Néémi 13:22 - Kazambale lé Sebe Sauunu 1979

²² Yé maa lé Lévinu lɛ é ziin léé: ’Ka kabo kɛlɛ tegele yé ’ka da ka yuɛ pa flagɔrɔ ’léénu ta, té wo flinyi sɛrɛ lo we gi. Oo, anlé Bale, an sele ’é dɔ i gi we ’ko ma ma, yé ’i an tabin ilé nyanai zénle blɛn yɛrama ma.

Néémi 13:22 ပူးပေါင်းရင်းမြစ်များ

2 Minwiinzannu 20:3

Oo, Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé é ke é zima i yuɛ gi, yee lé ma a kɛlɛ. Yé Ézékia yuɛ’yi so kiɛre.

2 Minwiinzannu 23:4

Balebanmunu ’lɛzan Ilkija koo, Balebanzannu palu fiézan koo, kɔn ’léé tabinzannu koo, minwiinzan blɛn lé wo lɛ léé, kananu lé wa kɛlɛ Baal koo, Asataté koo, lagifɛnu faa koo, wozé nya, ’wo wo bɔra Gakelebale lé kɔn gi, yé ’wo wo kyɛ ble Jérusalɛm gini ma, Sédrɔn féinu ta, yé ’wo go wo yee nya Bétɛl.

2 Minwiinmunu lé Wezuofe Sɛbɛ 29:24

Balebanzannu wi ’konu bɔrɔ bo, yé wo wo nyɛ nwɛɛn balebanna wuo, Izraɛlnu faa lé wenyané ’yibofɛ nya. Naa, minwiinzan blɛn a fe wo lɛ léé, é a lé balebanwinu lé wa kyɛ blé, é valé wenyané ’yibo saraka lé wa bo bɛ, wa kɛlɛ Izraɛlnu faa lé we ɛ ma.

2 Minwiinmunu lé Wezuofe Sɛbɛ 29:27

Ézékia wo béli dɔ léé, balebanwi lé wa kyɛ blé, wa pla balebanna ta. Bléyian va lé wo kun balebanwi lé wa kyɛ blé, a nɔle ma, ’bɛ bléyi duo nya lé wo kun Gakelebale lé lɛrɛ vɔle ma, ’té woo bélinu fɛɛn, ’té woo Izraɛlnu nwiinzan blɛn David lé lɛrɛvɔafɛnu gya.

2 Minwiinmunu lé Wezuofe Sɛbɛ 29:30

’Bɛ zuo minwiinzan blɛn Ézékia valé mi zi ’lɛzannu lé Lévinu lɛ léé, ’wo Gakelebale tɔ ma gyɛ David valé balelayezan Azafa dérenu nya. Yé wa tɔ ma gyɛ ginanale lé é gié é glɛ la, a nya, yé wo ’wo ’wuo tua yé wo dia ’wo bli la.

Néémi 12:10

Jozué a Jojakim ti nya, Jojakim a Éliasib ti nya, yé Éliasib a Jojada ti nya.

Néémi 12:30

Balebanzannu valé Lévinu wobo kɛlɛ tegele yé munu koo, duolinu valé gɔrɔ koo, wo wo faa suu Bale tɔ gi.

Néémi 13:14

Oo Bale, an sele ’é dɔ i gi we ’ko lé we ma ma. Yé wezin lé maa kɛlɛ anlé Bale lé kɔn valé alé nyanama ma, té a sele é san i gi lo ma.

Néémi 13:31

Yé kyɛ lé woo dan a nya Bale lɛ blɛ nya, ’té wa nɔyi dɔ bɛ, ’é valé féifɛ vininnu nya, an dɔ a ta. Oo, anlé Bale, an sele ’é dɔ i gi yé ’i wezin kɛlɛ an lɛ ma.

Néémi 5:19

Anlé Bale, an sele ’é dɔ i gi ma; ’i wezin kɛlɛ an lɛ, we faa lé maa a kɛlɛ munu ’konu lɛ, a we ma.

Lɛrɛvɔ Sɛbɛ 130:7

Izraɛl, ’i bli vo Gakelebale lɛ. Naa, Gakelebale nyanai éé zén‐é, Éé mi taboo yifaama.

Lɛrɛvɔ Sɛbɛ 5:7

I zamaga dɔa viézannu nwiin; Munu lé woo mi nyɛ zanaan, ’té woo dabli kɛla, Gakelebale ’ka wo yé mi nya lo.

Lɛrɛvɔ Sɛbɛ 51:1

David lɛrɛ ’ko vɔle gɔɔn lɛrɛvɔzannu zilɛzan lɛ. Bléyian va lé David go Bat‐Sééba va, ’bɛ zuo yé balelayezan Natan da a va.

Ézai 38:3

Oo Gakelebale, a sele ’é dɔ i gi léé, an tawo i yara yarapalale valé bli tegele nya, yé we lé ké é zima i yuɛ gi, yee lé maa a kɛlɛ. Yé Ézékia yuɛ’yi so kiɛre.

Ézai 49:23

Minwiinzannu valé wo lunu, wo dan kɛlɛ lɛ ilé nénu pazannu nya; Wo dan bua lɛ tɛrɛ va i ’lɛ, Yé wo dan vungoi flan lɛ i gane ma, Yé i dan a gi dɔɔ lɛ léé, maa lé ke Gakelebale nya, Yé munu faa lé wo bli ke an lɛ, yara ’ka dan wo gyɛ lɛ lo.

Ézai 55:7

Mi nyané ’é si ’é kɛlɛwe zuo ma, Yé mi ple ’élé gibɔrɔle nɔla ma, ’É nɔla Gakelebale va ma, yé ’bɛ é dan nyanai zén lɛ a ta, ’É nɔla kolé Bale va ma, ’bɛ wɔlɛgi ’ka nyaan ’é ma mi ma we vole nya lo.

2 Korɛnt Munu 1:12

Ko tɔzinfemawe lé ke ’ko: kolé wevasibli a kolé wenayezan nya léé, ka valé tɛrɛlamunu va, ko giébɛ a sauun valé wéiin Kazambale yuɛ gi. Ko ’ka gié lɛ ka méléna tɛrɛ la wedɔɔle nya lo; Kazambale lé zin nya lé ko gié.

Bélidɔwesɛbɛ Fiézan 5:12

flinyi ’é kɛlɛ kalé yi nyané nya, ’yee Gakelebale, kalé Bale a fe fɛna zo, a zo.