Néémi 1:11 - Kazambale lé Sebe Sauunu 1979

¹¹ Aa, Mizan, ’i i wuozan lé bazorodére ban i tɔné nya, i wuozannu lé é sɔ wo lɛ léé, wo kana i tɔ ma, ’i tɔné dɔ wolé bazorodére lɛ. ’I wuozan lé we nyian wo kyɔ, yé maa mi ’ko yuɛi bɔ ma. ’Bɛ bléyi ’ko va ’té maa a minwiinzan blɛn lé dɔrɔtabinzan segele nya.

Néémi 1:11 ပူးပေါင်းရင်းမြစ်များ

Wepélisiananu 24:42

An bɔ kyɔ ’yiguru ta yé maa léé: Gakelebale, anzan Abraam zé Bale, dé é sɔ i lɛ léé, anlé tawogiwe ’é vɔ a ma,

Wepélisiananu 32:11

Ilé zanté, ’i an si an bwe Ézau leeoo, Ézau lee! Naa, kana a an gi léé, é dan da lɛ yé é maa gyɛ, maa valé né bunu valé nénu nya.

Wepélisiananu 32:28

É lé é ziin léé: I tɔ ’ka dan kɛlɛ lɛ Jakɔb é dɛrɛ lo, naa, wo dan i laa lɛ Izraɛl; i buo si Kazambale valé munu va yé i wo kele a nya, azama.

Wepélisiananu 40:1

We ’konu zuo, Éjipiti mununwiinzan blɛn lé dɔrɔtabinzan segele valé alé burukɛlɛzan segele ’wozan Éjipiti mununwiinzan blɛn ’namawe kɛlɛ.

Wepélisiananu 40:2

Faraɔn bli fli é wuomunu fié ma, dɔrɔtabinzan segele koo, burukɛlɛzan segele koo, woo lé.

Wepélisiananu 40:21

é dɔrɔtabinzan segele pla élé dɔrɔtabin nyanama ta é ziin, Faraɔn lé dɔrɔminikana pale Faraɔn lee we ma;

Wepélisiananu 40:23

Dɔrɔtabinzan segele ’ka é gi bɔrɔ lɛ Jozɛfu ma é dɛrɛ lo. ’Bɛ sele saan a gi.

Wepélisiananu 41:9

Yé dɔrɔtabinzan segele we fe yé é lé Faraɔn lɛ léé: An gi san turu; we do sele dɔ an gi kyɔ.

Wepélisiananu 43:14

Plɛplɛfaazan Bale ’é ka kɛlɛ mi zinnu nya mi ’ko yuɛ gi ma; ’é daan ka bwe koɛzan valé Bɛnjamɛn ma, yé ’wo da é ziin ka va ma. Yé maa, dé anlé nénu vuru an ma, ’té an vuru é wo wo gi.

2 Minwiinmunu lé Wezuofe Sɛbɛ 6:40

Sin, anzé Baleoo Bale, i yuɛnu ’é vo é fuole yé ’i tɔné dɔ ba lé wa zoro fɛkona, a lɛ.

Ezidras 1:1

Sirus pla Pɛɛs munu nwiin lɛɛan nya, Gakelebale a nyunu léé, dére lé Gakelebale a fe Jérémi lɔlu nya, ’é a lɛ sɔɔ. Sirus a zana dɔɔ, ’té é a sɛbɛ paan zia élé tɛrɛ faa la, yé é léé:

Ezidras 7:6

Ezidras ’ko si Babilɔn; é a sɛbɛgifezan do nya, yé bélidɔwe lé Izraɛl lé Bale, Gakelebale a nɔ Moizi lɛ, é a dɔɔ é zima. Gakelebale alé Bale bɛ a a ta, amalé fɛ faa lé é a ma laa, minwiinzan blɛn a nɔ a lɛ.

Néémi 1:6

’i an ban i tɔné nya, yé i yuɛ é vo é fuole an lɛ. Ba lé i wuozan ke a zorona bléyi ’ko va, i wuozannu Izraɛl lé we ma bladi nyanadi, ’i tɔné dɔ a lɛ. An Izraɛlnu lé wenyané fé, wenyanénu lé ko kɛlɛ i ma, maa a wo fena. Naa, maa valé an ti lé kɔn gi munu, ko wenyané kɛlɛ.

Néémi 2:1

Moné vininzan lé wa laama Nisan, minwiinzan blɛn Aatazɛɛsɛ lé plale mi nwiin lɛɛ yɔ dozan nya, bléyian va lé dɔrɔ ke é dɔrale minwiinzan blɛn ’lɛ, maa dɔrɔ sia yé maa a nɔ a lɛ. Turu é kyɛn é ’ka tan an yara kyɛ vinin ye lɛ é vɔle a gi monomono lo.

Néémi 2:8

Yé é ziin, ’é lɛtrɛ do nɔ an lɛ Azafa lé ke minwiinzan blɛn lé pɔrɔtabinzan nya bɛ, azé nya, léé, ’é yili tegelenu nɔ an lɛ kɔn plɛplɛ lé ke Bale lé kɔn sɔnɔ bɛ, alé duolinu kɛlɛle we ma, yee valé fla zi gɔrɔ koo, kɔn lé maa dan yii lɛ a gi koo, wozé nya. Anlé Bale bɛ zin a é pale an ta, amalé minwiinzan blɛn lɛtrɛnu ’ko nɔ an lɛ.

Lɛrɛvɔ Sɛbɛ 106:46

Yé é we kɛlɛ léé, munu lé, ’bɛnu wo kɛlɛ wolé luu nya, ’Bɛnu nyanai é zén wo ta.

Lɛrɛvɔ Sɛbɛ 130:2

Mizan, ’i an dére ’ma ma. ’I tɔné dɔ Anlé zantévɔdére lɛ ma.

Lɛrɛvɔ Sɛbɛ 61:5

Maa a a va lé an nyana i va yifaama ilé kɔn gi, té ’bɛ glɛ é dɔ lo, Yé an yɔɔ i bɛ wuo. Ka ye do.

Lɛrɛvɔ Sɛbɛ 86:6

Gakelebale, ’i anlé bazorodére ban i tɔné nya, ’I anlé nyanainya dérenu ’ma ma.

Wegɔnévɔlenu 1:29

’Wuoatawe za a wo gi, yé wo ’ka kanale Gakelebale lee si lɛ a va lo,

Wegɔnévɔlenu 21:1

Minwiinzan bli a bélé ’yiyoro zo Gakelebale lee; fɛana sɔ a lɛ, ana lé éé a yoroan.

Jérémi 42:12

Maa dan ka vazia nyanaizénbli nɔ lɛ a lɛ, yé a nyanai é dan zén lɛ ka ta, yé é dan zi nɔ lɛ ka lɛ léé, ka nyana kalé tɛrɛ la.

Malasi 3:16

Yé munu lé woo kanaan Gakelebale lee, wo we fe ’wo ke lɛ, yé Gakelebale é tɔné dɔ yé é a ’ma; yé wo sɛbɛ do gyɛ Gakelebale yuɛ va, munu lé woo kanaan a lee, ’té wa tɔ bɔa, wo sele dɔle a gi we ma.

Ébrunu 13:18

’Ka bazoro kolé we ma; é sɔ ko lɛ léé, ko we faa kɛlɛ tegele, amalé é dɔ ko gi léé, kolé wevasibli ’ka we dɔna ko nwiin lo.