Néémi 2:20 - Kazambale lé Sebe Sauunu 1979

²⁰ Yé maa zi pa wo lɛ léé: Lanu gi Bale é dan we ’ko va gyɛ lɛ ko lɛ. Ko, a wuozannu, ko dan nwa lɛ yé ko dan a dɔ lɛ, naa, ’kaa, ka dɔna kaan lo, yé kazé ’ka a gi lo; yé ka tɔ ’ka Jérusalɛm va lo.

Néémi 2:20 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 26:5

É Bale nagini é bli faa nya Zakari lé tɛrɛla bléyi va. Zakari Bale lee kanale paa a gi. Yé bléyian va lé é a Gakelebale naginina, Gakelebale alé we faa nyian wo.

Ezidras 4:3

Naa, Zorobabɛl koo, Jozué koo, Izraɛl lé kɔn ’léézan bɛnu koo, wa zi pa wo lɛ léé: É ’ka lé ka valé konu é kolé Bale lé kɔn dɔ lo; ko dan a dɔ lɛ ko saa, Gakelebale Izraɛl lé Bale lɛ, Pɛɛs nwiinzan blɛn Sirus a fe ko lɛ fɛan zo, a zo.

Néémi 1:4

Maa we ’konu ’ma aan wo, an nyana wuvɔle nya, yé an yi kiɛre kɛlɛ anlé tɛrɛla lɔrɔ nyaale an ma gi. An lɔrɔ sɔn yé an bazoro lanu lé Bale lɛ,

Néémi 2:4

Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,

Esitɛɛ 4:11

minwiinzan blɛn leemunu faa valé alé bɛntɛrɛ la munu faa a gi dɔɔ léé, é a bélidɔwe nya léé, dé le léé, ɛɛ, dé gɔné léé, dé é wɔra minwiinzan blɛn lé kɔn worona a va mi, ’té é ’ka a laa lɛ lo, ’wa gyɛ ’é ga. Dé mian minwiinzan blɛn élé plaminwiin kyanyili soi a lɛ, ’bɛzan do kpen ɛ vo é yuɛma. Yé maa, an yi yɔ do wɔlɛ vu lo, ’té é ’ka tan an laa lɛ lo.

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 122:6

’Ka Jérusalɛm vole drɔɔ ma laa, Munuan i sɔ wo lɛ, ’wo nyana woboma duaa ma.

Lɛrɛvɔ Sɛbɛ 20:5

’É i blibɔmafɛnu nɔ i lɛ ma, Yé we faa lé i gi daan a ma, Bale ’é wo lɛ sɔɔ ma.

Lɛrɛvɔ Sɛbɛ 35:27

Yé munu lé an kɛlɛle nwiinplazan nya sɔ wo lɛ, Wo gi ’é nana, ginanale lé éé giéan é glɛ ta, a nya, Yé ’wo vo fena yifaama léé, Gakelebale lé é sɔ a lɛ léé, A wuozan é vo drɔɔ, ’wa tɔ nwa ma.

Lɛrɛvɔ Sɛbɛ 51:18

Dé é a kɔɔn léé, i a sarakanu va, ’té maa a bo i lɛ; Naa, balebanwi lé wa kyɛ blé, é ’ka i gi nanaan lo.

Fwile 28:29

Dé Arɔn wɔra fɛna sauun na, ’té éé goo Izraɛl benu tɔnu nya é bli ta, ’té wo guru a é vɔle a golɛgiweblefɛ ta, yé wo kɛlɛ wo sele?-?dɔfɛ nya lɛɛfaama Gakelebale gi.

Bale Lé We Gifezan 7:18

’I vo a do kɛlɛna, yé té i yuɛi blan a koɛ kɛlɛle ma lo; naa, mi lé éé kanaan Kazambale lee, é ’ka we ’konu kɛla yé é gié é glɛ la lo.

Ézai 56:5

maa dan fɛna nɔ lɛ wo lɛ anlé kɔn gi yé tɔ lé é mini négɔné valé nélomu yaatɔ ta, maa dan a nɔ lɛ wo lɛ anlé munu va; tɔ lé a glɛ ’ka lo, ’té a yi ’ka dan ga lɛ lo, maa dan a nɔ lɛ wo lɛ.

Lévinu 2:2

É dan da lɛ a nya Balebanzannu Arɔn benu va; burupun zima ’ko lé wo nyɔnɔ zén a va bɛ, Balebanzan é dan a si lɛ bɛ nya do, ’é valé lasikɔrɔpo faa nya, yé é wo kyɛ ble balebanna ta, we seledɔmigifɛ nya. É a balebanfɛblele lé, Gakelebale a gin sié néné, a nya.

Lévinu 24:7

’I lasikɔrɔpo tegele zén a lɛ fiénu ta, yé é dan kɛlɛ lɛ weseledɔmigifɛ nya buru ta, saraka lé wa kyɛ blé Gakelebale ’lɛ, a nya.

Zakari 6:14

Tɔkoro ’konu é dan kɛlɛ lɛ Élɛm koo, Tobija valé Jédaéja koo, Sofoni be En koo, wozé nya; é dan kɛlɛ lɛ we sele dɔ migifɛ nya Gakelebale lé kɔn gi.

Mi Nɔnɔle 10:10

’Ka béli fɛn ka ginanayinu valé kalé fɛti yinu la, ’té ka balebanwi kyɛ blé Gakelebale lɛ, ’té ka Bale bɔvɔ sarakanu boo, yé wo dan ka sele dɔ lɛ maa, kalé Bale gi. Maa a Gakelebale, kalé Bale nya.

Kelewenu 10:31

Kɔɔnéi, Bale ilé bazorole ’ma yé ilé blɛ kɛlɛle sele dɔ Kazambale gi.

Kelewenu 10:4

É ’bɛ nagini téiin kana nya é gi yé é léé: Anzan, mɛ léé? Yé lanje lé a lɛ léé: Kazambale ilé blɛ kɛlɛle ye yé é ilé bazorole ’ma, yé wo i sele dɔ a gi.

Kelewenu 8:21

I bli ’ka tegele Kazambale yuɛ gi lo, amalé izé do kpen ’ka we ’ko gi lo.