Néémi 10:29 - Kazambale lé Sebe Sauunu 1979

²⁹ wo zén wo bwenu lé wo ke tɔzannu nya, wo va. Wo bale ’nyɔɔn léé, wo dan dɔ lɛ bélidɔwe lé Bale wuozan Moizi a fe, a ta; yé Kozan Gakelebale lé bélidɔwe sɔnnénu faa koo, a déretawenu koo, alé bélidɔwenu koo, wo dan wo ta tawo lɛ yé wo dan wo lɛdɔ lɛ a ma.

Néémi 10:29 ပူးပေါင်းရင်းမြစ်များ

2 Minwiinzannu 10:31

Naa, Jéu ’ka tawo lɛ Gakelebale, Izraɛl lé Bale, lé bélidɔwe ta é bli faa nya lo; wenyanénu lé Jéroboam Izraɛl kɛlɛ wo kɛlɛzannu nya, é ’ka daan lɛ wo kɛlɛle ma lo.

2 Minwiinzannu 23:3

Minwiinzan blɛn dɔ kpala ta, yé é dɔ Gakelebale dére ta yé é léé, ’é dan tawo lɛ Gakelebale zuo, a déretawenu koo, alé weplalenu koo, alé bélidɔwe koo, ’é dan a kɛlɛ lɛ é bli valé é léli faa nya, yé gipawe dérenu lé wa gyɛ sɛbɛ ’ko gi, ’é dan wo ta tawo lɛ. Yé munu faa dɔ a ta é ziin.

Minwiinzannu lé Wezuofe Sɛbɛ 9:2

Wo sile luu gi zuo, mi vininnu lé wo nyana wolé fɛna, wolé flanu ta, wa Izraɛl munu nya; Balebanzannu koo, Lévinu koo, Bale lé kɔn gi nyanamapamunu koo, woo lé.

2 Minwiinmunu lé Wezuofe Sɛbɛ 34:31

Minwiinzan blɛn dɔ élé kpala ta, yé é gi pa Gakelebale va, yé é léé, ’é dan tawo lɛ Gakelebale zuo, yé alé bélidɔwenu koo, a déretawenu koo, a sɔnnénu koo, ’é dan a kɛlɛ lɛ ’é bli valé ’éboen faa nya, gipadérenu lé wa gyɛ sɛbɛ ’ko gi, tawole wo ta we gi.

2 Minwiinmunu lé Wezuofe Sɛbɛ 6:16

Sin, Gakelebale, Izraɛl lé Bale, blivolɛderé lé bé fe an ti David lɛ, ’bé tawe kɛlɛ ma. I lé a lɛ léé, é ’ka dan vuru lɛ é paizan nyanale ma Izraɛl nwiinzan blɛn lé webleblin ta ’é ’lɛ lo, ’té dé a benu é yuɛ pa wo giégane va yé wo tawo ’é ’lɛ ’élé bélidɔwe yɛrama, éé tawoo ’é ’lɛ bɛan zo, a zo. A zo lé bé fe.

Néémi 13:25

An we pla wo lɛ yé an bale pa wo ma. Maa wo va mi kenu bla, yé an wo nwin soowɔla, yé maa léé, ’wo bale ’nyɔɔn léé, ’wo ’ka dan ’wo lunu nɔ lɛ wo benu lɛ lo; yé ’wo ’ka dan wo lunu si lɛ ’wo benu valé wobozen zé nya lo.

Néémi 7:46

Bale lé kɔn gi nyanamapazannu lé ke ’ko: Sisa kulunu koo, Azufa kulunu koo, Tabaɔt kulunu koo,

Néémi 8:2

Yé Balebanzan Ezidras da bélidɔwe sɛbɛ nya zén‐ékeva munu ’lɛ, gɔnénu koo, lomu koo, munu faa lé wa gi maan koo, wo ’lɛ. É a moné sɔrafiézan lé yi vininzan nya.

Néémi 8:3

Ezidras sɛbɛ tafele péli sia bladi, yé é vo a tafena fɔɔ yé yiéyi pa. ’Té gɔnénu koo, lomu koo, munu faa lé wa gi maan koo, wa é zénle ékeva flagɔrɔ ’léé lé wa laama ’yinu, ana. Munu faa vo ’wo tɔné dɔna flee bélidɔwe sɛbɛ ta fe dére lɛ.

Néémi 9:2

Munu lé wo ke Izraɛl bɛnnu nya, yé wo kan kini bɛn bɛnu faa ma, wo bɔra a gi, yé wo ’wolé wenyané fe yé wo ’wo tranu kɛlɛwe plenu fe.

Néémi 9:38

We ’konu faa lé we ma lé ko gi pa do yé ko a gyɛ sɛbɛ ta, yé ko nwiinzannu koo, kolé Lévinu koo, kolé Balebanmunu koo, wo ’wozé tɔmase kɛlɛ zɔrɔkaanyɔɔ ta.

Lɛrɛvɔ Sɛbɛ 105:45

Wolé a déretawenu kɛlɛle we gi, Wolé alé bélidɔwenu ta tawole we ma. ’Ka Gakelebale tɔ zin fe.

Lɛrɛvɔ Sɛbɛ 119:106

An dan anlé balekundére lɛ sɔɔ lɛ, léé, An dan tawo lɛ ilé bélidɔwe tegelenu ta.

Lɛrɛvɔ Sɛbɛ 8:1

Lɛrɛ lé David a vɔle gɔɔn lɛrɛvɔmunu ’lɛzan lɛ; ’wo lɛrɛvɔfɛ Gititi gyɛ a va.

Lɛrɛvɔ Sɛbɛ 8:9

Lagi mianénu koo, wɛyi va pɔnu koo, Fɛnu faa lé woo giéan wɛyi wuo zinu ta koo, woo faa lé.

Ézai 14:1

Naa, Gakelebale é dan é nyanai zén lɛ Jakɔb lé munu ta. É dan Izraɛlnu si lɛ é ziin, é dan wo nyana lɛ kli wolé tɛrɛ la yé bɛnnu é dan nyana lɛ wo va, yé wo dan kɛlɛ lɛ Jakɔb lé munu nya do.

Jérémi 26:4

Bé fe wo lɛ léma: Gakelebale léma: Anlé bélidɔwe lé maa a pla ka ’lɛ léé, ’ka a ta tawo, dé ka ’ka ka tɔné dɔ lɛ an lɛ lo,

Jérémi 34:15

Naa, ’kaa, yi do nya ka ka dɔbɛ nɔla. We lé ke an yuɛ gi tegele, ka a kɛlɛ, yé ka a zana dɔɔ léé, ’ka ka bɔluzannu vo wobo ma; ka dére pa do an ’lɛ, kɔn lé wo an tɔ pa a ma bɛ, a gi.

Ézékiɛl 36:27

Maa dan an léli nyana lɛ ka gi, yé maa dan a kɛlɛ lɛ léé, ka an déretawenu kɛlɛ, yé ka anlé bélidɔwenu lɛdɔma yé ka wo ta tawo.

Lévinu 20:26

Maa, Gakelebale a sauun, amalé ’ka kɛlɛ sauun an lɛ; maa ka valé bɛnnu kini ékema léé, ’ka kɛlɛ anzé nya.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Mi Nɔnɔle 5:21

Yé Balebanzan ’é a fe lezan lɛ léé: Gakelebale a é pale i ma ma, yé i kɛlɛ serelebomazan nya ilé munu méléna ma. I boro ’é ga ma, yé i bɔn ’é zii ma,

WENÉNÉ LE JAN A GYE (Évangile selon Jean) 1:17

Moizi ɛ da bélidɔwe nya, naa, Jézu Krist ɛ da zin valé webozen nya.

WENÉNÉ LE JAN A GYE (Évangile selon Jean) 15:14

We lé maa ka béli dɔ a nya, dé ka a kɛla, ’té ka a an béénu nya.

WENÉNÉ LE JAN A GYE (Évangile selon Jean) 7:19

Moizi ’ka bélidɔwe nɔ lɛ ka lɛ loo? Yé ka va mi do kpen ’ka a kɛlɛna lo. Mɛmalé ka a kwa kulina léé, ka an gyaa?

Kelewenu 11:23

É bɔ aan wo yé é Kazambale lé zin ye wo ta, a gi nana yé é we pla wo lɛ léé: ’Ka vo é yerele Mizan ma bli do nya.

Kelewenu 17:34

Naa, mi kenu pa a va duowo yé wo bli vo Jézu lɛ. Aréopaze mi Dénis koo, lezan lé wa laama Damaris koo, é valé mi kenu koo, woo lé.

Kelewenu 23:21

Té i tɔné dɔ wo lɛ lo. Wo vamunu ’léé gié mi yɔ fié ta, yé wo dan a mabɛn lɛ; wo gi pa do yé wo bale kun léé, wo ’ka dan fɛ do ble lɛ lo, yé wo ’ka dan ’yi mini lɛ lo fɔɔ ’té ’wo Pɔl gyɛ é wo. Sin, wo ma’lɛrɛle nyaa, yé wa ilé a nyi sile ɛ lɛbɛnna.

Rom munu 12:9

Té ka mi lɔrɔ pa dabli nya lo ma. Wenyané za ’é vo ka gi ma. ’Ka kun wezin kɛlɛle ma plɛplɛ ma.

Bélidɔwesɛbɛ Fiézan 33:4

Moizi bélidɔwe nɔ ko lɛ, Yee lé ke Jakɔbnu lé tɔnɔfɛ nya.

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 5:32

We lé Gakelebale, kalé Bale a fe ka lɛ, ’ka a kɛlɛ é zima; dé ka bɛyila léé, dé ka bɛbola léé, té ka nɔla ana lo.