Néémi 10:39 - Kazambale lé Sebe Sauunu 1979

³⁹ Naa, kolé blɛnu lé ke ’sa koo, dɔrɔ’yi vinin koo, nyɔnɔ koo, wo nya, Izraɛlnu valé Lévi benu ’é go wo nya kɔnmi ’konu zi; ana lé Bale lé kɔn gi nyanamapafɛnu ke; Balebanzannu lé woo nyanama paan koo, kɔntayuɛpazannu koo, lɛrɛvɔzannu koo, ana lé woo dɔa. ’Ko zo lé ko dére kɛlɛ do léé, ko ’ka dan sɔn vɔ lɛ kolé Bale lé kɔn ma lo.

Néémi 10:39 ပူးပေါင်းရင်းမြစ်များ

2 Minwiinzannu 7:10

Wo go yé fla taginizannu lé wo ke flagɔrɔ ’léé, wo wo laa yé wo lé wo lɛ léé: Ko go Sirinu lé sɔkɔn dɔna, ’té mi do kpen ’ka ana lo, yé ko ’ka mi dére ’ma lɛ ana lo; wisoonu valé sokofalenu lé wo polu ke é dɔle, wo saa ɛ ke ana, yé sɔkɔnnu a wo dɔbɛ gi.

2 Minwiinmunu lé Wezuofe Sɛbɛ 31:11

Ézékia lé munu lɛ léé, ’wo Gakelebale lé kɔnmizinu ma’lɛrɛ, yé wa kɛlɛ.

2 Minwiinmunu lé Wezuofe Sɛbɛ 31:12

Yé wo da blɛnu koo, fɛvuzannu koo, fɛnu faa lé wa pa é yɛrama Bale zé nya koo, wo nya yarapalale nya. Lévi mi Konania a fɛ ’konu nwiinzan nya yé a bwe Siméi a a bɛgizan nya.

Néémi 12:47

Zorobabɛl valé Néémi bléyi va, Izraɛlnu faa éé fɛ no lɛrɛvɔmunu valé kɔntayuɛpazannu lɛ, yi faa do do ma; fɛnu lé é ke é pale é yɛrama, wa nɔ Lévinu lɛ, yé ’bɛnu éé fɛ pale é yɛra?-?manu no Arɔn benu lɛ.

Lɛrɛvɔ Sɛbɛ 122:9

Gakelebale, kozé Bale lé kɔn lé we ma, An bli a a lɛ léé, ilé we ’é kɛlɛ é sɔke.

Mi Nɔnɔle 18:26

Bé fe Lévinu lɛ léma: Izraɛlnu lé fɛvuzannu lé maa a nɔ ka lɛ wo bɛ nya, ’té ka a ye kazé fɛ nya bɛ, ’ka Gakelebale ban a va fɛvuzan nya;

Mi Nɔnɔle 18:30

Bé fe wo lɛ léma: Dé ka fɛ zima baba si a va, a pɔnénu é dan vo lɛ Lévinu lɛ bélé wolé ’sa sunwona fɛ zo, é valé dɔrɔ borona gi dɔrɔ zo.

Bélidɔwesɛbɛ Fiézan 12:17

Kalé ’savuzan koo, kalé dɔrɔ’yi vinin vuzan koo, kalé nyɔnɔ koo, kalé dirinu lé né vinin zannu koo, kalé ’bla valé kalé boli lé né vininzannu koo, kalé bale kunle lɛ sɔɔ sarakanu koo, kalé bli drɔɔ blɛ koo, kalé féifɛ vininnu koo, té ka wo do kpen ble fla lo.

Ébrunu 10:25

Té ka sɔn vɔ ka zénle ékeva ma lo, bélé fɛan zo lé mi kenu ke a kɛlɛna, a zo lo, naa, kaa we pla kaa ke lɛ, yé dé kaa a ye léé, Jézu dayi bɔ é pu, kaa ’bɛ kɛlɛ é ziin é baba ma.