Naum 2:4 - Kazambale lé Sebe Sauunu 1979

⁴ Yi lé é a dɔ gulidanyi nya bɛ, ’bɛ yi nya Alé nyanazannu botakuunfɛnu a sɔɔn; Galunaa sɔ ɛ ke é zénle alé gulidan sunyanu ta; Gulidagoronu bɔra foliɛwɔlɛ lé a ta éé bié nyananyana, a nya, Yé wa dinnu li kɛlɛna.

Naum 2:4 ပူးပေါင်းရင်းမြစ်များ

Wegɔnévɔlenu 31:21

Kana ’ka a gi léé, dunu é dan élé kɔngimunu gyɛ lɛ lo, naa, alé kɔngimunu faa éé sɔ sɔɔn zén‐é ’wo ta.

Ézai 37:24

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

Ézai 66:15

Ka yua, Gakelebale a dana kyɛ gi; alé goro a bélé barikoko zo; alé bliflile a bélé kyɛnyɛ zo; alé bon‐ɛnle?-?nu a bélé kyɛnɛnɛ zo.

Jérémi 4:13

Ka ye, fɛsɛrɛzan a biéna bélé lafunu zo; alé gulidangoronu a bélé barikoko zo; alé wisoonu éé vlan sié é mini gola sile ta; we tɔntɔn bɔ ko ma, naa, wo ko sɛrɛ tata.

Jérémi 46:9

’Kaa wisootamunu, ’ka go tuo. ’Kaa gulidangoro vɔzannu, ’ka vɔ kelekele. ’Ka kɛlɛ nyanazannu nya ma. Étiopi munu valé Puti munu lé, botakuunfɛ ke wo lee, ’Wo valé Ludi munu lé wo sa vulile ma we dɔɔ, wo nya.

Ézékiɛl 23:24

Woo biéan i ma gulidanfɛnu koo, gulidangoronu koo, kɔnésigoronu koo, mi gu blɛn koo, wo nya, ’té botakuunfɛ blɛnnu valé a kiénézannu koo, kanakoronu koo, ’té wa wo lee. Woo sié fɛfaana, ’té woo biéan i ma. Maa weblele bɛ pa wo lee, yé wo dan ilé we ble lɛ wolé bélidɔwenu yɛrama.

Ézékiɛl 26:10

Alé wisoo ’léé kiɛre é dan i ta saan lɛ vungoi nya. Bléyian va lé wa wɔrana ilé flagɔrɔ ’léé, bélé fɛan zo lé woo wɔraan fla lé wa si, a ta, a zo, wolé wisootamunu koo, kɔnésigoronu koo, gulidangoronu koo, wo vun wele ma lé ilé flagɔrɔ ma é dan nyɔɔn lɛ.

Ézékiɛl 26:7

Naa, Mizan Gakelebale léma: Babilɔn nwiinzan, minwiinzannu ’é nwiinzan blɛn Nébukanɛsaa, maa dan a si lɛ Babilɔn yirinwana bɛbolazia, yé maa dan da lɛ a nya Tii ma, ’té wisoonu koo, gulidangoronu koo, wisootazannu koo, mi gu blɛn koo, ’té wa a va.

Daniɛl 11:40

A nyaabléyi va, yirinwana bɛyilazia minwiinzan blɛn é dan ’wii lɛ a ta. Yé yirinwana bɛbolazia minwiinzan blɛn é dan ’wii lɛ a ta gulidangoronu koo, wisootasunyanu koo, ’yitagoro kiɛrenu koo, wo nya, bélé fu plɛplɛ éé giéan fɛan zo, a zo. É dan bié lɛ baa tɛrɛnu va tɛrɛ zima ta. É dan sɔɔla lɛ fɛfaana bélé ’yiyoro lé éé bɔraan bwi la, a zo.