Néémi 10:31 - Kazambale lé Sebe Sauunu 1979

³¹ yé dé tɛrɛ ’ko la munu da danfɛnu valé blefɛnu nya flinyi nya wo danle we ma, ko fe léé, ko ’ka dan wo va fɛ do kpen lɔ lɛ flinyi valé fɛtiyi la lo, yé é ziin, ko fe léé, a lɛɛ sɔrafiézan nya, ko ’ka dan féi pa lɛ lo, yé munu lé kolé vɛɛn ke wo ma, ko ’ka dan go lɛ vɛɛn la wo va ’bɛ lɛɛ gi lo.

Néémi 10:31 ပူးပေါင်းရင်းမြစ်များ

2 Minwiinmunu lé Wezuofe Sɛbɛ 36:21

Gakelebale dére lé é a fe Jérémi lɔlu nya bɛ, yé a lɛɛ é sɔɔ; fɔɔ yé tɛrɛ gi é nana élé flin lɛɛnu lé we ma. Naa, tɛrɛ flin a sɛrɛle tata bléyi faa va, fɔɔ, yé a lɛɛ yɔ yaa wɔlɛ vu lɛ sɔɔ, a zo.

Néémi 13:23

’Bɛ bléyi duo va, an Juifinu ye, ’té Azdɔd lomu koo, Amɔn lomu koo, Moab lomu koo, ’té wo wo si wo nanu nya.

Néémi 13:27

É a lé wo ka ma we fe léé, ka é ziin, ka weple blɛn ’ko zo kɛlɛ, yé ka wenyané kɛlɛ kolé Bale ma, bɛnlomu sile nyaa?

Fwile 12:16

Fɛti yi vininzan a yi plɛplɛ nya; ka dan zénle ékeva sauun do kɛlɛ lɛ a yi la; a yi sɔrafiézan a yi plɛplɛ nya; ka dan zénle ékeva sauun do kɛlɛ lɛ ’bɛ yi la é ziin. Té ka nyanama pa yi ’konu nya lo; ’ka fɛ dɔne é pla.

Fwile 20:10

A yi sɔrafiézan a Gakelebale, ilé Bale lé flinyi nya; té i nyanama do kpen pa lo, bii koo, i be koo, i lu koo, i wuogɔné koo, i wuole koo, ilé wi koo, bɛn lé é ke ilé kɔn gi koo, té ’wo nyanama do kpen pa lo.

Fwile 34:16

dé ka da wo lunu si ka benu nanu nya, yé wo lunu lé woo goo wolé balenu zuo bélé bɔrɔdɛ le éé goo gɔnénu zuo fɛan zo, a zo, dé wo da ka benu sia ana yé wo go wolé balenu zuo, bɔrɔdɛ le éé goo gɔnénu zuo fɛan zo, a zo.

Ézai 58:6

Lɔrɔsɔnle lé éé an gi nanaan, yee lé ke ’ko: Munu lé ka wo vɔ bokɔn gi é pla, ’ka wo bɔra; ’ka luubale kini munu bɔrɔ ma; munu lé ka yaan wo ta, ’ka wo vo woboma; munu lé ka kɔné blɛn dɔ wo nwiin, ’ka wo vo woboma.

Lévinu 16:29

Kalé bélidɔwe do lé a glɛ ’ka lo, yee lé ke ’ko: Moné sɔrafié lé yi vuzan nya, ka dan kabo kɛlɛ lɛ kiéné; té ka nyanama do kpen pa lo, flazan koo, bɛn bɛ mi lé éé nyanaan ka va koo, té wo nyanama pa lo.

Lévinu 23:21

A yi duo nya, ka dan fɛti zana dɔɔ lɛ yé ka dan zénle ékeva plɛplɛ do kɛlɛ lɛ; té ka nyanama pa lo, ’té dé é ’ka ka ma’lɛrɛle nya lo. É a bélidɔwe lé é ’ka nyaan lo, a nya, ka kulunu zé nya, ka gɔnɔ faa gi.

Lévinu 23:3

Ka dan nyanama pa lɛ yi suiɛdo; naa, yi sɔrafiézan a flinyi nya; ’bɛ ɛ ke ka nyanayi nya; wo dan zénle ékeva plɛplɛ do kɛlɛ lɛ. Té ka nyanama do kpen pa lo; é a Gakelebale lé flinyi nya, ka nyanana faa na.

Matio 6:12

’i ko ma we vo, munu lé wo wenyané kɛlɛ ko lɛ, ko wo ma we vo fɛan zo, a zo.

Kolɔs munu 2:16

Bɛwemalé, té ka nyi si léé, mi do é ka béli dɔ fɛblele koo, fɛminile koo, fɛti lé we koo, moné dɛrɛ lé we koo, flinyi lé we koo, wolé we ma lo.

SEBE LÉ JAK A GYE (Épitre de Jacques) 2:13

Mian a nyanai ’ka zén‐é lo, mi nyanai ’ka zén‐é ’bɛzan ta alé weblena lo. Nyanai zénle éé weblele keleé.