Néémi 2:10 - Kazambale lé Sebe Sauunu 1979

¹⁰ Orɔn mi Sanbalat valé miwuozan Amɔn mi Tobija a ’ma aan wo léé, mi do da wezin kɛlɛ lɛ Izraɛlnu lɛ, é ’na wo ma é baba.

Néémi 2:10 ပူးပေါင်းရင်းမြစ်များ

Néémi 13:1

’Bɛ bléyi ’ko va, wo Moizi lé sɛbɛ ta fe munu faa yuɛ va, yé wa ye a gi léé, té Amɔnnu valé Moabnu ’é zén ékeva Bale lé munu nya monomono lo.

Néémi 13:28

Balebanmunu ’lɛzan Éliasib be Jojada be do Orɔn mi Sanbalat lu si. Maa a bin an ma baa.

Néémi 13:4

É vinin, kɔnmi blɛn do ana kolé Bale lé kɔn gi, ’té woo fɛnu tééan ana; blɛnu koo, lasikɔrɔpo koo, nyanamapafɛnu koo, ’sa vuzannu koo, dɔrɔ’yi vininzannu koo, nyɔnɔ koo, ’té munu éé wo no Lévinu koo, lɛrɛvɔmunu valé kɔntayuɛpazannu koo, Balebanzannu koo, wozé nya bɛ, woo yee fɛnu ’ko tééan yee kɔnmi zi. Naa, Balebanzan Éliasib éé nyanaan kolé Bale lé kɔn gi, yé é kɔnmi blɛn ’ko nɔ é lele Tobija lɛ, yé ’bɛ nyana a gi.

Néémi 2:19

Orɔn mi Sanbalat koo, miwuozan Amɔn mi Tobija koo, Arabu mi Gésɛm koo, wo we ’ko ’ma aan wo, wo we nana ko ma yé wo ko ye boawe kɛlɛzannu nya. Wo léé: Mɛ lé ka kɛla bɛɛ? Ka a nwana minwiinzan blɛn maa?

Néémi 4:7

Naa, Sanbalat koo, Tobija koo, Arabunu koo, Amɔnnu valé Azdɔdnu koo, wa ’ma aan wo léé, gɔrɔ ma’lɛrɛle a gona é ’lɛzia yé a vɔle é ke ’léé péli sia, é ’na wo ma é baba.

Néémi 6:1

Maa ’ka tan duoli laanu vɔ lɛ lo, yé Sanbalat koo, Tobija koo, Arabu mi Gésɛm koo, wo valé ko nyanézannu bɛnu koo, wa ’ma léé, ko gɔrɔ ma’lɛrɛ é ziin, yé a sɛrɛna bɛ ’ka vo lɛ é dɛrɛ lo.

Néémi 6:16

Ko nyanézannu faa we ’ko ’ma aan wo, bɛnnu faa lé ke ko zi, kana zén wo gi, yé wo fuu faa si wo ta. Wa ye léé, ko nyanama ’ko pale lɛ sɔɔ kolé Bale lé blibɔmale nya.

Esitɛɛ 10:3

Naa, Juifi mi Maadosé ɛ ke minwiinzan sɛné nya Asuérus zuo. A lɛa a ma Juifinu va. Yé alé we sɔ é bwenu faa lɛ. É ’élé munu lé zin ginian yé é ’é bɛn faa lé zinyewe fé.

Lɛrɛvɔ Sɛbɛ 112:10

Dé bli nyanézan ’bɛ ye, a bli éé flian, Éé suiɛ dɔraan é ke la, é sɔ a lɛ léé, mi ’ko ’é ga. Bli nyanézannu lé blibɔmawenu yi éé gaan.

Wegɔnévɔlenu 27:4

Bliflikaiizan gi a é pɔnpɔn, yé bliflile a bélé ’yiyoro plɛplɛ zo, naa, mi kyɛɛn ɛ bɔa dɔle lɛ maabole mi va maa?

Wegɔnévɔlenu 30:22

Luu lé é kinin minwiinzan nya koo, ’tugyɛzan lé é kan fɛblele nya koo,

Bale Lé We Gifezan 10:7

Maa luunu ye tawona wisoonu ta, yé maa mi blɛnnu ye tawona ’wo gane la bélé luunu zo.

Ézai 15:5

An dunnuan an bli gi Moab munu lé we ma; alé munu a vlanburuna fɔɔ Soaa, wo bélile we gi, wa vlanburuna fɔɔ Églat‐Sélisija; naa, wa gona loru Lusit vazia, ’té woo wuvɔa, yé wa siaana kleblele nya Koronaim lé zi ’léé.

Jérémi 41:10

Yé munu faa lé wo vo Misipa, Ismaɛl wo si luu nya; minwiinzan blɛn lunu koo, munu lé wo vo ana, ’té sunyanu ’lɛzan Nébuzaradan wo bɛ pa Asikam be Gédalia lee, wo koo, Nétania be Ismaɛl go wo nya luu gi, yé é go wo nya Amɔn munu va.

Jérémi 48:34

Esibɔn munu lé siaalenu zuogi éé wé fɔɔ Éléalé; woo wo dére maan fɔɔ Jaas; a péli sia Zoaa yé é bɔ Koronaim, fɔɔ yé é bɔ Églat‐Sélisija; naa, wo Nimrim ’yinu sɛrɛ é ziin.

Jérémi 48:5

Munu Lusit gɔ gié wuvɔle nya, Yé munu lé wa Koronaim gɔ zunna, wolé kleblele siaalenu zuo gi a wena.

Kelewenu 4:2

Wolé we paale munu gi ’na ’bɛnu ma; yé wa gɔɔnna Jézu zé ma léé, mi éé nwaan gale va, yé ’bɛ ’na wo ma é ziin.

Kelewenu 5:24

Balebangikɔnzan valé Balebanmunu segelenu dére ’konu ’ma aan wo, gi bɔrɔ pa wo ma nwunvɔzannu lé we ma, dé we ’ko é dan nyaa lɛ kaa? wo ’ka a gi dɔɔa lo.