Naum 2:11 - Kazambale lé Sebe Sauunu 1979

¹¹ Wo ’wii a ta, wa guru zana a gi, wa sɛrɛ tata! Munu fuu éé sié wo ta, Wo powuonu so é ke ’léé, Wo sowɔlɛnu faa a yaana, Wo yara faa a fuolana.

Naum 2:11 ပူးပေါင်းရင်းမြစ်များ

Wepélisiananu 49:9

Juda a bélé golizra boroné lé É si ’élé wi gyɛna, a zo; an beoo an be! Éé gane plin‐an, yé éé yian bélé golizra zo, Bélé golizrada zo; de ɛ dan a nwa lɛɛ?

Ézai 13:7

Bɛwemalé mi faa bɛ é dan ga lɛ é ma, yé mi faa zuru é dan vɔ lɛ.

Ézai 31:4

Naa, Gakelebale lé an lɛ léma: Gakelebale a bélé golizra lé é wi gyɛ yé é nyana vɔ a ta, a zo. Dé é a golizra boroné nyaoo, dé ’blatabinmunu kiɛre zén a ma, di ’ka kinié a gi wo siaale lee lo, yé é ’ka kanaan wo kiɛre lee lo. ’Bɛ duo zo lai sunyanu lé Gakelebale é dan zun lɛ gulidanle we gi Siɔn gɔ valé alé gɔpanénu nwiin.

Ézai 5:29

Wo dére a bélé golizrada zé zo; woo gi gunuan bélé golizrané zo, ’té woo nyana vɔa ’té woo wi kunwo. Wa sian yé mi do ’ka dan a si lɛ wo lee lo.

Jérémi 2:15

Golizra boronénu éé wé wo ma, woo siaan wo ta, Woo ’wiié wolé tɛrɛ ta; Kyɛ wolé flanu ble, mi ’ka nyanaan wona é dɛrɛ lo.

Jérémi 4:7

Golizra éé soo é yɛrɛ gi, Bɛngɔnɔnu sɛrɛzan a zia, é si é nyanana, Kalé tɛrɛ sɛrɛle we ma. É dan kalé flanu ’wii lɛ, yé munu ’ka dan kɛlɛ lɛ ana é dɛrɛ lo.

Jérémi 50:17

Izraɛl a ’bla sanle lé golizra a zuo bin‐é, a nya; Asirinu nwiinzan blɛn a ble é vinin, yé é voéla ’ko, Babilɔn nwiinzan blɛn Nébukanɛsaa a wɔlɛnu yéli.

Jérémi 50:44

Ka ye, wo nyanézannu éé giéan Juudɛn yuu gɔnu tɔbɔlenu ma bélé golizra zo, yé woo giéan nyanana plɛplɛ ma. Kele tɔɔn maa dan wo bin lɛ yé mi lé maa si a va, maa dan ’bɛ dɔ lɛ a nwiin. Naa, de ɛ ke bélé maa zoo? De ɛ dan an béli dɔ lɛɛ? Yé minwiinzan kyɛn ɛ dan dɔ lɛ an maa?

Ézékiɛl 32:2

Blami be, ’i gyɛbodére fe Éjipiti nwiinzan blɛn Faraɔn ma. Bé fe a lɛ léma: I a yi la bélé golizra boroné zo bɛnnu méléna. I a yi la bélé yuéi zo wɛyinu va. I duun‐an ilé yuunu va, i ’yinu nanoan i ganenu nya, ’té i ’yi nwalenu nanoan.

Joɛl 2:6

Bɛngɔnɔnu ma éé nyɔɔn‐an wo ’lɛ, Munu faa yara éé fuolaan.

Misé 5:6

Jakɔb kulu pɔnénu é dan kɛlɛ lɛ migɔnɔ kiɛre va bélé lolu lé é si Gakelebale va, a zo, bélé fli lé é vɔ lu ta, a zo. Wo bli ’ka blami lɛ lo, yé wolé we do kpen ’ka sié blaminu va lo.

Naum 2:12

Fɛana lé golizra koo, golizra tina koo, a né koo, wo go yɔɔ lɛ, ’Té mi do kpen ’ka wo gi kyɛ dɔa ana lo, Golizra lé flinna, Golizra lé fɛblena, mɛ we ɛ bɔ i maa?

Naum 3:1

Mi nyɛ zana fla lé é ke é fanle Viéwole koo, glawe koo, wo nya bɛ, Yé ’té é ’ka daan glawe kɛlɛle ma bɛ lo, we tɔntɔn ’é bɔ a ma ma.

Sofoni 3:3

Alé minwiinzannu a a va bélé golizranu lé woo gi gunuan, wo zo; alé weblezannu a bélé glaunu lé wo ’ka wi do kpen tadɔa bladi zé nya lo, wo zo.

Mi Nɔnɔle 23:24

Migɔnɔ ’ko woo nwaan bélé golizra tina zo. Woo dɔa loru bélé golizra zo; É ’ka yi gya lo fɔɔ yé wi lé é a gyɛ, é a ble, Yé é a nyɛ flan.