Néémi 1:3 - Kazambale lé Sebe Sauunu 1979

³ Wa zi pa an lɛ léé: Munu lé wo si luu gi yé wo vo ana, wa tɛrɛ bɛ do la; we tɔntɔn blɛn bɔ wo ma, yé wo vo serelebomazannu nya. Jérusalɛm zi gɔrɔnu faa zana, yé alé duolinu kyɛ ble.

Néémi 1:3 ပူးပေါင်းရင်းမြစ်များ

1 Minwiinzannu 9:7

maa dan Izraɛl si lɛ tɛrɛ lé maa a nɔ a lɛ, a ta; kɔn lé maa an tɔ pa a ma, maa dan a si lɛ an yuɛi, yé Izraɛl é dan kɛlɛ lɛ yérisiémazannu valé gɔnévɔmazannu nya bɛnnu faa va.

2 Minwiinzannu 25:10

Kaldé lé sunyanu faa lé ke sunyanu ’lɛzan va, wo Jérusalɛm zi gɔrɔ faa zana.

2 Minwiinmunu lé Wezuofe Sɛbɛ 36:19

Wo Bale lé kɔn kyɛ ble; wo Jérusalɛm gɔrɔ guru zana a gi, wo fuakɔnnu faa kyɛ ble, yé wo fɛwezannu faa sɛrɛ.

Ezidras 2:1

Juda tɛrɛlamunu lé wo si luu gi yé wo da ’wo pa gi, munu lé Babilɔn nwiinzan blɛn Nébukanɛsaa go wo nya luu gi Babilɔn yé wo diéra ’wo pa gi wo faa do do lé fla, Jérusalɛm valé Juda tɛrɛ la flanu la, wo lé ke ’ko:

Ezidras 5:8

Bii, minwiinzan blɛn ’é we ’ko dɔɔ ma: ko da Juda tɛrɛ la, Bale blɛn lé kɔn dɔna. Wa dɔna gɔlɛ manyaale nya, yé wa gwa kɛlɛna. Nyanama ’ko a tawona fiéfié, yé a nyian a é wole wo lee.

Néémi 11:3

Tɛrɛ lɛgɔnɔ nwiinzannu lé wo nyana Jérusalɛm, wo tɔ lé ke ’ko: Juda lé flanu la, wo faa do do nyana ’wolé fɛna, ’wolé fla. Izraɛlnu koo, Balebanzannu koo, Lévinu koo, Bale lé kɔn gi nyanamapamunu koo, Salomɔn wuozannu kulunu koo, woo lé.

Néémi 2:13

An bɔra é béli flagɔrɔ ’léé lé wa laama gɔworona, ana zia, yé an yara dɔ dragɔn ’yibɔna zia, yee valé flagɔrɔ ’léé lé wa laama wibo vulina, ana zia. Yé maa a ye léé, Jérusalɛm zi gɔrɔ a é zanale yé kyɛ alé flagɔrɔ ’léé duolinu ble.

Néémi 2:17

Yé maa lé wo lɛ léé: Kaa lé we a naané fɛan zo bɛ, ka ye; Jérusalɛm kɛlɛ é ’bin nya, yé kyɛ flagɔrɔ ’léé duolinu ble; ’ka da, kaa Jérusalɛm zi gɔrɔ bɛ bo é ziin, té yara é kaa gyɛ é dɛrɛ lo.

Néémi 2:3

yé maa a zi pa minwiinzan blɛn lɛ léé: Minwiinzan blɛn ’é vo é yuɛma ma, té ’bɛ glɛ ’é dɔ lo ma. Fla lé an tranu vun ke a ta, wa sɛrɛ, yé kyɛ alé duolinu ble ’naan, ’té mɛmalé an yara kyɛ ’ka vɔa gian loo?

Néémi 7:6

Munu lé Babilɔn nwiinzan blɛn Nébukanɛsaa go wo nya luu gi yé wo nɔla wo pa gi Jérusalɛm, Juda tɛrɛ la, yé wo go ’wolé fla do do, wo lé ke ’ko:

Esitɛɛ 1:1

We ’ko bɔ Asuérus bléyi va. Asuérus pla tɛrɛ yɔ suiɛdo wɔlɛ sɔrafié nwiin, é sia Ende tɛrɛ ma fɔɔ yé é bɔ Étiopi tɛrɛ ma.

Lɛrɛvɔ Sɛbɛ 79:4

Ko kɛlɛ serelebomazannu nya ko punmazannu yuɛ gi, Yé munu lé wo ko zi lɛ sɔɔ, woo ko ma we nanaan, ’té woo yéri sié ko ma.

Wegɔnévɔlenu 25:28

Mi lé é ’ka ébo kunwo lo, é a bélé fla lé a zi gɔrɔ ’ka lo, yé wa guru zana a gi, a zo.

Ézai 43:28

Bɛwemalé maa kɔn sauun nwiinzannu kɛlɛ mi planu nya, Maa Jakɔb nɔ léé, a kulu ’é ga, Yé maa Izraɛl nɔ léé, ’wa sɔnɔ.

Ézai 5:5

We lé maa dan a kɛlɛ lɛ anlé dɔrɔféi lɛ, maa dan a fe lɛ ka lɛ sin. Maa dan a zi gɔrɔ fwi lɛ yé winu a ble; maa dan a zi gɔrɔ zana lɛ yé wa zɔn ’wo gane nya.

Jérémi 24:9

Maa dan wo kɛlɛ lɛ kanaleefɛ valé we tɔntɔn bɔamazannu nya bɛnnu faa lɛ, yé fɛfaana lé maa dan wo bin lɛ, wo dan kɛlɛ lɛ serelebomazannu nya, wo dan wolé we fe lɛ gi la, wo dan we nana lɛ wo ma, wo dan kɛlɛ lɛ balepamazannu nya.

Jérémi 29:18

Maa dan wo zuo bin lɛ gwɔun koo, lɔrɔ koo, migyɛgyɛ koo, wo nya, yé maa dan wo kɛlɛ lɛ kanaleefɛ nya tɛrɛ la bɛnnu faa lɛ; maa dan wo kɛlɛ lɛ balepamazannu koo, kwavɔmitazannu koo, wenanamazannu koo, serelebomafɛnu koo, wo nya, bɛnnu faa lé maa wo pa zia wo va bɛ, wo lɛ.

Jérémi 39:8

Kaldé munu minwiinzan blɛn lé kɔn kyɛ ble, yee valé munu lé kɔnnu nya, yé wo Jérusalɛm zi gɔrɔnu faa zana a gi.

Jérémi 42:18

Naa, lai sunyanu lé Gakelebale, Izraɛl lé Bale léma: Fɛan zo lé an bli fli Jérusalɛm munu ma yé an wɛwɛ dɔ wo ma, a zo duo lé an wɛwɛ é dan dɔ lɛ ka ma, ’té dé ka go Éjipiti tɛrɛ la; ka dan kɛlɛ lɛ dunuzénmitazannu koo, zuru va nyɛ kinizannu koo, bale pamazannu koo, serele bomazannu koo, wo nya, yé ka ’ka dan fɛkona ye lɛ é dɛrɛ lo.

Jérémi 5:10

’Ka vɔ a gɔrɔ bɔrɔ la yé ’ka a ’wii, Naa, té ka a zana tata lo. Alé dɔrɔyilinu lé wo ’ka Gakelebale zé nya monomono lo, ’Ka wo soowɔla.

Jérémi 52:14

Kaldé lé sunyanu faa lé ke sunyanu ’lɛzan va, wo Jérusalɛm zi gɔrɔ faa zana.

Jérémi Lé Wuvɔ Sɛbɛ 1:7

Jérusalɛm lé klebleyi valé alé nyanaizénlayi nya, We néné faa lé ke azé nya é vinin, wo sele dɔ a gi, Naa, sin alé munu dia munu lé ’bɛnu éé yaan wo ta, ’bɛnu lee, ’té wo bɔvazan do kpen ’ka lo; Wo nyanézannu wo nagini é pla, ’té woo yéri sié a zunle we ma.

Jérémi Lé Wuvɔ Sɛbɛ 2:9

Tɛrɛ zén alé duolinu ta, É a lɛ tan foliɛwɔlɛnu sɛrɛ, é wo yéli, Siɔn munu nwiinzan blɛn valé minwiinzannu a bɛnnu va, bélidɔwe ’ka ana é dɛrɛ lo. Balelayezannu é ziin, Gakelebale ’ka we gɔɔn‐an wo lɛ yuɛzi gi é dɛrɛ lo.

Jérémi Lé Wuvɔ Sɛbɛ 3:61

Gakelebale, wo an sɔnɔ fɛan zo, bé ’ma, I wo faa lé an ma weblele ’ma.

Jérémi Lé Wuvɔ Sɛbɛ 5:1

Gakelebale, wean bɔ ko ma, a sele ’é dɔ i gi ma. Bé ye, ko a serelebomamunu nya fɛan zo, bé nagini.

Lévinu 26:31

Maa dan kalé flanu kɛlɛ lɛ é bin nya; maa dan kalé fɛna sauunnu sɛrɛ lɛ tata, yé maa ’ka dan kalé lasikɔrɔ gin nénénu si lɛ é dɛrɛ lo.

Lévinu 26:33

Maa dan ka sɔɔla lɛ bɛnnu gi yé maa dan go lɛ gwɔun nya ka zuo. Kalé tɛrɛ é dan vo lɛ é pla yé kalé flanu é dan vo lɛ lu nya.