Néémi 13:15 - Kazambale lé Sebe Sauunu 1979

¹⁵ ’Bɛ bléyi va, an munu ye Juda tɛrɛ la, ’té woo dɔrɔporo zɔn‐o wo gane nya flinyi nya, ’té woo ’sanwunnu sian, ’té dɔrɔ koo, dɔrɔporo koo, bɔrɔyiliporo koo, fɛ gɔnɔ faa koo, ’té woo wo vɔa sokofalenu punu yé wo da wo nya Jérusalɛm flinyi nya. Yé yian nya lé wo da wolé fɛ dan lɛ, an we pla wo lɛ ’bɛ yi la.

Néémi 13:15 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 24:19

Gakelebale balelayezannu pa wo lɛ zia léé, ’wo da wo nya ’é va é ziin, naa, wo ’ka wo tɔné dɔ lɛ wolé weplalenu lɛ lo.

Néémi 10:31

yé dé tɛrɛ ’ko la munu da danfɛnu valé blefɛnu nya flinyi nya wo danle we ma, ko fe léé, ko ’ka dan wo va fɛ do kpen lɔ lɛ flinyi valé fɛtiyi la lo, yé é ziin, ko fe léé, a lɛɛ sɔrafiézan nya, ko ’ka dan féi pa lɛ lo, yé munu lé kolé vɛɛn ke wo ma, ko ’ka dan go lɛ vɛɛn la wo va ’bɛ lɛɛ gi lo.

Néémi 10:32

É ziin, dére lé Bale a fe léé, ’wo sikla lɛ do nɔ Bale lé kɔn lé nyanama lé we ma lɛɛ do do ma, yé a lɛ fié é vo ko lɛ, ko dan a kɛlɛ lɛ. Wenuan ma lé ko dan sikla lɛ do nɔ lɛ, yéé lé ke ’ko:

Néémi 13:16

Tii mi kenu é ziin, wo nyana Jérusalɛm, ’té woo dan pɔnu valé flɛ gɔnɔ faa do do nya, ’té wa daan Juda munu lee Jérusalɛm flinyi nya.

Néémi 13:21

Maa we pla wo lɛ léé: Mɛmalé ka yii gɔrɔ zii? Dé ka ’bɛ kɛlɛ é ziin, maa dan an bɛ mane lɛ ka ma. É sia ’bɛ bléyi va, wo ’ka da lɛ é dɛrɛ flinyi nya lo.

Néémi 9:29

I we pla wo lɛ léé, ’wo da ilé bélidɔwe kɛlɛ é ziin, yé wo yara pa wolé boblɛn kɛlɛle ta. Wo ’ka wo tɔné dɔ lɛ ilé bélidɔwe sɔnnénu lɛ lo. Déretawenu lé, dé mian é tawo a ta é vo é yuɛma a nya bɛ, wo ’bɛ sɛrɛ, wo ’wo bɛapa nwa i ma, ’té woo ’wo bɔrɔ vɔɔan i ta, yé wo ’ka i lɛdɔ lɛ a ma monomono lo.

JOB (Job) 39:12

I bli a a lɛ léé, é ilé ya kulii? Yé é ilé ’sa zun dɔ ilé ’sa sunwonaa?

Lɛrɛvɔ Sɛbɛ 50:7

Anlé munu, ’ka tɔné dɔ yé maa dan we fe lɛ ka lɛ; Izraɛl, maa dan we lɛ kini lɛ ka lɛ. Maa a Bale nya, ilé Bale nya.

Fwile 31:12

Gakelebale lé Moizi lɛ léma:

Fwile 31:16

Izraɛl lé nénu é dan flinyi kɛlɛ lɛ, wo valé ’wo kulunu nya, gipawe lé a glɛ ’ka lo, a nya.

Fwile 34:21

I dan nyanama pa lɛ yi suiɛdo yé i dan flin lɛ yi sɔrafiézan nya; dé féipabléyi lé oo, dé fɛgyɛbléyi lé oo, i dan flin lɛ.

Fwile 35:2

’Wo nyanama pa yi suiɛdo; naa, yi sɔrafiézan é dan kɛlɛ lɛ kalé yi nyané nya. Flinyi lé, Gakelebale lé yi lé. Mi lé é nyanama pa ’bɛ yi nya, wo dan ga dɔ lɛ a nwiin.

Wegɔnévɔlenu 28:4

Mi lé éé sɔn vɔa bélidɔwe ma, éé mi naanénu tɔ zin fé, naa, mi lé éé bélidɔwe ta tawoo a bli éé flian wo ma.

Ézai 58:13

Dé ibo kun flinyi nya, dé i ’ka ilé blibɔmawe kɛla anlé yi nyané la lo, dé flinyi kɛlɛ i ginanamayi nya, yi ’ko lé ke Gakelebale lé yi nya, dé bé ye ilé yi nyané nya, dé i ’ka we bɛ kɛla yi ’ko nya lo, dé i ’ka ibo no ibo lé bɔn‐in bɔrɔmawe lɛ lo, yé i ’ka we pla fé lo, ’bɛ zo lé i yi ’ko kɛlɛ blɛn,

Jérémi 17:24

Gakelebale léma: Dé ka tɔné dɔ an lɛ, dé ka ’ka wɔra lɛ fla ’ko la kɔné do kpen nya ka nwiin flinyi nya lo, dé ka flinyi ’ko ye kalé yi nyané nya, dé ka ’ka nyanama do kpen pa lɛ ’bɛ yi ’ko nya lo,

Jérémi 17:27

Naa, dé maa ka béli dɔ léé, ’ka flinyi kɛlɛ yi nyané nya, té ka kɔné do kpen si a yi nya lo, té ka kɔné do kpen wɔra Jérusalɛm flinyi nya lo, naa, dé ka ’ka ka tɔné dɔ lɛ an lɛ lo, ’té maa dan kalé flagɔrɔ ’léé duolinu kyɛ vɔ lɛ, yé é dan Jérusalɛm lé fuakɔnnu kyɛ ble lɛ yé é ’ka dan diri lɛ pelo.

Jérémi 42:19

’Kaa Juda munu lé ka vo ana, Gakelebale lé ka lɛ léé: Té ka go Éjipiti tɛrɛ la lo. Ka gi dɔɔ léé, maa a yi ga ka lee kyɔ.

Ézékiɛl 20:13

Yé Izraɛl munu nwa an ma bwi gi. Wo ’ka anlé bélidɔwenu tawe kɛlɛ lɛ lo yé an dérenu lé é a lé blami a ta tawo a vole é yuɛma we gi bɛ, wo sɔn vɔ wo ma, yé wo anlé flinyi sɛrɛ tata. É dɔ an gi léé, an wɛwɛ dɔ wo ma bwi gi, wo kulu gale we ma.

Amɔs 8:5

Ka léma: Yiba, mɛ bléyi va lé moné dɛrɛ yi éé giéan yé ko ’sa daan? Mɛ bléyi va lé flinyi éé giéan, yé ko kolé boonu lɛ soo? Ko dan fɛdangifɛ wɔra lɛ ékeva yé ko dan a vlɛ taa pa lɛ, ko dan kilo kɛlɛ lɛ dabli nya;

Misé 6:3

Anlé munu, mɛ fɛ lé maa kɛlɛ ka lɛɛ? An ka wɔlɛgi nyaa mɛ we nyaa? ’Ka zi vɔ an lɛ ma.

Kelewenu 2:40

É wo tunu dére kiɛre bɛnu nya yé é we pla wo lɛ plɛplɛ, a fele nya léé: ’Ka kan kini bléyi ’ko vamunu naané ma.

Kelewenu 20:21

yé an we fe Juifinu valé Grɛkinu lɛ léé, ’wo bli nɔla Kazambale vazia yé ’wo bli vo Kozan Jézu Krist lɛ.

Galasi munu 5:3

Munu faa lé wo gane ke é dɔle, maa we plaan wo lɛ wéiin léé, é a lé wo bélidɔwe faa kɛlɛ.

Éfez munu 4:17

We lé maa a fé, ’té maa a plaan ka lɛ Mizan tɔ nya, yee lé é ke ’ko: Yolémunu lé woo tawoo boblɛn ’wuogibɔrɔlenu yɛrama bɛ, té ka tawo é dɛrɛ wo zo lo.

Bélidɔwesɛbɛ Fiézan 8:19

Dé ka gi san Gakelebale, kalé Bale ma, yé ka go bale bɛnu zuo, dé ka wo bɔ yé ka dia wo wuo, maa fe ka lɛ kpaklaa kyɔ léé, ka dan zamaga wo lɛ.

1 Tɛsalɔnik munu 4:6

Té mi do é wenyané ’ko zo kɛlɛ é bwe lɛ lo. Mizan ɛ ’bɛ zoɛ wenu lɛgi paan; yee lé ko a fe ka lɛ é kyɛn, yé ko a gɔɔn ka lɛ wéiin.