Naum 2:13 - Kazambale lé Sebe Sauunu 1979

¹³ Golizra éé fɛ wi kinié ékema turu élé nénu zé nya, Éé fɛ gya turu é bɔrɔ ma, Golizra tinanu zé nya. Éé é yɛrɛ faan, winu lé éé wo gya, wo nya, Éé é yɔɔna faan fɛnu lé é ’wii wo ta, wo nya.

Naum 2:13 ပူးပေါင်းရင်းမြစ်များ

2 Minwiinzannu 18:17

Taatan koo, Rab‐Saris koo, Rabasaké koo, gulidansunya plɛplɛnu koo, Asiri nwiinzan blɛn wo pa zia léé, ’wo si Lakis yé ’wo go minwiinzan blɛn Ézékia va Jérusalɛm. Wo nwa yé wo go Jérusalɛm. Wo bɔ aan wo, wo dɔ ’yidoo lé ke loru, a yoro sɔnɔ, ’té ’bɛ a sɔgibɔzan lé féi zi ’léé.

2 Minwiinzannu 18:19

Rabasaké lé wo lɛ léma: ’Ka fe Ézékia lɛ léma: Minwiinzan blɛn, Asiri mununwiinzan blɛn léma: Mɛ fɛ ta lé i ke é palee?

2 Minwiinzannu 19:23

I wuozannu dére nya lé i Mizan sɔnɔ Yé bii léé: Anlé goro kiɛre nya lé Maa gɔnu gié Yé an bɔ Liban gɔnu nwiin; Alé sɛdrɛyili grɔgrɔnu koo, Alé siprɛyili nɔnɔmi koo, maa dan wo vɔ lɛ, An dan bɔ lɛ a gɔ voélazan nwiin, An dan bɔ lɛ alé pɔrɔ wɔlɛ gi;

2 Minwiinzannu 19:9

Yé Asiri munu nwiinzan we do ’ma Étiopi munu nwiinzan Tiiaka tawe nya; wo lé a lɛ léé: Bé ye, é zi sia guli danle we gi i va. Yé Asiri mununwiinzan munu nwunvɔ é ziin Ézékia va a fele nya léé:

2 Minwiinmunu lé Wezuofe Sɛbɛ 32:19

Wo Jérusalɛm lé Bale ma we fe bélé woo bɛnnu lé bɛkɛlɛyonu ma we fé fɛan zo, a zo.

Lɛrɛvɔ Sɛbɛ 46:9

’Ka da, ’ka bɔn‐in bɔrɔ Gakelebale lé nyanamanu ma, Fɛ sɛrɛlenu lé é a kɛlɛ tɛrɛ la, ’ka bɔn‐in bɔrɔ wo ma do.

Jérémi 21:13

Gakelebale léma: Maa a i ma; bii fla lé i ke é pale gɔnu worona, gɔlɛgɔ blɛn lé ke fɛna pɛblɛɛ na, a ta, ka lé ka fé léé: De ɛ dan zun lɛ ko maa? De ɛ dan wɔra lɛ ko nyananaa?

Jérémi 46:14

’Ka a zuo fe Éjipiti tɛrɛ la, ’Ka a zana dɔɔ Migidɔl, Yé ’ka a zana dɔɔ Nofa valé Tapanɛs, Léé, ’i nwa, ’i ma’lɛrɛ, Naa, gwɔun a mi gyɛna i zi.

Jérémi 50:31

Mizan, lai sunyanu lé Gakelebale léma: Boblɛnzan, bé ye, maa a i ma; ilé yi bɔ; we lɛdɔ i gi bléyi bɔ.

Jérémi 51:25

Gakelebale léma: Bé ye, bii Babilɔn, migyɛgɔ, bii lé i tɛrɛ faa sɛrɛ, maa a i ma. An dan an bɛ soi lɛ i ma; maa dan i burula lɛ yé i si gɔlɛgɔnu nwiin, yé maa i kɛlɛ gɔ lé kyɛ a ble, a nya.

Ézékiɛl 13:8

Amalé, Mizan Gakelebale léma: Naa, ka we planu fé, yé ’té kalé yuɛziwenu a vié nya. Ka ye, maa a ka ma. A zo lé Mizan Gakelebale a fe.

Ézékiɛl 21:3

Bé fe yirinwana bɛyilazia pɔrɔ lɛ léma: ’I tɔné dɔ Gakelebale dére lɛ. Mizan Gakelebale léma: Maa dan i kyɛ vɔ lɛ yé yili drɔɔdrɔɔnu faa valé yili galenu faa, yee kyɛ ’ko é dan wo ble lɛ. Kyɛnɛnɛ blɛn ’ko ’ka dan diri lɛ pelo, yé fɛnu faa lé wo ke tɛrɛ yuɛ la é dan wo ble lɛ, é sia yirinwana bɛyilazia fɔɔ yé é bɔ yirinwana bɛbolazia.

Ézékiɛl 26:3

Bɛwemalé, Mizan Gakelebale léma: Ka ye, ’kaa Tii munu, kaa kee é wo bɛ. Maa dan bɛngɔnɔ kiɛre nwa lɛ i ma bélé wɛyi nwalenu éé nwaan fɛan zo, a zo.

Ézékiɛl 28:22

Bé fe a lɛ léma: Mizan Gakelebale léma: Bé ye, Sidɔn, ko kee i nya; dé an dɔra i ta bléyian va, dé maa anbo nagɔɔn mi sauun nya ka lɛ, ’bɛ bléyi va an tɔ é dan kɛlɛ lɛ blɛn, yé wo dan a gi dɔɔ lɛ léé, maa ɛ ke Gakelebale nya.

Ézékiɛl 29:10

bɛwemalé, bé ye, maa a bii valé ilé yuunu ma, yé maa dan Éjipiti tɛrɛ kɛlɛ lɛ bwi valé fɛna tétété nya, é sia Migidɔl ma fɔɔ yé é bɔ Siɛne valé Étiopi tɛrɛ glɛ la.

Ézékiɛl 29:3

Bé fe wo lɛ léma: Mizan Gakelebale léma: Bii yuéi blɛn lé i yiaan ilé yuunu va yé i léé: Anlé yuu a anzé nya, maa ɛ a kɛlɛ, bii Éjipiti munu nwiinzan blɛn Faraɔn, ko kee i nya kyɔ.

Ézékiɛl 35:3

Bé fe a lɛ léma: Mizan, Gakelebale léma: Séii gɔ, maa a bii ɛ ma. Maa bɛ soi i ta, yé maa i kɛlɛ fɛna tété valé bwi nya.

Ézékiɛl 38:3

Bé fe léma: Mizan Gakelebale léma: Bii Gɔg lé i ke Ros valé Mésɛk valé Tubal nwiinzan nya bɛ, ko kee i nya kyɔ.

Ézékiɛl 39:1

Yé bii blami be, ’i balelawe fe Gɔg ma. Bé fe léma: Mizan Gakelebale léma: Bii Gɔg lé i ke Ros koo, Mésɛk koo, Tubal koo, wo nwiinzan nya bɛ, ko kee i nya kyɔ.

Ézékiɛl 5:8

Amalé Mizan Gakelebale léma: Ka ye, an nwa ka ma, yé maa dan kalé we ble lɛ bɛnnu yuɛ va.

Naum 2:12

Fɛana lé golizra koo, golizra tina koo, a né koo, wo go yɔɔ lɛ, ’Té mi do kpen ’ka wo gi kyɛ dɔa ana lo, Golizra lé flinna, Golizra lé fɛblena, mɛ we ɛ bɔ i maa?

Naum 3:1

Mi nyɛ zana fla lé é ke é fanle Viéwole koo, glawe koo, wo nya bɛ, Yé ’té é ’ka daan glawe kɛlɛle ma bɛ lo, we tɔntɔn ’é bɔ a ma ma.

Naum 3:12

Ilé kɔn plɛplɛnu faa a bélé bɔrɔyili lé wo poro vinin tana wo nwiin, wo zo. Dé wo wo nyɔɔn, wo poronu éé vɔa wo blezan lee.

Naum 3:15

’Bɛna lé kyɛ é dan i ble lɛ; gwɔun é dan i kulu ga lɛ; é dan i ble lɛ bélé gangannu zo. ’Ka kɛlɛ kiɛre bélé seenénu zo. ’Ka fan bélé gangannu zo.

Naum 3:5

Sunyanu lé Gakelebale léma: Bé ye, maa a bii ɛ ma, Maa dan ilé sɔ nwa lɛ fɔɔ yé maa a zén i ’wuo ma, Maa dan i porole nagɔɔn lɛ bɛngɔnɔnu lɛ, Maa dan ilé yaragyɛwe nagɔɔn lɛ plaminwiin tɛrɛnu ta.

Jozué 11:6

Gakelebale lé Jozué lɛ léé: Té i kana wo lee lo, naa, tɛlɛ, bléyi ’ko va, maa dan wo pa lɛ Izraɛl lee yé wo wo gyɛ. I dan wolé wisoonu gane zuo miinnu bɔi lɛ, yé i dan wolé goronu kyɛ ble lɛ.

Jozué 11:9

Jozué a kɛlɛ wo lɛ fɛan zo lé Gakelebale a fe a lɛ, a zo; é wolé wisoonu gane zuo miinnu bɔi, yé é wolé goronu kyɛ ble.