Néémi 1:7 - Kazambale lé Sebe Sauunu 1979

⁷ Ko i ’namawe kɛlɛ, yé ko ’ka i sɔnné pa lɛ lo; bélidɔwenu valé dére lé bé fe i wuozan Moizi lɛ, ko ’ka wo ta tawo lɛ lo.

Néémi 1:7 ပူးပေါင်းရင်းမြစ်များ

1 Minwiinzannu 2:3

’I Gakelebale, ilé Bale lé bélidɔwenu sɔnnénu pa, ’i tawo alé zinu ta, ’i alé bélidɔwe pun tawe kɛlɛ, ’i a dére tawe kɛlɛ, ’i alé webledére tawe kɛlɛ, ’i alé wepladére tawe kɛlɛ, fɛan zo lé wa gyɛ Moizi lé bélidɔwe gi, a zo, yé dé i wean kɛlɛoo, dé i go fɛanaoo, yé a lɛ é sɔɔ i lɛ é zima,

2 Minwiinmunu lé Wezuofe Sɛbɛ 25:4

Naa, é ’ka wo benu gyɛ lɛ lo. We lé é ke é gyɛle Bale lé bélidɔwe gi, Moizi lé sɛbɛ gi, a yɛrama lé é we kɛlɛ. Sɛbɛ ’ko gi lé Gakelebale bélidɔwe nɔ léé: Té wo né tinu gyɛ ’wolé nénu lé we ma lo, yé té wo nénu gyɛ ’wo tinu lé we ma lo. Naa, ’wo mi faa do do gyɛ ébo lé wenyané ma.

2 Minwiinmunu lé Wezuofe Sɛbɛ 27:2

Wean é ke tegele Gakelebale yuɛ gi, é a kɛlɛ, a ti Ozias a kɛlɛ fɛan zo, a zo. Naa, é ’ka wɔra lɛ Gakelebale bangikɔn gi monomono lo. Naa, we do ana. Munu lé weple kɛlɛle gi gyɛ é ziin.

Ezidras 7:6

Ezidras ’ko si Babilɔn; é a sɛbɛgifezan do nya, yé bélidɔwe lé Izraɛl lé Bale, Gakelebale a nɔ Moizi lɛ, é a dɔɔ é zima. Gakelebale alé Bale bɛ a a ta, amalé fɛ faa lé é a ma laa, minwiinzan blɛn a nɔ a lɛ.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 89:31

Dé a benu sɔn vɔ anlé bélidɔwenu ma, Yé dé wo ’ka tawo lɛ an déretawenu ta lo,

Lɛrɛvɔ Sɛbɛ 89:32

Dé wo anlé weplalenu sɛrɛ, Yé dé wo ’ka anlé bélidɔwe sɔnnénu pa lɛ lo,

Ézai 1:4

Wenyanékɛlɛ bɛn, wo gale nyɔ; wa é fanle weplenu nya, wa bɛn nyané nya, wa né sɛrɛlenu nya. Wo sɔn vɔ maa, Gakelebale ma, wo nyé yéli maa, Izraɛl lé Mi Sauun ma. Wo si an ma baa.

Daniɛl 9:11

Izraɛlnu faa ilé bélidɔwe sɛrɛ yé wo ’ka i dére ’ma lɛ lo. Amalé balepalenu valé bale ’nyɔɔnlenu lé wo ke é gyɛle Bale wuozan Moizi lé bélidɔwe gi, wo wo kun. Naa, ko wenyané kɛlɛ Bale ma, azama.

Daniɛl 9:13

We tɔntɔn ’konu faa bɔ ko ma, we lé Moizi a gyɛ bélidɔwe nya, a yɛrama. Naa, ko ’ka zanté vɔ lɛ Gakelebale kozé Bale lɛ lo; ko ’ka sɔn vɔ lɛ kolé weplenu kɛlɛle ma lo; ko ’ka webozen ban lɛ ko tɔné nya lo.

OZÉ (Osée) 9:9

Wa é vɔnle bélé we lé é bɔ Gibéa yi la, a zo; wolé weple sele é dan dɔ lɛ Gakelebale gi, yé é dan we lɛdɔ lɛ wo gi wolé wenyanénu ma.

Lévinu 27:34

Bélidɔwenu lé Gakelebale a nɔ Moizi lɛ Izraɛlnu zé nya Sinai gɔ nwiin, wo lé ke bɛ.

Sofoni 3:7

Dé é a kɔɔn léé, i kana an lee, yé i i drɔle nyi si, ’té wo ’ka kɔɔn i nyanana ’wiié lo, ’té we faa lé maa a fe kɔɔn léé, maa lɛdɔa i gi, ’té maa ’ka a kɛla é dɛrɛ lo. Naa, wo ta a é kelekele wo kɛlɛwenu faa tiri dɔle we ma.

Malasi 4:4

Bélidɔwe lé maa a nɔ an wuozan Moizi lɛ Orɛb gɔ nwiin, a sele ’é dɔ ka gi; maa wepladére valé sɔnnénu fe a lɛ Izraɛl faa zé nya.

Bélidɔwesɛbɛ Fiézan 4:1

Sin, Izraɛl munu, bélidɔwenu valé gɔnɔlawenu lé maa a gona paana ka gi bɛ, ’ka tɔné dɔ wo lɛ. ’Ka wo ta tawo, ka vole é yuɛma we ma yé tɛrɛ lé Gakelebale, ka tranu lé Bale, a nɔ ka lɛ, yé ’é kɛlɛ kazé nya.

Bélidɔwesɛbɛ Fiézan 4:5

Ka ye, maa Bale lé bélidɔwenu valé alé gɔnɔlawenu paa ka gi, Gakelebale, anlé Bale a pa an ’léé fɛan zo, a zo, kalé wo ta tawole we gi, tɛrɛ lé ka dan a kɛlɛ lɛ kazé nya, a ta.

Bélidɔwesɛbɛ Fiézan 5:1

Moizi Izraɛl munu faa laa yé é lé wo lɛ léé: Izraɛl munu, bélidɔwenu valé ka gɔnɔlawenu lé maa a wo fena ka lɛ kyɔ, ’ka tɔné dɔ wo lɛ. ’Ka wo pa ka ’wuo gi, yé ’ka wo ta tawo é zima ma.

Bélidɔwesɛbɛ Fiézan 6:1

Bale sɔnnénu lé Gakelebale, kalé Bale a fe léé, maa a paa ka gi, wo valé bélidɔwenu valé ka gɔnɔlawenu nya, wo lé ke ’ko. É léé, maa wo paa ka gi yé ka wo ta tawo, tɛrɛ lé ka dan a si lɛ kazé nya, a ta.

Wegɔɔnle 19:2

naa, alé weblelenu a webozen valé we tegele nya; gɔnégini le baba lé, é tɛrɛ sɛrɛ élé pɛnpɛnnégyɛle nya, é alé we ble, yé ’é wuomunu nyɛ lɛgi pa a ma.