Néémi 10:37 - Kazambale lé Sebe Sauunu 1979

³⁷ Ko fe é ziin léé, kolé buruyɔ vinin valé kolé blɛnu koo, yili faa poronu koo, dɔrɔ’yi vinin valé nyɔnɔ koo, ko dan da lɛ wo nya Balebanzannu lɛ kolé Bale lé kɔnminu zi. Ko dan kolé féifɛnu vuzan nɔ lɛ Lévinu lɛ. ’Té é a lé wa si woboan, fla faa lé ko féi paan wo ta, wona.

Néémi 10:37 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 31:6

Yé Izraɛlnu valé Judanu lé woo nyanaan Juda flanu ta, wo wi blɛnnu valé wi kiénénu vuzan nɔ, é valé fɛ sauunnu lé wo wo pa é yɛrama Gakelebale wolé Bale zé nya, wo wo va fɛvuzan nɔ. Yé wo wo zun dɔ kiɛre.

Néémi 13:10

Maa a ’ma é ziin léé, wo ’ka Lévinu lé fɛnu nɔ lɛ wo lɛ lo, yé Lévinu valé lɛrɛvɔmunu lé ke Bale lé nyanamapazannu nya, wo faa fwila yé wo go ’wolé tɛrɛ la.

Néémi 13:12

’Bɛ zuo, Judamunu faa da ’sa vuzannu koo, dɔrɔ’yi koo, nyɔnɔ koo, wo nya, fɛtéékɔn gi.

Néémi 13:9

yé maa lé wo lɛ léé, ’wo kɔnmi zi ’ko ’lɛ dɔ é pa gi yé Bale lé kɔn gi nyanamapafɛnu koo, blɛnu koo, lasikɔrɔpo koo, maa wo pla ana wo pa gi.

Fwile 13:12

ka dan né vininnu faa pa lɛ é yɛrama Gakelebale zé nya, dé é a kalé winu lé né vininnu nyaoo, gɔnénu a Gakelebale zé nya.

Fwile 13:2

Izraɛl lé né vininnu faa a anzé nya, ’bɛ valé winu lé né vininnu nya.

Lévinu 23:17

’Ka buru fié si kalé kɔn gi a diale é bɛ fié la we gi; ’ka wo kɛlɛ burupun zima suoné fié nya yé ’ka lévɛn vɔ a va yé ka pane; é a fɛvininzan nya Gakelebale zé nya.

Malasi 3:10

’Ka da kalé fɛvuzannu faa nya fɛwezan tadɔkɔn gi, léé, fɛblele ’é kɛlɛ anlé kɔn gi; lai sunyanu lé Gakelebale léé: ’Ka an gi dan a nɔle nya, yé ka dan a ye lɛ léé, maa la lɛ so ka lɛ yé maa ka drɔɔ vo fɔɔ, yé é gié é glɛ la.

Malasi 3:8

Mi éé dabli kɛla Bale lɛɛ? Naa, ka dabli kɛlɛ an lɛ. Yé ka léé: Ko dabli kɛlɛ i lɛ kaa? Ka dabli kɛlɛ an lɛ kalé fɛvuzan valé blɛfɛ nɔle nya.

Mi Nɔnɔle 18:15

Naa, we do ana, é a lé wo blami lé né vininzannu tabo, yé wi lé wo ’ka a blé lo, ’wo wolé né vininzannu tabo.

Mi Nɔnɔle 18:18

Wo wi é dan kɛlɛ lɛ izé nya, ’bɛ gi léé, a tɔn lé wa diaan é bɛ fié la, yee valé a bɛyi bɛapaboro nya.

Mi Nɔnɔle 18:21

Maa Izraɛl lé fɛvuzan faa nɔ Lévi benu lɛ wozé nya, nyanama lé wa paan zén‐ékevasɔkɔn gi, a ma ban nya.

Rom munu 11:16

Dé féifɛ vininzannu a Bale zé nya, ’té a pɔnénu a azé nya é ziin. Yé dé yili suni a Bale zé nya, ’té a bɛnu a azé nya é ziin.

Bélidɔwesɛbɛ Fiézan 14:22

’Ka fɛvuzan si kalé féifɛnu faa va lɛɛ faa do do ma.

Bélidɔwesɛbɛ Fiézan 18:4

Kalé ’sa vinin koo, kalé dɔrɔ’yi vinin koo, kalé nyɔnɔ vinin koo, kalé ’blanu kyɛɛ lé ka bɔi é vinin koo, ’ka wo nɔ Balebanzannu lɛ;

Bélidɔwesɛbɛ Fiézan 26:2

kalé tɛrɛ lé Gakelebale, kalé Bale a nɔ ka lɛ, ka dan a ta féifɛ vininnu faa si lɛ yé ka wo pa kyɛɛ gi yé ka go wo nya fɛna do lé Gakelebale, kalé Bale é dan a si lɛ a va é tɔ pale a ma we ma, ana.