Naum 1:7 - Kazambale lé Sebe Sauunu 1979

⁷ Gakelebale a é zin, É a mivɔzizan nya klebleyi la; Munu lé woo paan a ta, é wo dɔɔ.

Naum 1:7 ပူးပေါင်းရင်းမြစ်များ

Minwiinzannu lé Wezuofe Sɛbɛ 16:34

Gakelebale a ’é zin, amalé ’ka a tɔ zin fe, A nyanai zénle glɛ ’ka lo.

Minwiinzannu lé Wezuofe Sɛbɛ 5:20

Mi bɛnu da bɔ lɛ wo va, yé wo Agarénu valé wo vamunu faa kele. Naa, gulidanbléyi va wo siaa Kazambale lɛ, yé wo ’wobo bɛ pa a lee, amalé Bale a ’ma.

2 Minwiinmunu lé Wezuofe Sɛbɛ 13:18

’Bɛ bléyi va yara Izraɛlnu gyɛ, yé guliwuo vo Judanu lɛ. Wo pa Gakelebale wo tranu lé Bale ta, azama.

2 Minwiinmunu lé Wezuofe Sɛbɛ 32:11

Ézékia léé, Gakelebale, kolé Bale é dan ko so lɛ Asiri nwiinzan blɛn lee. Naa, é a dabli kɛlɛna ka lɛ léé, ’ka ga lɔrɔ valé ’yiminilɔrɔ nya. Ka ’ka ’bɛ yé loo?

2 Minwiinmunu lé Wezuofe Sɛbɛ 32:21

Yé Gakelebale lanje do pa zia, yé nyanazannu koo, minwiinzannu koo, é wo faa kulu ga Asiri nwiinzan blɛn lé sɔkɔn dɔna. Yé yara minwiinzan blɛn gyɛ yé é nɔla ’é pa gi ’élé tɛrɛ la. É wɔra élé yokɔn gi tɔɔn, a yaanénu a gyɛ gwɔun nya ’bɛna.

2 Minwiinmunu lé Wezuofe Sɛbɛ 32:8

Blaminu bɛ nya lé wo ’wozé kɛla, naa, Gakelebale, kolé Bale ɛ ke ko va, yé é dan bɔ lɛ ko va, yé é dan ko ta guli dan lɛ. Yé munu pa Juda nwiinzan blɛn Ézékia dére ta.

Ezidras 3:11

Wo lɛrɛ vɔ yé wo Gakelebale tɔ kɛlɛ blɛn yé wa tɔ zin fe dére ’konu nya: Naa, é a é zin; naa, alé nyanai zénle Izraɛlnu ta éé voo ana yifaama. Yé munu faa Gakelebale tɔ kɛlɛ blɛn ginanale lé siaalenu nya léé, wa Gakelebale lé kɔn gane vɔna.

Lɛrɛvɔ Sɛbɛ 1:6

Naa, Gakelebale mi tegelenu lé zi dɔɔ, Yé wenyanékɛlɛzannu lé zi éé goo mi sɛrɛna.

Lɛrɛvɔ Sɛbɛ 100:5

Naa, Gakelebale a é zin; alé zin éé voo ana yifaama, É a yarapawelazan nya mi kulu é kulunu faa zé nya.

Lɛrɛvɔ Sɛbɛ 20:1

Lɛrɛ lé David a vɔle gɔɔn lɛrɛvɔmunu ’lɛzan lɛ.

Lɛrɛvɔ Sɛbɛ 25:8

Gakelebale a é zima; é a tegele; Amalé éé zi nagɔɔn‐an wenyanékɛlɛzannu lɛ.

Lɛrɛvɔ Sɛbɛ 27:5

Naa, é dan an takuun lɛ élé kɔn gi we tɔntɔn bɔyi nya, É dan an yɔɔ lɛ élé kɔn gi, É dan an dɔ lɛ gɔlɛ ta loru.

Lɛrɛvɔ Sɛbɛ 37:39

Mi tegelenu sile we gi éé sié Gakelebale va; É a wo takuunzan nya wolé kleblebléyi va.

Lɛrɛvɔ Sɛbɛ 37:40

Gakelebale éé bɔa wo va, yé éé wo soo we lee; Éé wo soo mi nyanénu lee yé éé wo sié we gi, Wo wo yɔɔna nagini a va, azama.

Lɛrɛvɔ Sɛbɛ 46:2

Bale a ko yɔɔna valé ko tɛnmazan nya, Éé bɔa mi va yifaama; é ’ka sɔn vɔa bɔle munu va ma pelo.

Lɛrɛvɔ Sɛbɛ 50:15

Kleble yi nya i an ’laa; Maa dan i si lɛ munu lee, yé i dan an tɔ zin bɔ lɛ.

Lɛrɛvɔ Sɛbɛ 59:16

Woo goo ’ko yé wo da ’ko, wo blefɛnu ginile we ma, Fɔɔ woo tu kinié a zo, ’té wo ’ka kaan lo.

Lɛrɛvɔ Sɛbɛ 71:3

’I kɛlɛ an lɛ gɔlɛgɔ lé é ke an yɔɔna nya, a nya, ’Té an bɔa yɔɔle lɛ ana yifaama, I dére nɔ an lɛ léé, i dan an si lɛ we gi, Naa, i a anlé gɔlɛgɔ valé an yɔɔna plɛplɛ nya.

Lɛrɛvɔ Sɛbɛ 86:7

Anlé klebleyi nya ma i tɔ laan, I an dére nyi sié, azama.

Lɛrɛvɔ Sɛbɛ 9:10

Munu lé woo yaan ’bɛnu ta, Gakelebale a ’bɛnu yɔɔna nya, É a wo yɔɔna nya wolé kle ble bléyi va.

Lɛrɛvɔ Sɛbɛ 91:15

É dan an tɔ laa lɛ, yé an dan we lɛ; Maa dan kɛlɛ lɛ a va alé kleblele gi; Maa dan a so lɛ wo lee, yé maa dan a tɔ zin bɔ lɛ.

Wegɔnévɔlenu 18:10

Gakelebale tɔ a bélé flagɔrɔ nwiin kɔn torole zo, mi tegele éé yɔɔan ana ’té a ta béli a é dɔle.

Ézai 25:4

I kɛlɛ mi tɔɔtɔɔnu yɔɔna nya, Nyanaizénlamunu lé we tɔntɔn bɔ wo ma, i kɛlɛ wo yɔɔna nya. Munu vɔ i zi fu plɛplɛ giéle valé lɛɛ plɛplɛ dale we ma; I kɛla furɔ nya kyɛyee bɔ bléyi va; Naa, yaamitazannu lé fu fɛɛle A bélé fu plɛplɛ lé éé gɔrɔ zanaan, a zo.

Ézai 32:2

Wo faa do do é dan kɛlɛ lɛ miyɔɔna nya, mi éé yɔɔan fu lɛɛ fɛan zo, a zo, bélé mi lé éé yɔɔan lɛɛ plɛplɛ lee, a zo. Wo dan kɛlɛ lɛ bélé ’yi lé éé yoroan fɛna gale na, a zo; bélé gɔlɛ blɛn furɔ zo, tɛrɛ kyɛdɔle ta.

Ézai 50:10

Dé ka va miomian éé kanaan Gakelebale lee, ’É tɔné dɔ a wuozan lɛ ma. Dé miomian é ke tawona gunutinu va, ’té kyɛsan vuru a ma, ’É pa Gakelebale tɔ ta ma, ’É vɔ élé Bale zi ma.

Jérémi 16:19

Gakelebale, anlé plɛplɛ, an tɛngizan, bii a an yɔɔna nya klebleyi nya. Bɛnnu é dan si lɛ tɛrɛ glɛ sina yé wo da i va, yé wo dan a fe lɛ léé: Viéfɛnu saa lé ko tranu a ye tɔnɔfɛ nya, yee valé miyili boanu lé wo tɔnɔ ’ka lo, wo nya.

Jérémi 17:17

Té i kana vɔ an gi lo; bii ɛ ke an yɔɔna nya we tɔntɔn bɔyi nya.

Jérémi 24:5

Gakelebale Izraɛlnu lé Bale léma: Fɛan zo lé bé ye léé, bɔrɔyiliporo kenu a é zima, a zo léé, Juda munu lé maa wo nwa ’ko yé wo go wo nya luu gi Kaldé tɛrɛ la, wa é zima, yé maa dan wezin kɛlɛ lɛ wo lɛ.

Jérémi 33:11

’bɛna lé wo dan ginana siaalenu ’ma lɛ yé wo dan ginana blɛn siaalenu ’ma lɛ. Wo dan ledɛrɛsizan valé bodɛrɛsizan lé lɛrɛvɔle ’ma lɛ; munu lé wa fé léé, ’ka lai sunyanu lé Gakelebale tɔ zin fe, naa, Gakelebale a é zin yé a nyanai éé zén‐é yifaama, wo dan ’bɛnu dére ’ma lɛ. Munu lé woo bɔvɔ sarakanu boo Gakelebale lé kɔn gi, wo dan ’bɛnu dére ’ma lɛ. Naa, maa dan da lɛ luugimunu nya wo pa gi; maa dan wo nyana lɛ ana bélé é vinin zé zo. Maa Gakelebale ɛ ke a fena.

Jérémi Lé Wuvɔ Sɛbɛ 3:25

Mian a bli ke Gakelebale lɛ, Gakelebale a é zin a ma, Mi lé éé a naginian, ’bɛzan lé.

Daniɛl 3:28

Nébukanɛsaa léé: Sadrak koo, Mésak koo, Abɛd‐Négo koo, wolé Bale drɔɔ ’é vo ma. Yeean é lanje pa zia yé a wuozannu lé wo bli ke a lɛ, ’té woo minwiinzan blɛn lé bélidɔwe lɛganma, yé wo bli si wo kɔlɛ lɛ, yé dé é ’ka wozé Bale do kpen nya lo, wo ’ka a nyi sié léé, wo ’wuo tua bale bɛnu lɛ yé wo ’bɛnu bɔ lo, yee ɛ wo si we gi.

Daniɛl 6:23

Yé minwiinzan blɛn gi nana é baba, yé é léé, ’wo Daniɛl bɔra guru gi. Wo Daniɛl bɔra guru gi, yé wo ’ka tuona do kpen ye lɛ a kɔlɛ ma lo; a pale a élé Bale ta, azama.

Joɛl 3:16

Gakelebale dére a wena Siɔn bélé golizra zo, ’Té éé wé Jérusalɛm. Tɛrɛ valé la ma éé nyɔɔn‐an, Naa, Gakelebale a élé munu yɔɔna nya, É a Izraɛlnu vɔzizan nya.

Sofoni 3:12

Migɔnɔ kiéné lé wobo kɛla kiéné, ’té woo yɔɔna yé Gakelebale tɔ gi bɛ, maa dan wo vo lɛ ka va.

Matio 27:43

Ébo bɛ pa Kazambale lee, naa, dé é sɔ Kazambale lɛ, ’bɛ a si we gi sin ma. Jézu a fe é kyɛn léé, ’é a Kazambale Be nya, amalé wa fe.

Matio 7:23

Naa, an dan a fe lɛ wo lɛ kpaklaa léé: Maa ’ka ka dɔɔ lɛ monomono lo. Ka lé ka weple kɛla, ’ka si an ma.

WENÉNÉ LE JAN A GYE (Évangile selon Jean) 10:14

Maa a ’blatabinzan zima nya. Maa anlé ’blanu dɔɔ yé wo an dɔɔ,

WENÉNÉ LE JAN A GYE (Évangile selon Jean) 10:27

Anlé ’blanu an dére maan, yé maa wo dɔɔ yé woo dan an zuo.

Rom munu 11:22

Bɛwemalé Kazambale lé zin koo, a wɛwɛ koo, ’ka bɔn‐in bɔrɔ wo ma; munu lé wo diéra, a wɛwɛ a wo ma; yé alé zin a i ta, ’té dé i dɔ gligli zin ’ko gi; dé ’bɛ kaan lo, bii é ziin, é dan sɔn vɔ lɛ i ma.

Galasi munu 4:9

Naa lao, ka Kazambale dɔɔ. ’Bɛ ta loru, Kazambale ɛ ka dɔɔ. Yé é kɛlɛ kaa yé ka nɔla boawe tɔɔtɔɔ vininzannu ’ko vaa? É kɛlɛ kaa yé ka kɛlɛle wolé luu nya nyi si é ziin?

2 Timoté 2:19

Kazambale lé wegane a é vɔle gligli duowo; naa, a dɔgligli dérenu lé ke ’ko: munu lé wo ke Mizan zé nya, é wo dɔɔ; yé mian éé Mizan tɔ laan, ’é daan weple ma ma.