Néémi 12:27 - Kazambale lé Sebe Sauunu 1979

²⁷ Jérusalɛm zi gɔrɔ nɔle Bale lɛ bléyi va, wo Lévinu laa wolé fla faa la, léé, ’wo da Jérusalɛm gɔrɔ nɔle Bale lɛ we ma yé wo fɛti kɛlɛ lɛrɛvɔle koo, kɔa gyɛle koo, kpélé gyɛle koo, kɔnɔ gyɛle koo, wo nya.

Néémi 12:27 ပူးပေါင်းရင်းမြစ်များ

2 Samuɛl 6:12

Wo da a fe lɛ minwiinzan David lɛ léé: Bale lé kɛsu we ma, Gakelebale Obɛd‐Édom valé élé fɛnu faa drɔɔ vo. Yé David zi sia yé é Bale lé kɛsu si Obɛd‐Édom lé kɔn gi yé é goan David lé fla gi nanale blɛn nya.

1 Minwiinzannu 8:63

Minwiinzan Salomɔn bɔvɔ sarakanu bo Gakelebale lɛ diri baa vu ta do valé ’bla baa yɔ yaa. ’Bɛ zo lé minwiinzan blɛn valé élé munu faa kɔn pa é yɛrama Bale zé nya.

Minwiinzannu lé Wezuofe Sɛbɛ 13:8

David valé Izraɛlnu faa nɛnɛ bo wolé plɛplɛ faa nya Gakelebale ’lɛ, ’té woo lɛrɛ vɔa kɔnɔnu koo, kpélénu koo, flinnu koo, kɔanu koo, bélinu koo, wo va.

Minwiinzannu lé Wezuofe Sɛbɛ 15:12

É lé wo lɛ léé: Ka a Lévinu gɔnɔla guniwuonu nya; ’kabo kɛlɛ é zima, ka valé ka bwenu, yé ’ka da Gakelebale, Izraɛl lé Bale lé kɛsu nya, fɛ lé maa ana ma’lɛrɛ azé nya, ana.

Minwiinzannu lé Wezuofe Sɛbɛ 15:16

Yé David lé Lévinu ’lɛzannu lɛ léé, ’wo lɛrɛvɔafɛnu nɔ lɛrɛvɔzannu lɛ; gitaanu koo, kɔnɔnu koo, kɔanu koo, é a lé wo wo gyɛ yé wo we plɛplɛ, gi nanale tɔmase nya.

Minwiinzannu lé Wezuofe Sɛbɛ 15:28

Izraɛlnu faa go Gakelebale lé gipawe pagikɛsu nya ginana siaale nya, ’té woo béli gɔnɔ fié fɛɛn, ’té woo kɔanu gya, ’té woo gitaanu valé kɔnɔnu gya.

Minwiinzannu lé Wezuofe Sɛbɛ 15:4

David Arɔn benu valé Lévinu zén ékeva.

Minwiinzannu lé Wezuofe Sɛbɛ 16:42

Éman valé Jédutun a wo va, bélinu koo, kɔanu koo, fɛ bɛnu lé woo lɛrɛ vɔa wo va yé wo Kazambale tɔ bɔ koo, wo ’bɛnu bɛ pa ’bɛnu ɛ lee. Jédutun benu a kɔntayuɛpazannu nya.

Minwiinzannu lé Wezuofe Sɛbɛ 16:5

A vininzan a Azafa nya; ’bɛ é zuo a fiézan a Zakari nya, ’bɛ é zuo Jéiɛl, Sémiramɔt, Jééiɛl, Matitia, Éliab, Bénaja, Obɛd‐Édom valé Jéiɛl. Lɛrɛvɔvafɛnu a wo lee, gitaanu valé kɔnɔnu nya; yé Azafa kɔanu gyɛ.

Minwiinzannu lé Wezuofe Sɛbɛ 23:5

mi baa fié ’é kɛlɛ kɔntayuɛpazannu nya ma, mi baa fié ’é Gakelebale tɔ bɔ, lɛrɛvɔafɛnu lé maa wo kɛlɛ a tɔ kɛlɛle blɛn we ma, wo nya.

Minwiinzannu lé Wezuofe Sɛbɛ 26:31

Ébrɔnnu lé ke bɛ, ’té Jérija ɛ ke wo nwiinzan nya, David plale mi nwiin lɛɛ yɔ fiézan nya, wo wolé we nagini mi tranu tɔgyɛlasɛbɛnu gi, ’bɛ valé wo tranu gɔnɔ gi, yé wo takinizannu ye wo va Jaézɛɛ, Galaad tɛrɛ la.

2 Minwiinmunu lé Wezuofe Sɛbɛ 29:25

É Lévinu dɔ Gakelebale lé kɔn gi, kɔanu koo, gitaanu koo, kɔnɔnu koo, wo nya wo lee, David koo, minwiinzan blɛn lé fɛnayezan Gad koo, balelawefezan Natan koo, wo dére yɛrama. Naa, Gakelebale lé bélidɔwe lé é a nɔ ’élé balelayezannu lɔlu nya, yee lé.

2 Minwiinmunu lé Wezuofe Sɛbɛ 29:30

’Bɛ zuo minwiinzan blɛn Ézékia valé mi zi ’lɛzannu lé Lévinu lɛ léé, ’wo Gakelebale tɔ ma gyɛ David valé balelayezan Azafa dérenu nya. Yé wa tɔ ma gyɛ ginanale lé é gié é glɛ la, a nya, yé wo ’wo ’wuo tua yé wo dia ’wo bli la.

2 Minwiinmunu lé Wezuofe Sɛbɛ 7:6

Balebanzannu dɔ ’wo dɔna; Lévinu é ziin, wo dɔ ana, ’té lɛrɛvɔafɛnu lé David a kɛlɛ Gakelebale tɔ bɔle we ma, a tɔ zin fele we gi bɛ, ’té wa Lévinu lee. Naa, David a fe wo lɛ léé, ’wo Gakelebale tɔ nwa a fele nya léé: Naa, a nyanai éé zén‐é yifaama. Balebanzannu dɔ ’bɛnu yara, ’té woo bélinu fɛɛn. ’Té Izraɛlnu faa ana.

Ezidras 6:16

Izraɛlnu koo, Balebanzannu valé Lévinu koo, luugimunu pɔnénu koo, wo kɔn ’ko nɔ Bale lɛ ginanale nya.

Néémi 11:20

Izraɛl mi pɔnénu, ’té wo ke Balebanzannu valé Lévinu nya, wo nyana Juda lé flanu faa la, wo faa do do lé nyanana.

Néémi 12:43

’Bɛ yi la, wo saraka kiɛre bo, yé wo wobo nɔ zanagyɛle lɛ; naa, Bale ginanawe blɛn kɛlɛ munu lɛ, azama. Lomu valé nénu é ziin, wo gi nana, yé Jérusalɛm munu lé ginanadére bɔ baa.

Néémi 8:17

Munu faa lé wo si luu gi yé wo zén ékeva, wo ’wolé faanu dɔ yé wo yii a wuo. É sia Nɛn be Jozué bléyi va fɔɔ yee yi ’ko nya lé Izraɛlnu ’bɛ zoɛ bɛ kɛlɛ. Yé wo gi nana é baba.

Lɛrɛvɔ Sɛbɛ 149:3

’Wo a tɔ zin fe nɛnɛbole nya ma, ’Wa kɛlɛ blɛn poo gyɛle valé kɔnɔ gyɛle nya ma.

Lɛrɛvɔ Sɛbɛ 30:1

Lɛrɛ do lé. Lɛrɛ lé wa vɔ kɔn pale é yɛrama we gi. David zé lé.

Bélidɔwesɛbɛ Fiézan 16:11

I gi é dan nana lɛ Gakelebale ilé Bale ’lɛ, fɛna do lé Gakelebale, ilé Bale é dan a si lɛ a va ’é tɔ pale a ma we gi, ana; bii koo, i be koo, i lu koo, i wuogɔné koo, i wuole koo, Lévi mi lé é ke é nyanale ka va koo, bɛn bɛ mi koo, ti valé bugalazan valé zanagalale lé ke ka va koo, ka faa gi ’é nana wo nya.

Bélidɔwesɛbɛ Fiézan 20:5

’Bɛ zuo, guli zilɛzannu wo dan we fe lɛ munu lɛ léé, mi kyɛn ɛ kɔn dɛrɛ dɔ yé é ’ka tan nyana lɛ a gi loo? ’É diéra yé ’é go ’élé kɔn ’léé, dé guli é da a gyɛ yé mi bɛ é nyana alé kɔn gi.

Filip munu 4:4

Ka gi ’é nana yifaama Mizan gi; Maa a taa fé léé, ka gi ’é nana ma.

Wegɔɔnle 5:8

É sɛbɛ si aan wo, fɛ yuɛmale ziɛn valé mi segele yɔ do wɔlɛ ziɛn dia ’wo bli ta ’Blané ’lɛ, ’té kɔnɔ valé kyankananu a wo lee do do, yé lasikɔrɔ lé é ke Kazambale lé munu lé bazorolenu nya, é a é fanle yee kananu nya.