Néémi 1:6 - Kazambale lé Sebe Sauunu 1979

⁶ ’i an ban i tɔné nya, yé i yuɛ é vo é fuole an lɛ. Ba lé i wuozan ke a zorona bléyi ’ko va, i wuozannu Izraɛl lé we ma bladi nyanadi, ’i tɔné dɔ a lɛ. An Izraɛlnu lé wenyané fé, wenyanénu lé ko kɛlɛ i ma, maa a wo fena. Naa, maa valé an ti lé kɔn gi munu, ko wenyané kɛlɛ.

Néémi 1:6 ပူးပေါင်းရင်းမြစ်များ

1 Minwiinzannu 8:30

Dé i leezan valé ilé munu Izraɛl bazoro fɛkona, ’i tua yé ’i wolé zantévɔdére ’ma ma. ’Bé ’ma i nyanana lanu gi loru, ’bé ’ma yé ’i wo ma we vo ma.

1 Minwiinzannu 8:47

dé wo ’wuo dɔ ’wo ta é ziin wolé luu tɛrɛ la, dé wo da i va é ziin yé wo zanté vɔ i lɛ wo kunmunu lé tɛrɛ la, yé wo léé: Ko wenyané kɛlɛ, ko weple kɛlɛ, ko wenaané kɛlɛ,

2 Minwiinmunu lé Wezuofe Sɛbɛ 28:10

Yé é dɔ sin ka gi léé, ka Jérusalɛm munu valé Juda munu kɛlɛ kalé luunu nya. Naa, ’kaa, ka ’ka wegyɛzannu nya Gakelebale kalé Bale yuɛ gi loo?

2 Minwiinmunu lé Wezuofe Sɛbɛ 29:6

Naa, ko tranu wenyané kɛlɛ, we lé é ke é naané Gakelebale kolé Bale yuɛ gi, wa kɛlɛ yé wo sɔn vɔ Bale ma; wo yara si Gakelebale lé kɔn la yé wo nwunzi dɔ a ta.

2 Minwiinmunu lé Wezuofe Sɛbɛ 6:40

Sin, anzé Baleoo Bale, i yuɛnu ’é vo é fuole yé ’i tɔné dɔ ba lé wa zoro fɛkona, a lɛ.

Ezidras 10:1

Ezidras a ba ’ko zorona bléyian va, ’té éé wolé wenyané fé wuvɔle nya, ’té é a é diale Bale lé kɔn ’léé; yé Izraɛlnu gu blɛn da zén lɛ a zi, gɔnénu koo, lomu koo, nénu koo, wo nya; yé wo yuɛyi vo yorona é baba wuvɔle nya.

Ezidras 10:11

Sin, ’ka ka saanna fe Gakelebale, ka tranu lé Bale lɛ, yé ’ka alé blibɔmawe kɛlɛ. ’Ka kan kini tɛrɛ ’ko la munu valé bɛnlomu ma.

Néémi 1:11

Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

Lɛrɛvɔ Sɛbɛ 102:17

Iin, Gakelebale é dan Siɔn dɔ lɛ é ziin. É dan ébo gɔɔn lɛ munu lɛ élé fua nya.

Lɛrɛvɔ Sɛbɛ 106:6

Ko wenyané kɛlɛ bélé ko tranu zo, Ko weple kɛlɛ; ko wenaané kɛlɛ.

Lɛrɛvɔ Sɛbɛ 130:2

Mizan, ’i an dére ’ma ma. ’I tɔné dɔ Anlé zantévɔdére lɛ ma.

Lɛrɛvɔ Sɛbɛ 32:5

Maa anlé wenyané bɔra i lɛ, an ’ka anlé weple yɔɔ lɛ lo. Maa léé, an dan anlé wesɛrɛlenu fe lɛ Gakelebale lɛ. Yé wenyané lé é an wɔlɛ gi nyaa an ma, bé fwi. Ka ye do.

Lɛrɛvɔ Sɛbɛ 34:15

’I si wenyané ma baa, yé ’i wezin kɛlɛ. ’I vole drɔɔ nagini yé ’i go a zuo ma.

Lɛrɛvɔ Sɛbɛ 55:17

Yé maa, an siaan Kazambale lɛ, Yé Gakelebale é dan an si lɛ we gi.

Lɛrɛvɔ Sɛbɛ 88:1

Ezra mi Éman lɛrɛ ’ko vɔle gɔɔn lɛrɛvɔmunu zilɛzan lɛ. Bale tɔbɔlɛrɛ lé. Koré kulunu lé lɛrɛ lé. ’Wa vɔ séén va.

Ézai 6:5

Yé maa léé: Wenaané kɛlɛ an lɛ! Maa a é sanle weboen nya, naa, maa a mi lé a lɔlu tiri ke é dɔle, a nya, yé maa nyanaan munu lé wo lɔlu tiri ke é dɔle, wo va; maa Minwiinzan blɛn, lai sunyanuzan Gakelebale ye an yuɛ nya, azama.

Jérémi Lé Wuvɔ Sɛbɛ 5:7

Ko tinu lé wo wenyané kɛlɛ, wo ’ka ana é dɛrɛ lo, Yé ko wo pagi weple kɔné si.

Daniɛl 9:15

Yé sin, Mizan, kolé Bale, biian ilé munu si Éjipiti tɛrɛ la i bɛ plɛplɛ nya yé i tɔ kɛlɛ blɛn fɛan zo lé é ke kyɔ, a zo, ko wenyané valé weple kɛlɛ i ma.

Daniɛl 9:20

An vo wefena ’té an bazoroan, yé anlé wenyanénu valé anlé munu Izraɛl munu lé wenyanénu fe, yé maa anlé zanté vɔ Gakelebale anlé Bale lɛ, anlé Bale lé gɔ plɛplɛ lé we ma.

Daniɛl 9:4

An bazoro Gakelebale anlé Bale lɛ, yé an wenyané ’ko fe a lɛ léé: Mizan, Bale blɛn lé éé kana zén‐é mi gi, biian i dɔa ilé gipawe ta, yé munu lé i sɔ wo lɛ yé woo ilé bélidɔwe sɔnnénu paan, i nyanai ’é zén ko ta.

Daniɛl 9:5

Ko wenyané kɛlɛ; ko weplenu kɛlɛ; ko a mi nyanénu valé nwamimazannu nya. Ko sɔn vɔ ilé bélidɔwe sɔnnénu valé i déretawenu ma.

Daniɛl 9:8

Mizan, ko koo, ko nwiinzan blɛnnu koo, ko nwiinzannu koo, ko tranu koo, ko wenyané kɛlɛ i ma, amalé yara ko gyɛ.

WENÉNÉ LÉ LUK A GYE (Évangile selon Luc) 18:7

Yé munu lé Bale wo si a va ézé nya, ’té woo siaan a lɛ bladi nyanadi, é ’ka dan wo nyanémunu lé we ble lɛ loo? É dan mɔn lɛ faa ’lɛ yé é wolé we blee?

WENÉNÉ LÉ LUK A GYE (Évangile selon Luc) 2:37

’Bɛ zuo yé é vo gyɛzarale nya, yé a lɛɛ a yɔ ziɛn wɔlɛ ziɛn. É ’ka sié Balebangikɔn gi lo, ’té é Kazambale bɔa lɔrɔ sɔnle valé bazorole nya, bladi nyanadi.

Éfez munu 2:3

Ko é ziin, ko faa a wo va mi kenu nya é vinin, ’té ko ko dɔbɛ kyɛn lé sɔlɛwe kɛla, yé ko ko dɔbɛ kyɛn valé ko ’wuogibɔrɔlenu lé blibɔmawenu lɛ sɔɔan. Ko dɔbɛ ’ko, é ko kɛlɛ blifliémazannu nya bélé mi pɔnénu zo.

1 Timoté 5:5

Le lé é ke gyɛzarale nya, ’té alé mi ’ka lo, ’té é ke é vole é do, a bli a Kazambale lɛ, yé éé yara paan fɛnu ma laale valé bazorole ta tu valé é kinile ma.

2 Timoté 1:3

Bale lé an tranu a bɔ, yee lé maa a bɔa wo pa gi, ’té anlé wevasibli ’ka we dɔa an nwiin lo. Maa yee Bale bɔ vɔa bladi nyanadi yé an ’ka daan i ma bazorole ma lo;

1 Jan 1:9

Dé kaa kaalé wenyanénu fe, Bale a yarapawelazan nya yé é a tegele yé é kaa ma we voo yé éé weple faa sié kaa lee, yé é kaa kɛla tata.

1 Samuɛl 15:11

Saul diéra an zuo, yé é ’ka tawoo an dére ta lo, amalé an bli nɔla a dɔle minwiinzan nya we ma. Samuɛl bli kyɛ dɔ yé é tu kini wuvɔle nya Gakelebale lɛ.