Naum 3:11 - Kazambale lé Sebe Sauunu 1979

¹¹ Bii é ziin, nwɛ é dan i gyɛ lɛ, yé i dan yɔɔ lɛ; bii é ziin, i dan i yɔɔna gini lɛ i nyanézannu lee.

Naum 3:11 ပူးပေါင်းရင်းမြစ်များ

Lɛrɛvɔ Sɛbɛ 75:8

Naa, ’bɛ éé sié Bale ɛ va; Yee ɛ mi do tuaan, yé yee ɛ mi koɛ nwaan.

Ézai 2:10

’Ka wɔra gɔlɛkoro gi yé ’ka yɔɔ nyéné gi, léé, kana blɛn lé Gakelebale a zén‐é munu gi koo, alé fuasan bile planplan koo, ’ka so wo lee.

Ézai 2:19

Munu é dan wɔra lɛ gɔlɛkoronu gi, ’té woo goo fɔɔ tɛrɛwɔlɛ ma, léé, kana blɛn lé Gakelebale a zén‐é munu gi koo, alé fuasan bile planplan koo, yé wo so wo lee, bléyian va lé é nwa yé é di kini tɛrɛlamunu gi, a bléyi va.

Ézai 29:9

Kwakwa ’é vɔ ka ta yé ka gi ’é vuru; ’ka yuɛ lɛ tan, ka yuɛ ’é ’wii; glinni vɔ wo ’wuo gi, naa, nwɛ pagi kaan lo; woo vɔa dada, naa, dɔrɔ ’lɛ plɛplɛ pagi kaan lo.

Ézai 49:26

Maa dan yaaitazannu bozen wi nɔ lɛ wo lɛ wo blefɛ nya; Wo dan wobo nyɛ mini lɛ yé é dan wo gyɛ lɛ bélé dɔrɔ dɛrɛ zo; Yé mi faa é dan a gi dɔɔ lɛ léé, maa lé ke i siéwegizan Gakelebale nya, Maa a i tabozan nya, Jakɔb lé mi plɛplɛ nya.

Ézai 63:6

An bli flile zi an munu zɔn an gane nya, an wɛwɛ wo gyɛ nwɛ zo, yé maa wo nyɛ zana tɛrɛ va.

Jérémi 4:5

’Ka we lɛ kini Juda tɛrɛ la, yé ’ka a zana dɔɔ Jérusalɛm, léé: ’Ka béli fɛn tɛrɛ la, ’Ka siaa dére plɛplɛ nya léma: ’Ka zén ékeva yé kaa go nyanamunu lé fla.

Jérémi 51:57

A nwiinzannu koo, alé wedɔɔzannu koo, Alé gbɔrɔnamanu koo, alé flazannu valé alé sunyanu koo, Maa dan wo gyɛ lɛ nwɛ nya, Maa dan wo ta pla lɛ yi nya, ’bɛ glɛ ’ka lo, ’té wo ’ka dan vuo lɛ é dɛrɛ lo; A zo lé minwiinzan blɛn lé, wa tɔ laama lai sunyanu lé Gakelebale, é a fe.

Jérémi 8:14

Mɛmalé ko vo é nyanalee? ’Ka zén ékeva yé kaa go nyanamunu lé fla zamaga wole we ma. Naa, Gakelebale, kolé Bale, ga pla ko ’lɛ. ’Yinu lé mi gyɛ lale ke wo va, é a kɛlɛ ko miniyi nya; naa, ko wenyané kɛlɛ Gakelebale ma, azama.

OZÉ (Osée) 10:8

Gɔ nwiin yobannanu lé wo ke Bɛt‐Avan, ’té Izraɛlnu wenyané kɛlɛ ana, maa dan wona sɛrɛ lɛ; léliyilinu valé danan é dan tuu lɛ wolé yobannanu na. Wo dan a fe lɛ gɔnu lɛ léé: ’Ka ’bua ko ta, yé wo dan a fe lɛ gɔpanénu lɛ léé: ’Ka dia ko gi.

Amɔs 9:3

Dé wo yɔɔ Kaamɛl gɔ zoroné ma, maa dan wo gini lɛ ana, yé maa dan wo kun lɛ; dé wo yɔɔ an lee wɛyi wɔlɛ maoo, maa dan a fe lɛ ménénu lɛ léé, ’bɛnu ’é suiɛ dɔ wo ma ’bɛna.

Misé 7:17

Wo dan vungoi ble lɛ bélé méné zo, bélé tawoplɛlawinu zo tɛrɛ la. Dé wo si wolé guliyɔɔkɔn plɛplɛnu gi, di é dan kini lɛ wo gi; wo ma é dan nyɔɔn lɛ Gakelebale kolé Bale ’lɛ, yé wo dan kana lɛ a ma.

Naum 1:10

Naa, kyɛ é dan wo ble lɛ Bélé lɔɔ gale zo tata. Wa é vurule ékema bélé lélinu zo, Bélé munu lé nwɛ éé wo gya, wo zo, azama.

Naum 2:1

Ka ye, nwunvɔzan lé éé mi vole drɔɔ lé we fé, É a dana gɔnu nwiin. Juda munu, ’ka kalé fɛtinu kɛlɛ, ’ka kalé bale kunlenu lɛ sɔɔ. Naa, mi nyané ’ka dan gié lɛ ka méléna é dɛrɛ lo, A kulu ga tata.

WENÉNÉ LÉ LUK A GYE (Évangile selon Luc) 23:30

Yé wo dan a fe lɛ gɔ blɛnnu lɛ léé: ’Ka zana ko ta. Yé wo dan a fe lɛ gɔ sɛsɛnu lɛ léé: ’Ka dia ko gi.

1 Samuɛl 13:6

Wo wo tunu yé Izraɛl munu a ye léé, guli bɛ mini wo lɛ, yé wo yɔɔ gɔmagurunu gi koo, yilinénu kwɛɛ gi koo, gɔlɛnu méléna koo, zéiinnu gi koo, ’yigurunu gi koo, wona.

1 Samuɛl 14:11

Wo fiénu wobo ta bɔra Filisitinu lé gulimabɛnna yé Filisitinu léé: Ka yua, Ébrunu bɔra wo yɔɔna gurunu gi.