Néémi 1:5 - Kazambale lé Sebe Sauunu 1979

⁵ yé maa léé: Gakelebale, lanu lé Bale, Bale blɛn, kana a lee Bale, bii lé ilé gipawe lɛsɔɔan, yé munu lé i sɔ wo lɛ, ’té woo ilé bélidɔwe ta tawoo, i nyanai éé zén‐é wo ta,

Néémi 1:5 ပူးပေါင်းရင်းမြစ်များ

1 Minwiinzannu 8:23

yé é léma: Oo Gakelebale, Izraɛl lé Bale, dé é a lagi nyaoo, dé é a tɛrɛ la nyaoo, i danmabale ’ka wona lo. I wuozannu lé woo tawoo i ’lɛ wo bli faa nya, i gipawe lɛ sɔɔan wo lɛ yé i nyanai éé zén‐é wo ta.

Minwiinzannu lé Wezuofe Sɛbɛ 17:21

Bɛn bɛ a tɛrɛ la bélé ilé munu Izraɛl zoo? I da wo tabo lɛ, wo kɛlɛle ilé munu nya we gi, yé i tɔ nɔ ibo lɛ yé i gyɛzorowe valé we blɛnblɛnnu kɛlɛ bɛnnu binle nya ilé munu lé i wo tabo Éjipiti munu lee, wo ’lɛ. Bɛn bɛ a ’bɛ zoo?

Ezidras 1:2

Pɛɛs munu nwiinzan blɛn Sirus léma: Gakelebale, lanu lé Bale tɛrɛ la fuatɛrɛ faa nɔ an lɛ yé é an bélidɔ léé, ’an kɔn dɔ Jérusalɛm, Juda tɛrɛ la.

Néémi 2:4

Yé minwiinzan blɛn lé an lɛ léé: I léé, maa kɛlɛ kaa? An bazoro lanu lé Bale lɛ,

Néémi 4:14

Maa dɔ loru yé maa fɛ faa nagini, yé maa lé mi blɛnnu koo, minwiinmunu koo, mi pɔnénu koo, wo lɛ léé: Té ka kana wo lee lo. Mizan lé ke blɛn, ’té éé kana zén‐é munu gi, a sele ’é dɔ ka gima, yé ka bwenu koo, ka benu valé ka lunu koo, ka nanu koo, kalé kɔnnu koo, ’ka wo ta guli dan.

Néémi 4:8

Wo ’wo gi pa ékeva do léé, ’wo guli dan Jérusalɛm ma, fla sɛrɛle we ma.

Néémi 9:32

Yé sin, kolé Bale, Bale blɛn, Bale plɛplɛ, kana lee Bale, bii lé i ilé gipawe lɛ sɔɔan yé i nyanai éé zén‐é, ko koo, ko nwiinzan blɛnnu koo, kolé Balebanmunu koo, kolé balelayezannu koo, ko tranu koo, ilé munu faa koo, nyané faa lé ko faa a ble, é sia Asiri nwiinzan blɛnnu bléyi va fɔɔ yé é bɔ kyɔ yi ’ko ma, té bé ye we kiéné nya lo.

Lɛrɛvɔ Sɛbɛ 47:2

’Kaa migɔnɔnu, ’ka faa é bɛ gyɛ. ’Ka siaa Kazambale lɛ ginanale nya.

Lɛrɛvɔ Sɛbɛ 76:8

Oo bii, i kana zén‐é mi gi. Dé i bli fli, de ɛ bɔa dɔle lɛ i ’lɛɛ?

Lɛrɛvɔ Sɛbɛ 89:2

Maa dan Gakelebale lé zin vɔ lɛ lɛrɛ nya yifaama; Maa dan i yara pale we ta zuo fe lɛ yifaama,

Lɛrɛvɔ Sɛbɛ 89:3

Naa, maa léé: Ilé zin a é dɔle gligli lɛɛfaama zé nya; I i yarapale we ta dɔ plɛplɛ la gi.

Lɛrɛvɔ Sɛbɛ 89:8

Bale a kanamazan blɛn nya mi sauunnu lé wo zén ékeva, wo va, Éé kana zén‐é munu faa lé woo dirian a zi, wo gi.

Fwile 20:6

yé munu lé an sɔ wo lɛ, ’té woo anlé bélidɔwenu kɛla, an nyanai éé zén‐é wo ta fɔɔ wo kulu wuru soru nya.

Bélidɔwesɛbɛ Fiézan 7:12

Dé ka tɔné dɔ dére ’konu lɛ, dé ka wo lɛdɔma yé ka wo ta tawo, gipawe valé nyanai zénle lé ébo ’nyɔɔn ka tranu lɛ wo ma, é dan dɔ lɛ a ta plɛplɛ.

Bélidɔwesɛbɛ Fiézan 7:21

Té di é kini ka gi wolé we ma lo; naa, Gakelebale, kalé Bale a ka méléna. É a Bale blɛn valé mitadanmawe kɛlɛ Bale nya.

Bélidɔwesɛbɛ Fiézan 7:9

Amalé, ka gi dɔɔ léé, Gakelebale, kalé Bale ɛ ke Bale nya; yarapawela Bale ’ko, munu lé é sɔ wo lɛ, ’té wo alé bélidɔwenu kɛla, éé dɔa élé gipawe ta, yé a nyanai éé zén‐é wo ta fɔɔ yé é bɔ wo kulu wuru soruzan ma.