbɛ lé Gakelebale a nɔ Izraɛlnu lɛ, a nya.

Néémi 8:16

Yé munu go yilibɛnu kini lɛ yé wo nyanawuofaanu kɛlɛ wo nya, wolé kɔnnu ta loru koo, wolé kɔn ’léénu koo, Bale lé kɔn gɔrɔ gi koo, flagɔrɔ ’léé lé wa laama ’yinu koo, flagɔrɔ ’léé lé wa laama Éfraim, ’bɛna koo, wona.

Néémi 8:3

Ezidras sɛbɛ tafele péli sia bladi, yé é vo a tafena fɔɔ yé yiéyi pa. ’Té gɔnénu koo, lomu koo, munu faa lé wa gi maan koo, wa é zénle ékeva flagɔrɔ ’léé lé wa laama ’yinu, ana. Munu faa vo ’wo tɔné dɔna flee bélidɔwe sɛbɛ ta fe dére lɛ.

Ézai 32:14

Wo nwiinzan lé fuakɔn vo, fla lé a gi éé wé turu, ana vo é pla. Alé gɔpané valé kɔn kiilii torole é dan kɛlɛ lɛ bélé gɔmaguru zo yifaama; bwi gi sokofalenu é dan zana gyɛ lɛ ana, é dan kɛlɛ lɛ winu lé fɛblena nya.