Néémi 13:17 - Kazambale lé Sebe Sauunu 1979

¹⁷ An we pla Juda munu segelenu lɛ, yé maa lé wo lɛ léé: We naanénu lé ka kɛla, ’té ka flinyi sɔnné sɛra, ’bɛ gi lé nɔɔ?

Néémi 13:17 ပူးပေါင်းရင်းမြစ်များ

Néémi 13:11

Maa we pla minwiinzannu lɛ a fele nya léé: Mɛmalé ka sɔn vɔ Bale lé kɔn maa? Yé an Lévinu valé lɛrɛvɔmunu zén ékeva, yé an wo dɔ wo dɔna.

Néémi 13:16

Tii mi kenu é ziin, wo nyana Jérusalɛm, ’té woo dan pɔnu valé flɛ gɔnɔ faa do do nya, ’té wa daan Juda munu lee Jérusalɛm flinyi nya.

Néémi 13:25

An we pla wo lɛ yé an bale pa wo ma. Maa wo va mi kenu bla, yé an wo nwin soowɔla, yé maa léé, ’wo bale ’nyɔɔn léé, ’wo ’ka dan ’wo lunu nɔ lɛ wo benu lɛ lo; yé ’wo ’ka dan wo lunu si lɛ ’wo benu valé wobozen zé nya lo.

Néémi 5:7

Maa lé an bli gi léé, maa dan we pla lɛ mi blɛnnu valé minwiinzannu lɛ; yé maa dan a fe lɛ wo lɛ léé: Mɛ lé bɛɛ? Ka vɛɛn paan ka bwenu ma, ’té wa paan a maa? Yé maa mi kiɛre zén ékeva wo zi,

Wegɔnévɔlenu 28:4

Mi lé éé sɔn vɔa bélidɔwe ma, éé mi naanénu tɔ zin fé, naa, mi lé éé bélidɔwe ta tawoo a bli éé flian wo ma.

Ézai 1:10

Sɔdɔm munu nwiinzannu, ’ka tɔné dɔ Gakelebale dére lɛ. Gɔmɔɔ munu, ’ka kolé Bale lé bélidɔwe ban ka tɔné nya.

Jérémi 13:18

Bé fe minwiinzan blɛn valé minwiin le lɛ léé: Tɔkoro lé é ke ka nyɛɛfɛ nya, é si ka ’wuo ma, é dia, amalé ’ka nyana tɛrɛ va.

Jérémi 5:5

Maa dan go lɛ mi segelenu va, yé ’bɛnu lɛ lé maa dan we fe lɛ; Naa, ’bɛnu ɛ Gakelebale lé zi dɔɔ, Yé ’bɛnu ’wolé Bale lé bélidɔwe dɔɔ. Naa, wo é ziin, wo ’wo bɔrɔ ma luubale kini Yé wo si an wuo;

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Lévinu 19:17

Té i bwe za pa i bli gi lo; é a lé i we pla i bɔluzan lɛ, naa, té i wenyané dɔ ibo nwiin alé we ma lo.

Misé 3:1

Maa léma: ’Kaa Jakɔb lé mununwiinzannu valé Izraɛl lé mi blɛnnu, ’ka tɔné dɔ. Ka‐an é a kɔɔn lé ka we tegele dɔɔ loo?

Misé 3:9

Jakɔb lé munu nwiinzannu valé Izraɛl lé mi blɛnnu, ’ka tɔné dɔ we ’ko lɛ. We tegele éé ka ta daan ka ma, ’té ka we drɔle plin‐an.