18 Asirimunu nwiinzan blɛn, ilé ’blatabinmunu a yigyɛna; ilé nyanazannu a flinna; ilé munu a é kinile ékema gɔnu nwiin, yé mi do kpen ’ka wo zénna ékeva lo.
Misé a zi pa léé: Maa Izraɛlnu faa ye é nwɛɛnle gɔnu ma bélé ’blanu lé wo tabinzannu ’ka lo, wo zo, yé Gakelebale léé: Munu ’ko, wozan ’ka lo; wo faa do do ’é nɔla drɔɔ ’wolé kɔn ’léé ma.
Kanale valé di kinile é dan bɔ lɛ wo ma fiaa; I bɛ lé plɛplɛ lé we ma lé Wo dan kinin lɛ bobogyɛzannu nya bélé gɔlɛ zo, Fɔɔ yé ilé munu é gié, oo, Gakelebale, Fɔɔ yé ilé munu lé i wo ye izé nya, Yé wo gié.
Wo faa do do é dan nɔla lɛ ’wolé munu va; wo faa do do é dan fwi lɛ yé wo go ’wolé tɛrɛ la bélé plɛn‐an lé di kini a gi, a zo, bélé trubɛ lé a tabinzan ’ka lo, a zo.
Babilɔn blɛnzan, ’I zun, ’i nyana vungoi va. Kaldé le, ’I nyana tɛrɛ va, ilé fuablin ’ka lo. Wo ’ka dan i laa lɛ léabo le é dɛrɛ lo, wo ’ka dan a fe lɛ léé, le a é zénle i ma lo.
Bɛwemalé lai sunyanu lé Bale, Izraɛl lé Bale léma: Ka ye, maa dan we lɛdɔ lɛ Babilɔn nwiinzan blɛn valé alé tɛrɛ la munu gi bélé fɛan zo lé maa we lɛdɔ Asirinu nwiinzan blɛn gi fɛan zo, a zo.
Dé nwɛ gié wo yuɛ ma, maa dan nwɛ taa nɔ lɛ wo lɛ, yé maa wo gyɛ a nya wobo nɔle ginanale lɛ we ma. ’Bɛ zuo yé wo dan yi gyɛ lɛ fɔɔ ’bɛ glɛ ’ka dɔa lo, yé wo ’ka vuoan é dɛrɛ lo. Maa Gakelebale ɛ ke a fena.
A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.